ଅାଇସ ବକେଟ ଚ୍ୟାଲେଞ୍ଜ, ବେଳେବେଳେ ଏଏଲଏସ ଅାଇସ ବକେଟ ଚ୍ୟାଲେଞ୍ଜ ନାମରେ ମଧ୍ୟ ଜଣା, ଜଣଙ୍କ ମୁଣ୍ଡରେ ବରଫମିଶା ପାଣି ଢାଳି ଆମ୍ୟୋଟ୍ରୋପିକ ଲାଟେରାଲ ସ୍କ୍ଲେରୋସିସ (ଏଅଲଅସ) ରୋଗ ନିମନ୍ତେ ସଚେତନତା ସୃଷ୍ଟି କରିବା ଓ ଏଥହାର ଗବେଷଣା ନିମନ୍ତେ ପାଣ୍ଠି ସଂଗ୍ରହ ନିମନ୍ତେ ଏକ କାର୍ଯ୍ୟକ୍ରମ । ୨୦୧୪ ମଧ୍ୟ ଆଡ଼କୁ ଏହା ସୋସିଆଲ ମିଡ଼ିଆଦ୍ୱାରା ଜଣାଶୁଣା ହେବାରେ ଲାଗିଲା । କିଛି ଲୋକ ଚ୍ୟାଲେଞ୍ଜରୁ ମିଳୁଥିବା ପଇସା ଅନ୍ୟାନ୍ୟ ସଙ୍ଗଠନକୁ ଦାନ କରିବା ପସନ୍ଦ କରୁଥିଲେ ମଧ୍ୟ ପ୍ରାୟ ଯୁକ୍ତରାଷ୍ଟ୍ର ଆମେରିକା ଲୋକେ ଏଏଲଏସ ଆସୋସିଅଏସନ ପାଇଁ ଭାଗନିଅନ୍ତି ଓ ଯୁକ୍ତରାଜ୍ୟରେ ଲୋକେ ମୋଟର ନିଉରନ ଡିଜିଜ ଆସୋସିଏସନରେ ଭାଗ ନିଅନ୍ତି ।
ଏହି ଚ୍ୟାଲେଞ୍ଜରେ ଭାଗନେଉଥିବା ବ୍ୟକ୍ତିମାନଙ୍କୁ ନିଜ ମୁଣ୍ଡରେ ବରଫମିଶା ପାଣି ଢାଳିବା ବେଳେ ଭିଡ଼ିଓ ଉତ୍ତୋଳନ କରି ଏବଂ ବାକିମାନଙ୍କୁ ସେହି ଭଳି କରିବାର ଚ୍ୟାଲେଞ୍ଜ ପାଇଁ ବାଛିବାକୁ ପଡ଼େ । ଏଥିରେ ବଛାଯାଉଥିବା ବ୍ୟକ୍ତିଙ୍କୁ ୨୪ ଘଣ୍ଟା ଭିତରେ ପ୍ରତିଯୋଗିତାରେ ଭାଗନେବାକୁ ପଡ଼େ ନଚେତ ଏକ ଦାତବ୍ୟ ଆର୍ଥିକ ଅନୁଦାନ ଭାବେ ଜୋରିମାନା ଦେବାକୁ ପଡ଼େ ।
ଆର୍ଥିକ ଅନୁଦାନ ଲାଗି ଜଣଙ୍କ ମୁଣ୍ଡରେ ବରଫ-ଥଣ୍ଡା ପାଣି ଢାଳିବାର ଆରମ୍ଭ ଠିକ ଭାବେ ଜଣା ପଡ଼ିନାହିଁ ଓ ଏକାଧିକ ଆଧାରରୁ ଏହା ଆସିଥିବା କୁହାଯାଏ ।[clarification needed] ସବୁଠାରୁ ଅଧିକ ଗ୍ରହଣୀୟ ଆଧାର ଅନୁସାରେ ଏହି ଶ୍ରେୟ, ମାର୍ଚ୍ଚ ୨୦୧୨ରେ ଏଏଲଏସରେ ପିଡ଼ୀତ ବୋଷ୍ଟନ ସହର ନିବାସୀ ପିଟ ଫ୍ରେଟ୍ସଙ୍କୁ ଯାଇଥାଏ ।
