᱐ (ᱥᱩᱱ) ᱫᱚ ᱚᱞ ᱪᱤᱠᱤ ᱞᱤᱯᱤ ᱨᱮ ᱵᱮᱵᱷᱟᱨᱚᱜ ᱠᱟᱱ ᱢᱤᱫ ᱮᱞ ᱠᱟᱱᱟ ᱡᱟᱸᱦᱟ ᱫᱚ ᱮᱞᱠᱷᱟ ᱨᱮᱱᱟᱜ ᱢᱤᱫ ᱛᱟᱞᱢᱟ ᱜᱩᱱ ᱮ ᱜᱚᱜ ᱟᱠᱟᱫᱟ ᱾ ᱱᱚᱣᱟ ᱐ ᱨᱮᱱᱟᱜ ᱵᱮᱵᱷᱟᱨ ᱫᱚ ᱮᱭᱟᱭ ᱥᱟᱭᱟᱝ ᱢᱟᱬᱟᱝ ᱨᱮ ᱵᱨᱚᱢᱦᱚ ᱜᱩᱯᱛᱚ ᱦᱟᱜ ᱵᱨᱚᱢᱦᱚ ᱜᱩᱯᱛᱚ ᱟᱜ ᱥᱤᱫᱷᱟᱱᱛᱚ ᱨᱮ ᱥᱚᱫᱚᱨ ᱞᱮᱱᱟ ᱾ ᱐ ᱵᱟᱝ ᱛᱟᱦᱮᱸ ᱠᱚᱜ ᱠᱷᱟᱱ ᱛᱮᱦᱮᱧ ᱮᱞᱠᱷᱟ ᱥᱟᱬᱮᱥ ᱦᱚ ᱩᱱᱟᱹᱜ ᱵᱟᱝ ᱞᱟᱦᱟ ᱠᱚᱜᱼᱟ ᱾ ᱚᱱᱟ ᱠᱷᱟᱹᱛᱤᱨ ᱱᱚᱣᱟ ᱫᱚ ᱱᱟᱜᱟᱢ ᱨᱮ ᱥᱤᱧᱚᱛ ᱫᱤᱥᱚᱢ ᱟᱜ ᱥᱮᱬᱟ ᱮᱱᱮᱢ ᱠᱟᱱᱟ ᱾ ᱥᱚᱱ ᱫᱚ ᱥᱟᱱᱛᱟᱲᱤ ᱮᱞᱠᱷᱟ ᱨᱮᱦᱚ ᱵᱮᱵᱷᱟᱨᱚᱜ-ᱟ ᱪᱮᱫᱟᱜ ᱥᱮ ᱐ ᱫᱚ ᱮᱞ ᱨᱮᱱᱟᱜ ᱜᱩᱱ ᱢᱟᱱ ᱵᱮᱥᱤᱡᱟᱝ ᱠᱟᱱᱟ ।
᱐ ᱨᱮᱭᱟᱜ ᱟᱯᱱᱟᱨ ᱫᱟᱲᱮ ᱫᱚ ᱵᱟᱹᱱᱩᱜ ᱟᱱᱟ ᱤᱠᱷᱟᱹᱱ ᱮᱴᱟᱜ ᱮᱞ ᱥᱟᱶ ᱛᱮᱫᱚ ᱟᱹᱰᱤ ᱫᱟᱲᱮᱭᱟᱱ ᱜᱮᱭᱟ ᱾ ᱡᱮᱢᱚᱱ ᱢᱤᱫ ᱴᱟᱝ ᱮᱞ ᱥᱚᱝ ᱚᱲᱟᱜ ᱨᱮᱫᱚ ᱐ ᱥᱩᱢᱟᱹᱫ ᱫᱟᱲᱮ ᱫᱚ ᱪᱮᱫ ᱦᱚᱸ ᱵᱟᱹᱱᱩᱜ ᱟᱹᱱᱤᱡ, ᱤᱠᱷᱟᱹᱱ ᱜᱮᱞ ᱥᱚᱝ ᱚᱲᱟᱜ ᱨᱮ ᱑ ᱮᱢ ᱫᱚᱲᱚᱢ ᱮ ᱠᱷᱟᱱ ᱑᱐ (ᱜᱮᱞ) ᱦᱩᱭ ᱮᱱᱟ ᱾ ᱚᱱᱠᱟ ᱜᱮ ᱒᱐, ᱓᱐, ᱕᱐, ᱑᱐᱐, ᱑᱐᱐᱐, ᱑᱐᱐᱐᱐ … ᱮᱢᱟᱱ ᱠᱚ ᱾
ᱡᱟᱦᱟᱱ ᱮᱞ ᱜᱮ ᱐ ᱥᱟᱶ ᱥᱮᱞᱮᱫ ᱞᱮᱱᱠᱷᱟᱱ ᱤᱱᱟᱹ ᱜᱮ ᱛᱟᱦᱮᱱᱟ ᱡᱮᱢᱚᱱ ᱑ + ᱐ = ᱑, ᱒ + ᱐ = ᱒ ᱚᱱᱠᱟ ᱜᱮ ᱐ ᱥᱟᱶ ᱡᱟᱦᱟᱱ ᱮᱞ ᱥᱮᱞᱮᱫ ᱨᱮᱦᱚᱸ ᱤᱱᱟᱺᱜᱮ ᱛᱟᱦᱮᱱᱼᱟ ᱡᱮᱢᱳᱱ ᱐ + ᱑ = ᱑, ᱐ + ᱒ = ᱒ ᱱᱚᱣᱟ ᱫᱚ ᱐ ᱨᱮᱱᱟᱜ ᱥᱮᱞᱮᱫᱚᱜ ᱩᱯᱩᱨᱩᱢ ᱜᱩᱬ ᱠᱟᱱᱟ ᱾
