ᱪᱟᱭᱱᱤᱡᱽ ᱯᱟᱹᱨᱥᱤ ᱫᱚ ᱪᱟᱭᱱᱟ ᱫᱤᱥᱚᱢ ᱨᱮᱱᱟᱜ ᱢᱩᱬᱩᱛ ᱯᱟᱹᱨᱥᱤ ᱠᱟᱱᱟ ᱾ ᱱᱚᱣᱟ ᱫᱚ ᱫᱷᱟᱹᱨᱛᱤ ᱨᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱠᱚ ᱨᱚᱲᱮᱫ ᱯᱟᱹᱨᱥᱤ ᱠᱟᱱᱟ ᱾ ᱱᱚᱣᱟ ᱫᱚ ᱪᱟᱭᱱᱟ (ᱪᱤᱱ) ᱟᱨ ᱥᱟᱢᱟᱝ ᱮᱥᱤᱭᱟ ᱨᱮᱱᱟᱜ ᱛᱤᱢᱤᱱ ᱜᱟᱱ ᱫᱤᱥᱚᱢ ᱨᱮ ᱠᱚ ᱨᱚᱲ ᱠᱟᱱᱟ ᱾ ᱪᱟᱭᱱᱤᱡᱽ ᱯᱟᱹᱨᱥᱤ ᱫᱚ ᱥᱤᱱᱚ-ᱛᱤᱵᱽᱵᱚᱛᱤ ᱯᱟᱹᱨᱥᱤ ᱜᱷᱟᱨᱚᱡᱽ ᱨᱮᱱᱟᱜ ᱢᱤᱫ ᱯᱟᱹᱨᱥᱤ ᱠᱟᱱᱟ ᱾
ᱪᱟᱭᱱᱤᱡᱽ ᱯᱟᱹᱨᱥᱤ ᱫᱚ ᱢᱤᱫ ᱢᱟᱨᱟᱝ ᱫᱟᱨᱮ ᱠᱟᱱᱟ ᱾ ᱯᱷᱮᱰᱟᱛ ᱫᱚ ᱟᱹᱰᱤ ᱢᱟᱬᱟᱝ ᱨᱮᱭᱟᱜ ᱠᱟᱱᱟ, ᱱᱩᱛᱚᱜ ᱫᱚ ᱟᱹᱰᱤ ᱢᱟᱨᱟᱝ ᱰᱟᱹᱨ ᱟᱠᱟᱱᱟ ᱾ ᱪᱟᱭᱱᱤᱡᱽ ᱯᱟᱹᱨᱥᱩ ᱫᱚ ᱚᱥᱚᱞ ᱨᱮ ᱯᱟᱹᱨᱥᱤ ᱫᱚ ᱵᱟᱝ ᱠᱟᱱᱟ ᱾ ᱱᱚᱣᱟ ᱫᱚ ᱮᱭᱟᱭ ᱜᱚᱴᱟᱝ ᱢᱩᱬ ᱯᱟᱹᱨᱥᱤ ᱨᱮᱱᱟᱜ ᱜᱩᱴᱢᱤᱫ ᱠᱟᱱᱟ ᱾
ᱪᱟᱭᱱᱤᱡᱽ ᱯᱟᱹᱨᱥᱤ ᱨᱮ ᱵᱷᱮᱯᱮᱫ ᱢᱮᱱᱟᱜ ᱚᱞ ᱞᱟᱹᱜᱤᱫ ᱫᱚ ᱢᱤᱫ ᱪᱤᱠᱤ ᱜᱮ ᱠᱚ ᱵᱮᱵᱷᱟᱨᱟ ᱾ ᱑᱙᱕᱖ ᱥᱟᱞᱮ ᱟᱠᱚᱭᱤᱡ ᱥᱚᱨᱠᱟᱨ ᱢᱤᱫ ᱩᱥᱟᱹᱨᱟ ᱪᱤᱠᱤᱭ ᱛᱚᱞ ᱠᱮᱜᱼᱟ ᱪᱤ ᱚᱱᱟ ᱪᱤᱠᱤ ᱛᱮᱜᱮ ᱠᱚ ᱚᱞᱚᱜ ᱢᱟ ᱢᱮᱱᱛᱮ ᱾ ᱢᱮᱱᱞᱮᱸᱰ ᱟᱨ ᱥᱤᱝᱜᱟᱯᱩᱨ ᱨᱮ ᱫᱚ ᱦᱚᱲ ᱠᱚ ᱩᱥᱟᱹᱨᱟ ᱪᱤᱠᱤ ᱜᱮ ᱠᱚ ᱵᱮᱵᱷᱟᱨᱮᱜᱼᱟ ᱾ ᱢᱮᱱᱠᱷᱟᱱ ᱦᱚᱝᱠᱚᱝ, ᱛᱟᱭᱣᱟᱱ ᱟᱨ ᱮᱴᱟᱜ ᱴᱚᱴᱷᱟ ᱠᱚᱨᱮ ᱫᱚ ᱪᱟᱭᱱᱤᱡᱽ ᱛᱮᱠᱚ ᱨᱚᱲ ᱠᱟᱱ ᱨᱮᱦᱚᱸ ᱢᱟᱨᱮ ᱪᱟᱭᱱᱤᱡ ᱪᱤᱠᱤ ᱛᱮᱜᱮ ᱠᱚ ᱚᱞᱚᱜ ᱠᱟᱱᱟ ᱾ ᱱᱩᱠᱩ ᱪᱤᱠᱤ ᱜᱮ ᱠᱚᱨᱤᱭᱮᱱ ᱯᱟᱹᱨᱥᱤ ᱨᱮᱦᱚᱸ ᱠᱚ ᱵᱮᱵᱷᱟᱨᱮᱫ ᱠᱚᱣᱟ ᱾ ᱠᱚᱨᱤᱭᱟᱱ ᱯᱟᱹᱨᱥᱤ ᱨᱮ ᱫᱚ ᱦᱟᱸᱡᱟ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱᱟ ᱾ ᱢᱤᱫ ᱪᱟᱭᱱᱤᱡ ᱦᱚᱲ ᱵᱷᱟᱜᱤ ᱚᱞ ᱯᱟᱲᱦᱟᱣᱤᱡ ᱫᱚ ᱖᱐᱐᱐ ᱠᱷᱚᱱ ᱗᱐᱐᱐ ᱜᱟᱱ ᱪᱤᱠᱤᱭ ᱵᱟᱰᱟᱭ ᱠᱟᱜᱼᱟ ᱪᱟᱭᱱᱤᱡᱽ ᱨᱮᱱᱟᱜ ᱾ ᱛᱚᱵᱮ ᱮᱱᱟᱝ ᱢᱤᱱᱞᱟᱸᱰ ᱵᱮᱣᱨᱟ ᱥᱟᱠᱟᱢᱮ ᱯᱟᱲᱦᱟᱣ ᱫᱟᱲᱮᱭᱟᱜᱼᱟ ᱾ ᱡᱟᱦᱟᱸᱭ ᱦᱚᱲ ᱔᱐᱐ ᱜᱟᱱ ᱪᱤᱠᱤᱭ ᱵᱟᱰᱟᱭ ᱠᱚᱣᱟ ᱩᱱᱤ ᱫᱚ ᱵᱮᱣᱨᱟ ᱥᱟᱠᱟᱢ ᱯᱟᱲᱦᱟᱣ ᱫᱟᱲᱮᱭᱟᱜᱼᱟᱭ ᱢᱮᱱᱠᱷᱟᱱ ᱛᱤᱢᱤᱱ ᱜᱟᱱ ᱟᱪᱠᱟ ᱚᱰᱚᱠ ᱦᱩᱭ ᱟᱭᱟ ᱨᱚᱲ ᱠᱚ ᱾
This article uses material from the Wikipedia ᱥᱟᱱᱛᱟᱲᱤ article ᱪᱟᱭᱱᱤᱡᱽ ᱯᱟᱹᱨᱥᱤ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.