୨୦୧୩ର ମଧ୍ୟ ଭାଗରୁ ୨୦୧୪ର ଆରମ୍ଭ ଯାଏ, "କୋଲ୍ଡ଼ ୱାଟର ଚ୍ୟାଲେଞ୍ଜ" ନାମକ ଏକ ଅଜଣା ଚ୍ୟାଲେଞ୍ଜ ଉତ୍ତର ଯୁକ୍ତରାଷ୍ଟ୍ର ଆମେରିକାର ସୋସିଆଲ ମିଡ଼ିଆରେ ଖ୍ୟାତିଲାଭ କରିଥିଲା । ଏହି ଚ୍ୟାଲେଞ୍ଜରେ କ୍ୟାନସର ଗବେଷଣା ନିମନ୍ତେ ଅର୍ଥ ଅନୁଦାନ ଦେବା କିମ୍ବା ପାଣିକୁ ଡେଇଁବାର ବିକଳ୍ପ ରହିଥିଲା ।
ମଇ ୨୦୧୪ରେ ଇଣ୍ଡିଆନାର ସାଲେମରେ ହୋଇଥିବା ଏହି ଚ୍ୟାଲେଞ୍ଜର ଏକ ସଂସ୍କରଣରେ ପ୍ରତିଯୋଗୀମାନଙ୍କୁ ଥଣ୍ଡା ପାଣିରେ ବୁଡ଼ିବା ପରେଦାତବ୍ୟ ନିମନ୍ତେ ଅର୍ଥ ଅନୁଦାନ ଦେବାକୁ ପଡ଼ୁଥିଲା । ଉଦାହରଣ ସ୍ୱରୂପ ଅସ୍ତ୍ରୋପଚାର କରାଯାଇ ନପାରିବା ଭଳି ମସ୍ତିଷ୍କ ଟ୍ୟୁମରର ଚିକିତ୍ସା ପାଇଁ ଏହି ରୋଗରେ ଛିହ୍ନଟ ହୋଇଥିବା ଏକ ସ୍ଥାନୀୟ ଶିଶୁକୁ ଅନୁଦାନ ଦେବା ; ଆଉ ଏକ ସଂସ୍କରଣରେ,କ୍ୟାନସର ସୋସାଇଟି ଅଫ ନିଉ ଜେଲାଣ୍ଡର ଅକଲ୍ୟାଣ୍ଡ ଶାଖାକୁ ଏହି ଅନୁଦାନ ଦିଆଯାଉଥିଲା ।
ସ୍ପେସାଲ ଅଲିମ୍ପିକଦ୍ୱାରା ବ୍ୟବହୃତ ପୋଲାର ପ୍ଲଞ୍ଜ ନାମକ ଏକ ଆର୍ଥିକ ଅନୁଦାନ ରହିତ ସ୍ପିନ-ଅଫ ପାଇଁ ୨୦୧୪ର ଆରମ୍ଭରେ ନ୍ୟାସନାଲ ଫଲେନ ଫାୟାରଫାଇଟରସ ଫାଉଣ୍ଡେସନ ଏକ ଅନୁଦାନ ସଂଗ୍ରହକାରୀ ଭାବେ ଏହି "କୋଲ୍ଡ଼ ୱାଟର ଚ୍ୟାଲେଞ୍ଜ"କୁ ଜନପ୍ରିୟ କରାଇଥିଲା ।
୨୦୧୪ ମସିହା ମଇ ୨୦ ତାରିଖରେ ନିଉ ଜର୍ସିର ୱାସିଙ୍ଗଟନ ଟାଉନସିପଠାରେ ଅଗ୍ନିଶନ ବିଭାଗ ନିଆଁ ଲିଭା କଳ ବ୍ୟବହାର କରି "କୋଲ୍ଡ଼ ୱାଟର ଚ୍ୟାଲେଞ୍ଜ"ର ଏକ ଭିଡ଼ିଓ ଇଉଟିଉବରେ ଦେଇଥିଲେ । ଏଥିରେ ଭାଗନେଇଥିବା ସଭ୍ୟମାନେ ଅଗ୍ନିଶମ ବିଭାଗର ଉପକରଣମାନ ବିନା ଅନୁମତିରେ ବ୍ୟବହାର କରିଥିବାରୁ ଦଣ୍ଡିତ ହୋଇଥିଲେ ।
This article uses material from the Wikipedia ଓଡ଼ିଆ article ଆଇସ ବକେଟ ଚ୍ୟାଲେଞ୍ଜ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.