ᱥᱮᱞᱮᱫ ᱞᱮᱠᱟᱜᱮ ᱵᱷᱮᱜᱮᱫ ᱨᱮᱦᱚᱸ ᱐ ᱡᱟᱦᱟᱱᱟᱜ ᱵᱷᱮᱜᱮᱫ ᱵᱟᱝ ᱜᱟᱱᱚᱜᱼᱟ ᱡᱮᱢᱚᱱ ᱑ - ᱐ = ᱑, ᱒ - ᱐ = ᱒, ᱡᱟᱦᱟᱸ ᱛᱤᱱ ᱥᱮᱬᱟ ᱮᱞ ᱠᱷᱚᱱ ᱐ ᱮᱢ ᱵᱷᱮᱜᱮᱫ ᱜᱷᱟᱱ ᱤᱱᱟᱹᱜ ᱜᱮ ᱥᱟᱨᱮᱡ ᱨᱩᱣᱟᱲᱚᱜᱼᱟ ᱾ ᱤᱠᱷᱟᱹᱱ ᱐ ᱜᱷᱚᱱ ᱡᱟᱦᱟᱱᱟᱜ ᱮᱢ ᱵᱷᱮᱜᱮᱫ ᱠᱷᱟᱱ ᱤᱱᱟᱹᱜ ᱵᱷᱮᱜᱮᱫ ᱥᱟᱨᱮᱡᱚᱜᱼᱟ ᱡᱮᱢᱚᱱ ᱐ - ᱑ = -᱑, ᱐ - ᱒ = -᱒ ᱹᱹᱹ ᱾
ᱜᱟᱵᱟᱬ ᱨᱮᱦᱚᱸ ᱐ ᱥᱟᱶ ᱡᱟᱦᱟᱸ ᱛᱤᱱ ᱥᱮᱬᱟ ᱮᱞ ᱮ ᱜᱟᱵᱟᱬ ᱮᱱ ᱨᱮᱦᱚᱸ ᱚᱨᱡᱚ ᱫᱚ ᱪᱮᱫ ᱦᱚᱸ ᱵᱟᱝ ᱧᱟᱢᱳᱜᱼᱟ ᱾ ᱡᱮᱢᱚᱱ ᱐ × ᱑ = ᱐ ᱐ × ᱒ = ᱐ ᱾ ᱚᱱᱠᱟ ᱜᱮ ᱡᱟᱦᱟᱸ ᱛᱤᱱ ᱥᱮᱬᱟ ᱮᱞ ᱐ ᱥᱟᱶ ᱮ ᱜᱟᱵᱟᱬᱚᱜ ᱨᱮᱦᱚᱸ ᱚᱨᱡᱚ ᱫᱚ ᱐ ᱜᱮ ᱴᱟᱦᱮᱱᱟ ᱡᱮᱢᱚᱱ ᱑ × ᱐ = ᱐, ᱒ × ᱐ = ᱐ ᱾
ᱦᱟᱴᱟᱬ ᱨᱮ ᱐ ᱡᱟᱦᱟᱱᱟᱜ ᱮᱞ ᱛᱮ ᱦᱟᱴᱟᱬ ᱞᱮᱠᱷᱟᱱ ᱦᱟᱬᱟ ᱫᱚ ᱐ ᱜᱮ ᱛᱟᱦᱮᱱᱟ ᱡᱮᱢᱚᱱ ᱐ ÷ ᱑ = ᱐, ᱐ ÷ ᱒ = ᱐ ᱾ ᱟᱨ ᱡᱟᱦᱟᱱᱜᱟ ᱮᱞ ᱐ ᱛᱮᱢ ᱦᱟᱴᱟᱬ ᱠᱷᱟᱱ ᱦᱟᱬᱟ ᱫᱚ ᱚᱦᱤᱥᱟᱹᱵ (infinity) ᱦᱩᱭᱩᱜᱼᱟ ᱡᱮᱢᱚᱱ ᱑ ÷ ᱐ = ∞, ᱒ ÷ ᱐ = ∞ ᱾
ᱯᱩᱭᱞᱩ ᱪᱟᱱᱟᱪ ᱨᱮ ᱯᱚᱨᱤᱥᱤᱢᱟ ᱥᱮ ᱯᱳᱱ ᱫᱷᱟᱨᱮ ᱡᱤᱞᱤᱧ ᱠᱚᱲ ᱟᱨ ᱚᱱᱟ ᱵᱷᱤᱛᱤᱨ ᱛᱤᱱᱟᱹᱜ ᱡᱟᱭᱜᱟ ᱚᱱᱟ ᱵᱟᱰᱟᱭ ᱦᱚᱪᱚᱸ ᱞᱟᱹᱜᱤᱫ ᱢᱤᱫᱴᱟᱝ ᱢᱤᱫᱴᱟᱝ ᱪᱟᱱᱟᱪ ᱨᱮᱱᱟᱜ ᱠᱟᱢᱤ ᱦᱚᱨᱟ ᱠᱚ ᱯᱟᱥᱱᱟᱣ ᱦᱩᱭ ᱮᱱᱟ । ᱡᱟᱦᱟ ᱛᱮ ᱯᱟᱹᱴᱷᱩᱣᱟᱹ ᱠᱚ ᱛᱟᱞᱟ ᱨᱮ ᱫᱷᱟᱨᱟ ᱛᱮ ᱜᱮᱭᱟᱱ ᱛᱮᱭᱟᱨ ᱯᱟᱱᱛᱷᱟ ᱫᱚ ᱞᱟᱹᱭ ᱜᱟᱱᱚᱜ-ᱟ।
This article uses material from the Wikipedia ᱥᱟᱱᱛᱟᱲᱤ article ᱐, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.