ଗାନ୍ଧୀ ଯାନ୍ତ୍ରୀକ ଓ ପ୍ରୌଦ୍ୟୋଗିକ ମହାବିଦ୍ୟାଳୟ(ଜି.ଆଇ.ଇ.ଟି) ଗୁଣୁପୁରରେ ଅବସ୍ଥିତ ଏକ ଘରୋଇ ଯାନ୍ତ୍ରୀକ ଓ ବୈଷୟିକ ଶିକ୍ଷାନୁଷ୍ଠାନ ଅଟେ । ଏ.
ଆଇ. ସି. ଟି.ର କର୍ତ୍ତୃପକ୍ଷ ଏହି ମହାବିଦ୍ୟାଳୟକୁ ପୂର୍ବ ଭାରତର ବୃହତ୍ତମ ଯାନ୍ତ୍ରୀକ ମହାବିଦ୍ୟାଳୟ ରୂପେ ସ୍ୱୀକୃତି ଦେଇଛନ୍ତି । ଆଧୁନୀକ ଓ ଗୂଣାତ୍ମକ ଶିକ୍ଷା ପାଇଁ ଏହା କେବଳ ଭାରତର ନୁହଁ, ବରଂ ବିଦେଶର ଅନେକ ଛାତ୍ରଛାତ୍ରୀଙ୍କୁ ମଧ୍ୟ ଆକୃଷ୍ଟ କରିପାରିଛି । ପୂର୍ବ ଭାରତର ୧୨ଟି ରାଜ୍ୟ ତଥା ବିଦେଶ ଯଥା ନେପାଳ, ଭୁଟାନ୍, ଭିଏତନାମ୍, କତ୍ତାର, ଦକ୍ଷିଣ ସୁଦାନରୁ ଅନେକ ଛାତ୍ରଛାତ୍ରୀ ଏଠାକୁ ପଢ଼ିବା ନିମନ୍ତେ ଆସିଥାନ୍ତି । ମୋଟ ୧୧୫୮ ଆସନ ବିଶିଷ୍ଟ ଏହି ଅନୁଷ୍ଠାନ, ଓଡ଼ିଶା ସମେତ ପୂର୍ବ ଭାରତର ୧୨ଟି ରାଜ୍ୟରେ ଥିବା ଏ. ଆଇ. ସି. ଟି. ଇ. ସ୍ୱୀକୃତ ମହାବିଦ୍ୟାଳୟମାନଙ୍କ ମଧ୍ୟରେ ସର୍ବାଧିକ । ଏହାର ଗୁଣାତ୍ମକ ମାନ ପାଇଁ ଏବେ ୭ଟି ଦେଶର ଛାତ୍ରଛାତ୍ରୀ ଏଠାରେ ଅଧ୍ୟୟନ କରୁଛନ୍ତି ।
ଗାନ୍ଧୀ ଯାନ୍ତ୍ରିକ ଓ ପ୍ରୌଦ୍ୟୋଗିକ ମହାବିଦ୍ୟାଳୟ, ଗୁଣୁପୁର | |
---|---|
ଲକ୍ଷ୍ୟ | ତମସୋମା ଜ୍ୟୋତିର୍ଗମୟ |
ଲକ୍ଷ୍ୟ (ଇଂରାଜୀରେ) | "Excellence-Our-Essence" |
ସ୍ଥାପିତ | ୧୯୯୭ |
ପ୍ରକାର | ଘରୋଇ ଯାନ୍ତ୍ରୀକ ଶିକ୍ଷାନୁଷ୍ଠାନ |
ପ୍ରତିଷ୍ଠାତା | ଡ: ସତ୍ୟ ପ୍ରକାଶ ପଣ୍ଡା |
ଛାତ୍ର ଛାତ୍ରୀ ସଂଖ୍ୟା | ୪୦୦୦ରୁ ଅଧିକ |
ଅବସ୍ଥାନ | ଗୁଣୁପୁର, ଓଡ଼ିଶା, ଭାରତ |
ପରିସର | ସହର, ୬୦ ଏକର |
ଅନୁବନ୍ଧନ | BPUT AICTE NAAC NBA |
ୱେବସାଇଟ | www.giet.edu |
