Beeziin ykn hadhiyyaan Kompaawundootni ayoonii yeroo bishaan keessatti bulbulaman ayoonota haayidirooksaayidii negaatiivii (OH−) uumuun.
Beezonni bishaan keessatti bulbulaman alkaalii jedhamu.,beeziin bishaan keessatti bulbulamu kamiyyuu ayoonota haayidrooksaayidii gad lakkisa. Sababni amaloota beezotaa kan akka muculuqummaa fi hadhaa’ummaa beezotaa jiraachuu ayoonota haayidrooksaayidiiti. Fakkeenyaaf,pootaasiyem haayidirooksaayidiin bishaan keessatti yommuu bulbulame ayoonii pootaasiyemii fi ayoonii haayidirooksaayidii uuma.
Akkuma amalli asiidotaa ayoonota haayidiroojiinii irratti hundaa’u. amalli beezotaa immoo ayoonota haayidirooksaayidii irratti hundaa’a.
Beezonni amaloota walfakkaatan tokko tokko qabu. Isaan keessa muraasni:
1. Beezotni dhandhama hadhaawaa qabu. Beezota nyaataafi dhugaatii adda addaa keessa jiran dhandhamuun ni danda’ama. Haata’u malee, beezotni mana yaalii keessatti argaman balaa waan fidaniif dhandhamuun hin danda’amu.
2. Muculuquu Beezonni yommuu qubaan sukkuumaman ni muculuqu. Bulbuloota alkaalotaa harkaan xuquun balaa geessisuu danda’a. Sababni isaas bulbulli cunqoon beezota cimoo, nafa namaa gubuu waan danda’uufi. Kanaafuu, beezota kamiyyuu laabooraatorii keessatti harkaan xuquun dhorkaadha.
3. Bulbulli beezotaa halluu agarsiiftotaa ni jijjiiru. Fakkeenyaaf: Beezotni waraqaa liitimasii diimaa gara cuquliisaatti jijjiiru.
4. Beezotni yommuu bishaan keessatti bulbulaman ayoonii haayidirooksaayidii kennu. Fakkeenya: NaOH + H2 O → Na+ (aq) + OH- (aq)
This article uses material from the Wikipedia Oromoo article Beezii, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Oromoo (DUHOCTRUNGQUOC.VN) is an independent company and has no affiliation with Wiki Foundation.