వసంత వెంకట కృష్ణ ప్రసాద్

ఆయన 2019లో మైలవరం నియోజకవర్గం నుండి ఎమ్మెల్యేగా గెలిచాడు.

వసంత వెంకట కృష్ణ ప్రసాద్
ఎమ్మెల్యే
పదవీ కాలం 2019 – ప్రస్తుతం
నియోజకవర్గం	మైలవరం నియోజకవర్గం
ముందు	దేవినేని ఉమామహేశ్వరరావు
వ్యక్తిగత వివరాలు
జననం	(1970-04-09)1970 ఏప్రిల్ 9 ఐతవరం గ్రామం , నందిగామ మండలం , కృష్ణా జిల్లా , ఆంధ్రప్రదేశ్ రాష్ట్రం , భారతదేశం
రాజకీయ పార్టీ	తెలుగుదేశం పార్టీ
ఇతర రాజకీయ పార్టీలు	కాంగ్రెస్ పార్టీ , వైఎస్సార్ కాంగ్రెస్ పార్టీ
తల్లిదండ్రులు	వసంత నాగేశ్వర రావు, హైమావతి
జీవిత భాగస్వామి	శిరీష
సంతానం	ధీమంత్ సాయి & హిమ సాహితి

వసంత వెంకట కృష్ణ ప్రసాద్ 9 ఏప్రిల్ 1970న వసంత నాగేశ్వరరావు, హైమావతి దంపతులకు ఆంధ్రప్రదేశ్ రాష్ట్రం , కృష్ణా జిల్లా , నందిగామ మండలం , ఐతవరం గ్రామం లో జన్మించాడు. ఆయన గుంటూరులోని శ్రీ పాటిబండ్ల సీతారామయ్య హై స్కూల్ లో పదవ తరగతి పూర్తి చేశాడు.

వసంత వెంకట కృష్ణ ప్రసాద్ కాంగ్రెస్ పార్టీ ద్వారా రాజకీయాల్లోకి వచ్చి 1999 ఎన్నికల్లో కాంగ్రెస్‌ అభ్యర్థిగా నందిగామ నియోజకవర్గం నుండి పోటీ చేసి ఓడిపోయాడు. ఆయన 2004లో రెండవసారి ఎమ్మెల్యేగా పోటీ చేసి ఓడిపోయాడు. ఆయన 2005లో జిల్లా సహకార కేంద్ర బ్యాంకు (కేడీసీసీ బ్యాంకు) చైర్మన్‌గా, ఆప్‌కాబ్‌ చైర్మన్‌గా, జాతీయ స్థాయిలో నాప్కాబ్‌ వైస్‌ చైర్మన్‌గా పని చేశాడు. తెలంగాణ ఉద్యమం సమయంలో సమైక్యాంధ్రకు మద్దతుగా ఆప్‌కాబ్‌ చైర్మన్‌ పదవికి రాజీనామా చేశాడు.

వసంత వెంకట కృష్ణ ప్రసాద్ 2014 లో తెలుగుదేశం పార్టీలో చేరి ఎన్నికల్లో నందిగామ నియోజకవర్గం నుండి టీడీపీ అభ్యర్థి తంగిరాల ప్రభాకరరావు గెలుపులో కీలకంగా పని చేశాడు. ఆయన 2018లో వైఎస్సార్ కాంగ్రెస్ పార్టీ లో చేరి పార్టీ నియోజకవర్గ సమన్వయకర్త పని చేశాడు. వసంత వెంకట కృష్ణ ప్రసాద్ 2019లో జరిగిన అసెంబ్లీ ఎన్నికల్లో మైలవరం నియోజకవర్గం నుండి పోటీ చేసి తన సమీప ప్రత్యర్థి టీడీపీ అభ్యర్థి దేవినేని ఉమా పై 12653 ఓట్ల మెజారిటీతో గెలిచి తొలిసారి ఎమ్మెల్యేగా అసెంబ్లీకి ఎన్నికయ్యాడు.

వసంత వెంకట కృష్ణ ప్రసాద్ 2024 మార్చి 02న టీడీపీ అధ్యక్షుడు నారా చంద్రబాబునాయుడు సమక్షంలో తెలుగుదేశం పార్టీలో చేరాడు.