ᱛᱩᱲᱤ

ᱚᱲᱚᱝ

ᱛᱩᱲᱤ ᱡᱟᱝ ᱫᱚ ᱦᱩᱰᱤᱧ ᱦᱩᱰᱤᱧ ᱟᱨ ᱜᱩᱞᱟᱹᱭ ᱜᱮᱭᱟ ᱾ ᱱᱚᱶᱟ ᱫᱚ ᱑ ᱠᱷᱚᱱ ᱒ ᱢᱤᱞᱤᱢᱤᱴᱤᱨ ᱰᱟᱭᱢᱤᱴᱚᱨ ᱜᱟᱱ ᱟᱨ ᱨᱚᱝ ᱫᱚ ᱦᱮᱸᱫᱮ ᱟᱨᱟᱜ ᱟᱨ ᱥᱟᱥᱟᱝ ᱢᱮᱥᱟ ᱜᱮᱭᱟ ᱾ ᱛᱩᱲᱤ ᱨᱮᱭᱟᱜ ᱜᱩᱴ ᱤᱫᱤ ᱠᱟᱛᱮ ᱨᱚᱝ ᱫᱚ ᱵᱷᱮᱜᱟᱨ ᱵᱷᱮᱜᱟᱨ ᱜᱮᱭᱟ ᱾

ᱪᱟᱥ ᱦᱚᱨᱟ

ᱛᱩᱲᱤ ᱚᱢᱚᱱ ᱨᱮ ᱫᱚ ᱥᱤᱧᱚᱛ ᱟᱹᱰᱤ ᱢᱟᱨᱟᱝ ᱴᱷᱟᱶ ᱮ ᱟᱢᱮᱴ ᱟᱠᱟᱫᱼᱟ ᱾ ᱳᱰᱤᱥᱟ ᱯᱚᱱᱚᱛ ᱨᱮ ᱫᱚ ᱛᱩᱲᱤ ᱫᱚ ᱥᱩᱢᱩᱝ ᱨᱟᱵᱟᱝ ᱨᱤᱛᱩ ᱨᱮᱜᱮ ᱦᱩᱭᱩᱜᱼᱟ ᱾ ᱱᱚᱶᱟ ᱪᱟᱥ ᱫᱚ ᱵᱟᱹᱞᱭᱟᱹ ᱦᱟᱥᱟ ᱨᱮ ᱵᱮᱥ ᱦᱩᱭᱩᱜᱼᱟ ᱾ ᱱᱚᱶᱟ ᱪᱟᱥ ᱞᱟᱹᱜᱤᱫ ᱞᱚᱞᱚᱥᱚᱝ ᱫᱚ ᱑᱐ ᱠᱷᱚᱱ ᱑᱕^o ᱥᱮᱞᱥᱤᱭᱚᱥ ᱜᱟᱱ ᱞᱚᱞᱚ ᱨᱮ ᱪᱟᱥ ᱫᱚ ᱦᱩᱭᱩᱜᱼᱟ ᱟᱨ ᱱᱟᱥᱮ ᱦᱮᱢᱟᱞ ᱦᱚᱸ ᱞᱟᱹᱠᱛᱤᱜᱼᱟ ᱾ ᱚᱠᱴᱚᱵᱚᱨ ᱠᱷᱚᱱ ᱱᱚᱵᱷᱮᱢᱵᱚᱨ ᱪᱟᱸᱫᱚ ᱨᱮ ᱛᱩᱲᱤ ᱫᱚ ᱠᱚ ᱮᱨᱟ ᱟᱨ ᱮᱨ ᱛᱟᱭᱚᱢ ᱞᱮᱱ ᱠᱷᱟᱱ ᱡᱚ ᱦᱚᱸ ᱠᱚᱢ ᱜᱮ ᱧᱟᱢᱚᱜᱼᱟ ᱾

ᱡᱟᱝ ᱮᱨ

᱑ ᱠᱤᱞᱚᱜᱨᱟᱢ ᱡᱟᱝ ᱥᱟᱶ ᱓ ᱜᱨᱟᱢ ᱛᱷᱤᱨᱟᱢ ᱟᱨᱵᱟᱝ ᱠᱟᱨᱵᱚᱱ ᱰᱟᱭᱡᱤᱭᱚᱢ ᱟᱨᱵᱟᱝ ᱑ ᱜᱨᱟᱢ ᱵᱷᱤᱴᱟᱵᱷᱟᱠᱥ ᱢᱤᱞᱟᱹᱣ ᱠᱟᱛᱮ ᱥᱟᱯᱷᱟ ᱞᱟᱹᱠᱛᱤ ᱾ ᱛᱩᱲᱤ ᱫᱚ ᱫᱷᱟᱹᱲ ᱨᱮ ᱮᱨ ᱞᱟᱹᱠᱛᱤ ᱠᱟᱱᱟ ᱾ ᱛᱩᱲᱤ ᱫᱷᱟᱹᱲ ᱫᱚ ᱮᱛᱚᱢ-ᱠᱚᱧᱮ ᱵᱮᱱᱟᱣ ᱞᱮᱠᱷᱟᱱ ᱵᱮᱥ ᱥᱤᱛᱩᱝ ᱧᱩᱨᱩᱜᱼᱟ ᱟᱨ ᱵᱮᱥ ᱚᱢᱚᱱᱚᱜ-ᱟ ᱾ ᱫᱟᱜ ᱵᱟᱝ ᱢᱚᱰᱟᱣᱟᱜ ᱠᱤᱨᱥᱤ ᱨᱮ ᱫᱚ ᱠᱷᱚᱛ ᱫᱚ ᱮᱨ ᱚᱠᱛᱚ ᱨᱮ ᱠᱚ ᱮᱨᱟ ᱟᱨ ᱫᱟᱜ ᱢᱚᱰᱟᱣᱟᱜ ᱫᱚ ᱡᱟᱝ ᱮᱨ ᱡᱚᱠᱷᱟᱜ ᱦᱚᱸ ᱟᱨ ᱮᱨ ᱠᱟᱛᱮ ᱯᱮ ᱦᱟᱯᱛᱟ ᱛᱟᱭᱚᱢ ᱠᱷᱚᱛ ᱠᱚ ᱮᱨᱮᱭᱟᱜᱼᱟ ᱾

