ᱧᱩᱛᱩᱢ
-ᱠᱷᱮᱨᱣᱟᱲ ᱜᱟᱫᱮᱞ ᱥᱟᱨᱱᱟ ᱫᱷᱚᱨᱚᱢ ᱦᱚᱲ ᱫᱚ ᱜᱤᱫᱽᱨᱟᱹᱠᱚᱣᱟᱜ ᱧᱩᱛᱩᱢ ᱫᱚ ᱜᱚᱲᱚᱢ ᱵᱟᱵᱟ, ᱜᱚᱲᱚᱢ ᱟᱭᱳ, ᱢᱟᱢᱚ ᱦᱟᱲᱟᱢ, ᱢᱟᱢᱚ ᱵᱩᱷᱤᱭᱟᱜ ᱧᱩᱛᱩᱢ ᱠᱚ ᱫᱚᱦᱚᱭᱟ ᱾ ᱮᱴᱟᱜ ᱦᱚᱲ ᱞᱮᱠᱟ ᱡᱟᱱᱟᱢ ᱢᱟᱦᱟ, ᱡᱟᱱᱟᱱ ᱪᱟᱸᱫᱚ, ᱡᱟᱱᱟᱱ ᱴᱷᱟᱶ, ᱡᱟᱱᱟᱱ ᱨᱤᱛᱩ, ᱢᱟᱹᱱᱥᱤᱠ ᱵᱚᱝᱜᱟ ᱠᱚᱣᱟᱜ ᱧᱩᱛᱩᱢ ᱫᱚ ᱵᱟᱠᱚ ᱫᱚᱦᱚᱭᱟ ᱾ ᱥᱤᱨᱡᱚᱱ ᱫᱚ ᱦᱟᱯᱲᱟᱢ ᱠᱚᱣᱟᱜ ᱢᱟᱸᱭᱟᱢ ᱛᱚᱸᱜᱮ ᱠᱟᱱᱟ ᱾ ᱧᱩᱛᱩᱢ ᱧᱟᱢ ᱦᱚᱸ ᱟᱠᱚᱣᱟᱜ ᱦᱚᱠ ᱠᱟᱱ ᱛᱟᱠᱚᱣᱟ ᱾ ᱦᱟᱱᱟ ᱱᱷᱟᱶᱟ ᱧᱩᱛᱩᱢ ᱠᱟᱛᱮ ᱮᱴᱟᱜ ᱵᱚᱝᱜᱟᱠᱚ ᱚᱲᱟᱜ ᱵᱷᱤᱛᱟᱹᱨ ᱛᱮ ᱟᱞᱚᱵᱚ ᱥᱟᱸᱵᱟᱣ ᱠᱚᱢᱟ ᱾ ᱪᱮᱫᱟᱜ ᱥᱮ ᱱᱤᱛᱟᱜ ᱦᱚᱲ ᱧᱩᱛᱩᱢ ᱫᱚ ᱡᱟᱦᱟᱸ ᱦᱤᱞᱚᱜ ᱫᱚ ᱵᱚᱝᱜᱟ ᱧᱩᱛᱩᱢᱚᱜᱼᱟ ᱾ ᱦᱟᱯᱮᱱ ᱦᱟ ᱨᱮ ᱚᱲᱟᱜ ᱵᱚᱝᱜᱟᱠᱚ ᱵᱟᱹᱲᱤᱡᱚᱜᱼᱟ ᱾ ᱯᱟᱹᱨᱤᱥ ᱵᱚᱝᱜᱟ, ᱫᱷᱚᱨᱚᱢ ᱵᱚᱝᱜᱟ ᱡᱚᱛᱚᱠᱚ ᱵᱟᱹᱲᱤᱡᱚᱜᱼᱟ ᱾ ᱡᱤᱣᱤ ᱦᱚᱲᱢᱚ ᱚᱲᱟᱜ ᱫᱩᱣᱟᱨ ᱵᱟᱹᱲᱤᱡᱚᱜ ᱡᱚᱠᱷᱟᱜ ᱠᱷᱟᱹᱲᱤ ᱠᱷᱚᱱᱴᱟ ᱨᱮᱦᱚᱸ ᱵᱟᱝ ᱠᱚ ᱯᱟᱱᱛᱮ ᱧᱟᱢᱚᱜᱼᱟ ᱾ ᱤᱠᱷᱟᱹᱱ ᱡᱤᱣᱤ ᱨᱮᱱᱟᱜ ᱡᱚᱞᱚᱱ ᱫᱚ ᱵᱟᱝ ᱥᱟᱦᱟᱜᱼᱟ ᱾ ᱧᱩᱛᱩᱢ ᱠᱷᱚᱱ ᱦᱚᱸ ᱵᱚ ᱴᱷᱤᱠᱟᱹᱜ ᱢᱟ ᱥᱟᱨᱱᱟ ᱫᱷᱚᱨᱚᱢ ᱦᱚᱲ ᱠᱟᱱᱟᱵᱚ ᱢᱮᱱᱛᱮ ᱾
This article uses material from the Wikipedia ᱥᱟᱱᱛᱟᱲᱤ article ᱧᱩᱛᱩᱢ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.