ᱠᱟᱱᱟᱰᱟ (/ˈkænədə/ ( listen); French: ) ᱫᱚ ᱫᱷᱟᱹᱨᱛᱤ ᱨᱮᱱᱟᱜ ᱫᱚᱥᱟᱨ ᱞᱟᱹᱴᱩ ᱫᱤᱥᱚᱢ ᱠᱟᱱᱟ᱾ ᱠᱟᱱᱟᱰᱟ ᱨᱮᱫᱚ ᱯᱩᱭᱞᱩ ᱛᱟᱸᱦᱮᱸᱱ ᱡᱟᱜᱟᱠᱩ ᱵᱮᱱᱟᱣ ᱞᱮᱫᱟ ᱚᱸᱰᱮᱱᱠᱩ ᱟᱹᱫᱤᱵᱟᱹᱥᱤᱠᱩ᱾ ᱤᱱᱟᱹ ᱛᱟᱭᱚᱢ ᱤᱝᱨᱮᱡᱽ ᱟᱨ ᱯᱷᱚᱨᱟᱥᱤ ᱡᱟᱹᱛᱤ ᱟᱴᱞᱟᱱᱴᱤᱠ ᱫᱚᱨᱮᱭᱟ ᱟᱲᱮ ᱧᱟᱢ ᱠᱟᱛᱮ ᱚᱸᱰᱮ ᱛᱟᱸᱦᱮᱸᱱᱠᱩ ᱮᱛᱦᱚᱵ ᱞᱮᱫᱟ᱾ ᱗ ᱥᱮᱨᱢᱟ ᱞᱟᱹᱲᱦᱟᱹᱭ ᱠᱟᱛᱮ ᱯᱨᱟᱱᱥ ᱠᱩ ᱤᱝᱨᱮᱡᱽ ᱴᱷᱮᱱᱠᱩ ᱦᱟᱨᱟᱣ ᱚᱪᱚᱭᱮᱱ ᱠᱷᱟᱱ ᱤᱝᱨᱮᱡᱽ ᱠᱩ ᱴᱷᱮᱱ ᱚᱱᱟ ᱡᱟᱜᱟᱠᱩ ᱟᱲᱟᱜ ᱟᱫ ᱠᱩᱣᱟ᱾ ᱑᱘᱖᱗ ᱥᱮᱨᱢᱟᱨᱮ ᱯᱚᱱᱮᱭᱟ ᱯᱚᱱᱚᱛ ᱱᱤᱭᱟᱹ ᱠᱟᱱᱟᱰᱟ ᱫᱤᱥᱚᱢ ᱛᱮᱭᱟᱨ ᱞᱮᱱᱟ᱾
ᱠᱟᱱᱟᱰᱟ ᱧᱩᱛᱩᱢ ᱫᱚ ᱠᱟᱱᱟᱴᱟ (kanata) ᱟᱹᱲᱟᱹ ᱠᱷᱚᱱ ᱦᱮᱡ ᱠᱟᱱᱟ᱾ ᱚᱱᱟ ᱟᱹᱲᱟᱹ ᱨᱮᱱᱟᱜ ᱢᱟᱱᱮ ᱫᱚ ᱦᱩᱭᱩᱜ ᱠᱟᱱᱟ ᱠᱮᱶᱴᱟ ᱠᱳᱣᱟᱜ ᱟᱛᱚ ᱥᱮ ᱴᱚᱞᱟ ᱥᱮ ᱯᱟᱺᱭᱲᱤ᱾ ᱑᱕᱔᱕ ᱥᱮᱨᱢᱟ ᱥᱮᱡ ᱤᱣᱨᱳᱯ ᱨᱮᱱᱟᱜ ᱯᱚᱛᱚᱵ ᱠᱚᱨᱮ ᱥᱮ ᱱᱟᱠᱥᱟ ᱨᱮ ᱱᱚᱣᱟ ᱡᱟᱜᱟ ᱫᱚ ᱠᱟᱱᱟᱰᱟ ᱦᱤᱥᱟᱹᱵ ᱛᱮᱜᱮᱠᱩ ᱚᱞ ᱞᱮᱫᱟ᱾
ᱚᱛ ᱦᱟᱥᱟ ᱨᱮᱱᱟᱜ ᱡᱟᱜᱟ ᱞᱮᱠᱟᱛᱮ ᱠᱟᱱᱟᱰᱟ ᱫᱚ ᱫᱷᱟᱹᱨᱛᱤ ᱨᱮᱱᱟᱜ ᱫᱚᱥᱟᱨ ᱞᱟᱹᱴᱩ ᱫᱤᱥᱚᱢ ᱠᱟᱱᱟ᱾ ᱩᱛᱟᱹᱨ ᱟᱢᱮᱨᱤᱠᱟ ᱢᱚᱦᱟᱫᱮᱥ ᱨᱮᱱᱟᱜ ᱔᱑ ᱥᱟᱭᱠᱚᱨᱟ ᱱᱤᱭᱟᱹᱛᱮ ᱠᱟᱱᱟᱰᱟ ᱨᱮᱱᱟᱜ ᱡᱟᱜᱟ ᱫᱚ ᱢᱮᱱᱟᱜ-ᱟ᱾ ᱠᱟᱱᱟᱰᱟ ᱫᱚ ᱨᱮᱭᱟᱲ ᱫᱤᱥᱚᱢ ᱢᱮᱱᱛᱮᱦᱚᱸ ᱠᱩ ᱞᱮᱠᱷᱟᱭᱟ᱾ ᱩᱫᱽᱜᱟᱹᱨ ᱫᱤᱱ ᱦᱚᱸ ᱱᱚᱸᱰᱮ ᱨᱟᱵᱟᱝᱜᱮ ᱵᱩᱡᱷᱦᱟᱹᱜ-ᱟ ᱟᱨ ᱨᱮᱭᱟᱲ ᱫᱤᱱ ᱢᱟ ᱟᱹᱰᱤ ᱛᱮᱛᱜᱮ ᱨᱟᱵᱟᱝ ᱵᱩᱡᱷᱟᱹᱜ-ᱟ᱾ ᱱᱚᱣᱟ ᱫᱤᱥᱚᱢ ᱫᱚ ᱤᱨᱟᱹᱞ ᱪᱟᱸᱫᱚ ᱜᱮ ᱵᱚᱨᱚᱯᱷ ᱧᱩᱨᱦᱟᱹᱜ-ᱟ᱾
ᱤᱝᱨᱮᱡᱤ ᱟᱨ ᱯᱷᱚᱨᱟᱥᱤ ᱯᱟᱹᱨᱥᱤ ᱵᱟᱱᱟᱨᱜᱮ ᱠᱟᱱᱟᱰᱟ ᱨᱮᱱᱟᱜ ᱥᱚᱨᱠᱟᱨᱤ ᱯᱟᱹᱨᱥᱤ ᱠᱟᱱᱟ᱾ ᱠᱟᱱᱟᱰᱟ ᱨᱮᱱ ᱟᱹᱫᱤᱵᱟᱹᱥᱤ ᱠᱩ ᱟᱹᱠᱩᱣᱟᱜ ᱟᱯᱱᱟᱨ ᱟᱯᱱᱟᱨ ᱜᱚᱜᱚ ᱯᱟᱹᱨᱥᱤ ᱛᱮᱠᱚ ᱨᱚᱲᱟ᱾
This article uses material from the Wikipedia ᱥᱟᱱᱛᱟᱲᱤ article ᱠᱟᱱᱟᱰᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.