ବଡ଼ରମା ଅଭୟାରଣ୍ୟ ('ଉଷାକୋଠି' ଅଭୟାରଣ୍ୟ ନାମରେ ମଧ୍ୟ ଜଣା) ସମ୍ବଲପୁର ଜିଲ୍ଲାରେ ଅବସ୍ଥିତ ଏକ ପ୍ରାକୃତିକ ଅଭୟାରଣ୍ୟ । ଏହି ଅଭୟାରଣ୍ୟ ଦେଇ ଦୁଇଟି ନଦୀ ବରଧା ଆଉ ପେଙ୍ଗାନା ନଦୀ ପ୍ରବାହିତ ହୋଇଛି ।
ବଡ଼ରମା ବନ୍ୟଜନ୍ତୁ ଅଭୟାରଣ୍ୟ | |
---|---|
ଉଷାକୋଠି | |
ଅବସ୍ଥାନ | ଓଡ଼ିଶା, ଭାରତ |
ପାଖ ସହର | ସମ୍ବଲପୁର |
ଦିଗବାରେଣି | 21°29′N 84°17′E / 21.483°N 84.283°E |
କ୍ଷେତ୍ରଫଳ | ୩୦୪.୦୩ ବର୍ଗ କି.ମି. |
ସ୍ଥାପିତ | ୧୭ ଡିସେମ୍ବର ୧୯୮୭ |
ପରିଚାଳନା | ଜଙ୍ଗଲ ବିଭାଗ, ଓଡ଼ିଶା ସରକାର |
ବଡ଼ରମା ଅଭୟାରଣ୍ୟ ସମ୍ବଲପୁର ସହରରୁ ୬ ନମ୍ବର ଜାତୀୟ ରାଜପଥରେ ୪୫ କିଲୋମିଟର ଦୂରରେ ଅବସ୍ଥିତ । ଏହା ରାଉରକେଲାଠାରୁ ୨୦୦ କିଲୋମିଟର ଦୂରରେ ରହିଛି । ଏହାର ଏକ ପାର୍ଶ୍ୱରେ ହୀରାକୁଦ ଜଳଭଣ୍ଡାର ଓ ଅନ୍ୟ ପାର୍ଶ୍ୱରେ ଘଞ୍ଚ ଅରଣ୍ୟଦ୍ୱାରା ପରିବେଷ୍ଟିତ ଏକ ପର୍ଯ୍ୟଟନ ସ୍ଥଳ ରହିଛି । ବଡ଼ରମା ଅଭୟାରଣ୍ୟର ଆୟତନ ୩୦୪.୦୩ ବର୍ଗ କିଲୋମିଟର । ସେଥିମଧ୍ୟରୁ ଉଷାକୋଠି ସଂରକ୍ଷିତ ଜଙ୍ଗଲ ୨୦୦.୬୮ ବର୍ଗ କି.ମି., ବଡ଼ରମା ସଂରକ୍ଷିତ ଜଙ୍ଗଲ ୫୭.୯୭ ବର୍ଗ କି.ମି, ବିଞ୍ଝାପାଲି ସରକ୍ଷିତ ଜଙ୍ଗଲ ୧୬.୭୩ ବର୍ଗ କି.ମି. ଓ ଅନ୍ୟାନ୍ୟ ୨୮.୬୫ ବର୍ଗ କି.ମି. ଅଟେ ।
ଉଷାକୋଠିକୁ ସମ୍ବଲପୁର ସହର ଦେଇ ଜାତୀୟ ରାଜପଥରେ ଅଥବା ଝାରସୁଗୁଡ଼ାରୁ ରାଜ୍ୟ ରାଜପଥ ଦେଇ ଯିବାର ସୁବିଧା ରହିଛି ।
ବଡ଼ରମା ଅଭୟାରଣ୍ୟରେ ମୂଲ୍ୟବାନ ଚନ୍ଦନ ଗଛ ସହ ଅର୍ଜୁନ, ନିମ୍ବ, ଶାଳ, ପିଆଶାଳ, ଆକାଶିଆ ପରି ବୃକ୍ଷ ସମୂହ ବହୁପରିମାଣରେ ଭରି ରହିଛି । ଏହା ବ୍ୟତୀତ ହୀରାକୁଦ ଜଳଭଣ୍ଡାର ନିକଟରେ ବାଲୁକା ତୁଠ ସହ କିଛି ଅରଣ୍ୟ ମଧ୍ୟ ରହିଛି ।
ବଡ଼ରମା ଅଭୟାରଣ୍ୟରେ ମୁଖ୍ୟତଃ କାଲରା-ପତରିଆ ବାଘ, ରୟାଲ ବେଙ୍ଗଲ୍ ବାଘ, ଜଙ୍ଗଲୀ ହାତୀ ରହନ୍ତି । ଶେଷ ଆକଳନ ଅନୁସାରେ ସେଠାରେ ୩୭ଟି ହାତୀ ଥିବାର ଜଣାଯାଏ । ଏହା ବ୍ୟତୀତ ଉଷାକୋଠିରେ ନୀଳଗାଇ, ଚିତଳ, ବାଇସନ, କୋକିଶିଆଳି, ହରିଣ, ଉଡନ୍ତା ନେଉଳ ଓ ଗୋଧି ଦେଖାଯାଆନ୍ତି । କେତେକ ଭାଲୁ ମଧ୍ୟ ଏହି ଅଭୟାରଣ୍ୟରେ ରହିଛନ୍ତି । ଶୀତଋତୁରେ ବିଦେଶାଗତ ପକ୍ଷୀସବୁ ମଧ୍ୟ ଏଥିରେ ଥିବା ଜଳାଶୟ ନିକଟସ୍ଥ ଅରଣ୍ୟକୁ ଆସିଥାନ୍ତି ।
ରାତିରେ ଏଠାରେ ଥିବା ଜିପରେ ଅରଣ୍ୟ ଭିତରକୁ ଯାଇ ଜୀବଜନ୍ତୁମାନଙ୍କୁ ଦେଖିବାର ସୁବିଧା ରହିଛି । ଏଥିପାଇଁ ପର୍ଯ୍ୟଟନ ବିଭାଗ ପକ୍ଷରୁ ସ୍ପଟ ଲାଇଟ, ଗାଇଡ଼ ଆଦିର ସୁବିଧା ରହିଛି । ଅଭୟାରଣ୍ୟରେ ଫଟୋ ଉଠେଇବା ମନା କରାଯାଇଥାଏ । ନିରାପଦରେ ରାତିରେ ଜନ୍ତୁମାନଙ୍କୁ ଦେଖିବା ପାଇଁ ଦୁଇଟି ଉଚ୍ଚ ଟାୱାର ମଧ୍ୟ ରହିଛି ।
ଅକ୍ଟୋବରରୁ ଅପ୍ରେଲ ପର୍ଯ୍ୟନ୍ତ ଏହି ଅଭୟାରଣ୍ୟରେ ଭ୍ରମଣ ପାଇଁ ଉପଯୁକ୍ତ ସମୟ । ଗ୍ରୀଷ୍ମଋତୁରେ ପ୍ରବଳ ଗରମ ହେତୁ ବଡ଼ରମାରେ ଜୀବଜନ୍ତୁଙ୍କୁ ଦେଖିବା ସହଜ ହୁଏ ନାହିଁ ।
This article uses material from the Wikipedia ଓଡ଼ିଆ article ଉଷାକୋଠି ଅଭୟାରଣ୍ୟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.