ଗାନ୍ଧୀ ଯାନ୍ତ୍ରୀକ ଏବଂ ପ୍ରୌଦ୍ୟୋଗିକ ମହାବିଦ୍ୟାଳୟ(ଜି.ଆଇ.ଇ.ଟି) ଗୁଣୁପୁର ଉପକଣ୍ଠରେ ୬୦ ଏକର ପରିସର ଜମିରେ ନିର୍ମିତ ହୋଇଛି। ପୂର୍ବଘାଟ ପର୍ବତମାଳା ପାଦଦେଶରେ, ବଂଶଧାରା ନଦୀ ଉପକୁଳ, ସବୁଜ ବନାନୀ ଏବଂ ପ୍ରଦୂଷଣ ମୁକ୍ତ ପରିବେଶ ମଧ୍ୟରେ ଅତି ସୁନ୍ଦର ଶିଳ୍ପ ଓ ସ୍ଥାପତ୍ୟ ବ୍ୟବହୃତ ଅଟ୍ଟାଳିକା ନିର୍ମିତ ହୋଇଛି । ଶତାବ୍ଦୀର ପ୍ରାରମ୍ଭ କାଳରୁ, ଗୁଣୁପୁର ଓଡ଼ିଶାର ଶିକ୍ଷା ମାନଚିତ୍ରରେ ଏକ ମହତ୍ୱପୁର୍ଣ ସ୍ଥାନ ମଣ୍ଡନ କରିଛି । ଗୁଣପୁରର ଶାନ୍ତ ସମ୍ପନ୍ନ ସଂସ୍କୃତି ଏବଂ ଅନୁକୁଳ ବାତାବରଣ ଏହି ଅନୁଷ୍ଠାନର ପ୍ରଗତୀକୁ ଅଧିକ ସୁହାଇ ପାରିଛି ।
ଓଡ଼ିଶାରେ ଶିକ୍ଷାର ବିକାଶ, ପ୍ରଚାର ଓ ପ୍ରସାର କ୍ଷେତ୍ରରେ ଯେଉଁ କେତେକ ବିଶିଷ୍ଟ ବ୍ୟକ୍ତି, ଶାସନ କର୍ତ୍ତା ତଥା ଦୂରଦର୍ଶୀ ବ୍ୟକ୍ତିମାନଙ୍କ ଅବଦାନ ରହିଛି, ସେମାନଙ୍କ ମଧ୍ୟରେ ଦକ୍ଷିଣ ଓଡ଼ିଶା ତଥା ଗୁଣୁପୁର ଆଞ୍ଚଳର ଜଣେ ବିଶିଷ୍ଟ ଶିକ୍ଷାବିତ, ଗାନ୍ଧୀ ଆଦର୍ଶବାଦୀ ପ୍ରଫେସର ଡ୍: ସତ୍ୟ ପ୍ରକାଶ ପଣ୍ଡାଙ୍କ ଭୂମିକା ଓ ଅବଦାନ ଉଲ୍ଲେଖନୀୟ ଓ ପ୍ରଶଂସନୀୟ। ବିଶେଷ କରି ଓଡ଼ିଶାର ଉପାନ୍ତ ଓ ଅନୁନ୍ନତ ଅଞ୍ଚଳରେ ଆଧୁନିକ ଉଚ୍ଚ ଶିକ୍ଷା, ଯାନ୍ତ୍ରୀକ ଓ ବୈଷୟିକ ଶିକ୍ଷାର ବିକାଶ ଏବଂ ପ୍ରସାର ପାଇଁ, ଡ: ପଣ୍ଡାଙ୍କ ଦକ୍ଷ ଇଛାଶକ୍ତି, ଉତ୍ସର୍ଗୀକୃତ ମନୋଭାବ ଓ ପ୍ରଚେଷ୍ଟା ଯୋଗୁଁ ୧୯୯୬ ମସିହାରେ ""ବିଦ୍ୟା ଭାରତୀ""ନାମକ ଏକ ଘରୋଇ ଶିକ୍ଷା ସଂସ୍ଥା ଗୁଣୁପୁରଠାରେ ସ୍ଥାପିତ ହୋଇଥିଲା। ଏହି ସଂସ୍ଥା ଓଡ଼ିଶା ତଥା ପୂର୍ବ ଭାରତର ସବୁଠାରୁ ବୃହତ୍ତ ଶିକ୍ଷା ସଂସ୍ଥା । ଯାହା ଅଧିନରେ ୧୦ରୁ ଉର୍ଦ୍ଧ ଯାନ୍ତ୍ରୀକ ଓ ବୈଷୟିକ ମହାବିଦ୍ୟାଳୟ କାର୍ଯ୍ୟରତ ଓ ପରିଚାଳିତ ।
