Kanada

Canada

(Baner Kanada) (Kota arvow Kanada)
Lavar kenedhlek: A Mari usque ad Mare
Yethow soedhogel	Sowsnek, Frynkek
Penn-sita	Ottawa
Brassa sita	Toronto
Myghternes	Charlys III
Governour Brav	Mary Simon
Pennmenyster	Justin Trudeau (Livrel)
Enep	9,984,670 km²
Poblans (2005) - Doesedh	32,400,000 a drigoryon 3.5 triger/km²
Kesunyans	1ª Gortheren 1867
Mona kemmyn	Dollar kanadek ($ CAD)
Kan genedhlek	O Canada
Kodenn pellgowser	+1

Yma'n Keffrysyans ow tydhya a-dhia 1867 hag ynno 10 pow ha 3 tiredh y'n eur ma. Trevesigethow frynkek ha predennek o niver a'n powyow ma.

Powyow Kanada:

1. Tir Nowydh ha Labrador
2. Alban Nowydh
3. Ynys an Prins Edward
4. Brunswick Nowydh
5. Québec
6. Ontario
7. Manitoba
8. Saskatchewan
9. Alberta
10. Kolombi Bredennek

Tiredhow:

A. Nunavut
B. Tiredhow an Gledh-West
C. Yukon

An brassa sitys yw Toronto ha Montréal, mes Ottawa yw pennsita an Keffrysyans. Vancouver yw an vrassa sita y'n Howlsedhes. Sowsnek ha Frynkek yw yethow soedhogel an Keffrysyans; y kewsir Frynkek gans an vrassa niver a dus yn Pow Québec, ha gans niveryow le yn tylleryow erell (yn arbennik Ontario ha Brunswick Nowydh). Yma an yeth Sowsnek ow kwarthevya y'n naw pow saw Québec.

Nyns eus dhe Ganada gwlas kentrevik saw onan, an Statys Unys.

An Emperoureth Predennek a dryghas powyow est Kanada a'n Frynkyon yn 1713 (pow Acadie) ha 1759-1760 (pow Canada). Tus Kanada a omladha erbynn an Amerikanyon y'n Domhwelans Amerikan ha Bresel 1812. Kanada yw anserghek yn soedhogel a-dhia Reyth Westminster yn 1931.