ᱫᱟᱜ ᱢᱚᱰᱟᱣ

ᱫᱟᱨᱮ ᱨᱟᱠᱟᱵ ᱠᱟᱛᱮ ᱒᱕ ᱫᱤᱱ ᱛᱟᱭᱚᱢ ᱮᱦᱚᱵ ᱟᱨ ᱡᱚ ᱥᱟᱵ ᱠᱟᱛᱮ ᱟᱨ ᱢᱤᱫ ᱫᱷᱟᱣ ᱫᱟᱜ ᱢᱚᱰᱟᱣ ᱦᱩᱭᱩᱜᱼᱟ ᱾ ᱮᱱᱠᱷᱟᱱ ᱰᱮᱦᱮᱨ ᱵᱟᱦᱟᱜᱼᱟ ᱟᱨ ᱡᱟᱝ ᱦᱚᱸ ᱰᱮᱦᱮᱨ ᱜᱮ ᱦᱩᱭᱩᱜᱼᱟ ᱾

ᱚᱢᱚᱱ

ᱛᱩᱲᱤ ᱡᱚ ᱨᱮᱱᱟᱜ ᱑᱑᱐ ᱠᱷᱚᱱ ᱑᱔᱐ ᱫᱤᱱ ᱛᱮ ᱯᱟᱠᱚᱲᱚᱜ-ᱟ ᱾ ᱫᱟᱨᱮ ᱨᱮ ᱡᱚ ᱫᱚ ᱥᱟᱥᱟᱝᱚᱜ ᱛᱟᱭᱚᱢ ᱥᱟᱠᱟᱢ ᱧᱩᱨᱩᱜ ᱡᱚᱠᱷᱟᱜ ᱛᱩᱲᱤ ᱫᱟᱨᱮ ᱫᱚ ᱠᱚ ᱜᱮᱫᱼᱟ ᱾ ᱱᱚᱶᱟ ᱚᱠᱛᱚ ᱨᱮ ᱡᱚ ᱔᱐ ᱥᱟᱭᱠᱚᱨᱟ ᱵᱷᱟᱜᱽ ᱫᱟᱜ ᱛᱟᱦᱟᱸᱱᱟ ᱟᱨ ᱵᱟᱹᱲᱛᱤ ᱜᱮ ᱥᱩᱱᱩᱢ ᱛᱟᱦᱮᱸᱱᱟ ᱾ ᱡᱟᱝ ᱨᱮ ᱘ ᱥᱟᱭᱠᱚᱨᱟ ᱠᱷᱚᱱ ᱠᱚᱢ ᱫᱟᱜ ᱛᱟᱦᱮᱸ ᱞᱟᱹᱠᱛᱤ ᱾ ᱚᱱᱟᱛᱮ ᱜᱮᱫ ᱛᱟᱭᱚᱢ ᱦᱩᱰᱤᱧ ᱦᱩᱰᱤᱧ ᱛᱚᱞ ᱵᱤᱸᱰᱟᱹ ᱠᱟᱛᱮ ᱕ ᱠᱷᱚᱱ ᱖ ᱫᱤᱱ ᱠᱚ ᱨᱚᱦᱚᱲᱟ, ᱚᱱᱟ ᱛᱟᱭᱚᱢ ᱡᱟᱝ ᱫᱟᱞ ᱧᱩᱨ ᱠᱟᱛᱮ ᱡᱟᱝ ᱠᱚ ᱛᱚᱦᱚᱭᱟ ᱾

ᱪᱤᱛᱟᱹᱨ ᱠᱚ

ᱵᱟᱦᱨᱮ ᱡᱚᱱᱚᱲ

Media related to ᱛᱩᱲᱤ at Wiki Commons

ᱥᱟᱹᱠᱷᱭᱟᱹᱛ

This article uses material from the Wikipedia ᱥᱟᱱᱛᱟᱲᱤ article ᱛᱩᱲᱤ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.