ଉଚ୍ଚକୋଟୀର, ଆଧୁନୀକ ଏବଂ ଗୁଣାତ୍ମକ ଉଦ୍ୟୋଗୀକ ଶିକ୍ଷା ପ୍ରଦାନ କ୍ଷେତ୍ରରେ ଏହି ଅନୁଷ୍ଠାନ, ଦେଶର ଅନେକ ମାନ୍ୟତା ପ୍ରଦାନ ସଂସ୍ଥାଦ୍ୱାରା ପ୍ରଶଂସା ଏବଂ ମାନ୍ୟତା ପାଇବରେ ସମର୍ଥ ହୋଇପାରିଛି । ଆଇ. ବି. ଏମ୍.ଦ୍ୱାରା ଏହାକୁ "ଦି ସେଣ୍ଟର୍ ଅଫ୍ ଏକ୍ସଲେନ୍ସ"ର ମର୍ଯ୍ୟାଦା ପ୍ରଦାନ କରାଯାଇଥିବ ବେଳେ ବି. ଟେକ.ର ୫ଟି ବିଭାଗକୁ ଏ. ଆଇ. ସି. ଟି. ଇ. ପକ୍ଷରୁ "ନ୍ୟାସନାଲ୍ ବୋର୍ଡ୍ ଅଫ୍ ଆକ୍ରିଡିଟେସନ୍" ପ୍ରଦାନ କରାଯାଇଛି । ସେହିଭଳି ୟୁ. ଜି. ସି.ର ନାକ୍ ପକ୍ଷରୁ ମଧ୍ୟ ନିକଟ ଅତୀତରେ ଏହି ଅନୁଷ୍ଠାନର ଶିକ୍ଷା ପ୍ରଦାନ ମାନକୁ ଉଚ୍ଚ ପ୍ରଶଂସା କରାଯାଇ, ସର୍ବୋଚ୍ଚ ମାନ୍ୟତା "ଏ" ଗ୍ରେଡ ପ୍ରଦାନ କରାଯାଇଛି । ଏହି ତିନୋଟିର ସମାହାର ଭାରତର ଶିକ୍ଷା ବ୍ୟବସ୍ଥାରେ ଏକ ବିରଳ ଉଦାହରଣ । ଏହି ଅନୁଷ୍ଠାନର ଶ୍ରେଷ୍ଠ ଆକର୍ଷଣ ହେଲା ଏହାର ଦୃଢ଼ ଶୃଙ୍ଖଳା ବ୍ୟବସ୍ଥା, ଯାହା ଛାତ୍ରର ଚରିତ୍ରକୁ ସୁରକ୍ଷା ଯୋଗାଇ ଦେଇଛି ।
ଏହି ଅନୁଷ୍ଠାନଟି ନିଜର ସୌନ୍ଦର୍ଯ୍ୟମୟ କୋଠା ଓ ଭିତ୍ତିଭୂମି ପାଇଁ ପ୍ରସିଦ୍ଧ। ଏହି ଅନୁଷ୍ଠାନର ସୁରମ୍ୟ ଅଟ୍ଟାଳିକା ନିର୍ମାଣରେ ୟୁରୋପୀୟ ଓ ତିଦ୍ଧତୀୟ ସ୍ଥାପତ୍ୟର ବ୍ୟବହାର କାରାଯାଇଛି ଯାହା ଏହି ଅନୁଷ୍ଠାନକୁ ଆନ୍ତର୍ଜାତୀୟ ଖ୍ୟାତି ପ୍ରଦାନ କରିଛି । ୭, ୪୨, ୦୦୦ ବର୍ଗଫୁଟ ପରିମିତ ଏହି ବୈଷୟିକ ଶିକ୍ଷାନୁଷ୍ଠାନରେ ସମସ୍ତ ପ୍ରକାର ଭିତ୍ତିଭୂମିର ସୁବିଧା ରହିଛି । ଯଥା,
୪ ବର୍ଷୀୟା ବି.ଟେକ୍ ପାଠ୍ୟକ୍ରମରେ ୧୦ଟି ବିଭାଗ ଥିବାବେଳେ, ସେଥିମଧ୍ୟରୁ ୬ଟି ବିଭାଗରେ ଏମ୍.ଟେକ୍ ପାଠ୍ୟକ୍ରମର ବ୍ୟବସ୍ଥା ରହିଛି ।
ଇଞ୍ଜିନିୟରିଙ୍ଗ୍ ପାଠ୍ୟକ୍ରମ:
ଏମ୍.ବି.ଏ. (ମ୍ୟାନେଜମେଣ୍ଟ) ପାଠ୍ୟକ୍ରମ:
