Basis
'n Basis is 'n stof wat met 'n suur reageer om 'n sout en water te vorm.
Daar is egter ander definies, afhanklik van die suur-basisteorie wat gebruik word.
Die tabel hieronder toon enkele basisse en hul chemiese simbole.
| Natriumhidroksied — NaOH | Koper(II)oksied — CuO |
| Kaliumhidroksied — KOH | Sinkoksied — ZnO |
| Kalsiumhidroksied — Ca(OH)2 | Ysteroksied — Fe2O3 |
Metaaloksiede en -hidroksiede is basisse. Nie alle basisse los in water op nie. 'n Basis wat in water oplos, word 'n alkali genoem.
Basisse in alledaagse gebruik
Basisse kan tuis gebruik word om 'n suur te neutraliseer of om vet op te los.
Tandepasta is 'n voorbeeld van 'n alkali wat 'n suur neutraliseer. Bakterieë op tande verteer suikers en produseer sure. Die sure los die kalsiumkarbonaat in tande op, en veroorsaak tandbederf (gaatjies in tande wat ook tandpyn meebring). Een effek van die gereelde gebruik van tandepasta is om die suur te neutraliseer en dus tandbederf te voorkom.
Dreinskoonmaker is 'n voorbeeld van 'n alkali wat gebruik word om vette en olie op te los. Olie en vet van kos sit in afvoerpype vas en blokkeer stadigaan pype. Natriumhidroksied reageer met die vette en olie om seep te vorm. Seep is oplosbaar in water en word maklik weggespoel.
Verwysings
Eksterne skakels
Wikiwoordeboek het 'n inskrywing vir basis.
This article uses material from the Wikipedia Afrikaans article Basis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.