ଏମ୍. ସି. ଏ ଏମ୍.ଏସ୍. ସି ବାୟୋଟେକ୍ ଇତ୍ୟାଦି
କର୍ମ ନିଯୁକ୍ତି କ୍ଷେତ୍ରରେ ମଧ୍ୟ ଏହି ଅନୁଷ୍ଠାନ ଏକ ମାଇଲ୍ ଖୁଣ୍ଟ ତିଆରି କରିପାରିଛି । ଅନୁଷ୍ଠାନଦ୍ୱାରା ନିଯୁକ୍ତ ପ୍ରଶିକ୍ଷଣ ପଦାଧିକାରୀମାନେ ଛାତ୍ରଛାତ୍ରୀମାନଙ୍କୁ ବର୍ଷ ତମାମ ତାଲିମ ପ୍ରଦାନ କରୁଥିବା ଯୋଗୁଁ, ପ୍ରତି ବର୍ଷ ୮୦ ପ୍ରତିଶତରୁ ଅଧିକ ଛାତ୍ରଛାତ୍ରୀ ବିଭିନ୍ନ ନାମୀଦାମୀ ଉଦ୍ୟୋଗରେ ନିଯୁକ୍ତି ପାଇପାରିଛନ୍ତି । ପୂରାତନ ଛାତ୍ରମାନେ ବର୍ତ୍ତମାନର ଛାତ୍ରଛାତ୍ରୀମାନଙ୍କୁ ଅନେକ ନିଯୁକ୍ତି ପ୍ରଦାନ କରିବାରେ ସାହାଯ୍ୟ କରିଥାନ୍ତି । ଗୁଣାତ୍ମକ ଶିକ୍ଷାଦାନ, ଅନୁଶାସନ ଏବଂ ସଠିକ୍ ସଞ୍ଚାଳନ ଯୋଗୁଁ ଏ ଅନୁଷ୍ଠାନର ଛାତ୍ରଛାତ୍ରୀମାନେ ପ୍ରତିବର୍ଷ ନିଯୁକ୍ତି କ୍ଷେତ୍ରରେ ଚମତ୍କାର ପ୍ରଦର୍ଶନ କରିଆସୁଛନ୍ତି । ୧୪ଜଣ ନିଯୁକ୍ତି ଅଧିକାରୀ ଦେଶର ବିଭିନ୍ନ ସ୍ଥାନରେ ରହି ଏ ଅନୁଷ୍ଠାନର ଛାତ୍ରଛାତ୍ରୀମାନଙ୍କୁ ନିଯୁକ୍ତି ଦେବାରେ କାର୍ଯ୍ୟ କରିଥାନ୍ତି ।
ସମ୍ମିଳିତ ସାମାଜିକ ଦାୟିତ୍ୱ:ଗାନ୍ଧୀ ଯାନ୍ତ୍ରୀକ ଏବଂ ପ୍ରୌଦ୍ୟୋଗିକ ମହାବିଦ୍ୟାଳୟ, ଗୁଣୁପୁର ଏହାର ପ୍ରାରମ୍ଭ କାଳରୁ ପାରମ୍ପରିକ ରୂପେ, ଅନୁନ୍ନତ ଅଞ୍ଚଳର ବିକାଶ ନିମନ୍ତେ ଅନେକ ପଦକ୍ଷେପ ଓ କାର୍ଯ୍ୟ ନିର୍ବାହ କରିଆସିଛି । ନିମ୍ନଲିଖିତ କିଛି ପଦକ୍ଷେପ ଓ କାର୍ଯ୍ୟକ୍ରମ ଯୋଗୁଁ ଏହି ଅନୁଷ୍ଠାନ ଓଡ଼ିଶାର ମୁଖ୍ୟମନ୍ତ୍ରୀଙ୍କଦ୍ୱାରା ଏକଦା ପୁରସ୍କୃତ ମଧ୍ୟ ହୋଇଥିଲା ।
This article uses material from the Wikipedia ଓଡ଼ିଆ article ଗାନ୍ଧୀ ଯାନ୍ତ୍ରୀକ ଓ ପ୍ରୌଦ୍ୟୋଗିକ ମହାବିଦ୍ୟାଳୟ, ଗୁଣୁପୁର, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.