Jaguar: Pattedyrart

Jaguar
Jaguarhann
Jaguarhoe
Utbreiing og status
Status i verda: Nær truga Utbreiinga av jaguar
Systematikk
Underrekkje:	Virveldyr Vertebrata
Klasse:	Pattedyr Mammalia
Orden:	Rovpattedyr Carnivora
Underorden:	Feliformia
Familie:	Kattefamilien Felidae
Underfamilie:	Pantherinae
Slekt:	Store kattedyr Panthera
Art:	Jaguar P. onca
Vitskapleg namn
Panthera onca von Linné, 1758

Han vert rekna som det amerikanske motstykket til leoparden, men er større og tyngre og manglar evna til å brøla.

Ordet jaguar kjem frå tupi-guarani jaguara, eit namn som opphavleg blei brukt om alle store rovpattedyr.

Jaguaren liknar ein leopard, men er større og tyngre. Han er som regel gulbrun med svarte flekkar, er 110-190 cm lang og veg frå 55 til 120 kg. Heilt svarte jaguarar (pantrar finst òg.

Jaguaren trivst best i tett vegetasjon med lett tilgang til vatn, men ein kan treffa på han i dei fleste biotopar i det store utbreiingsområdet, som går frå Mexico i nord til Patagonia i sør.

Kosthaldet til jaguaren består hovudsakleg av store til mellomstore pattedyr, fuglar og krypdyr. Han er òg flink til å fanga fisk. Jaguarar lever og jaktar åleine, og trass i at dei er dyktige klatrarar, fangar dei helst byttet sitt på bakken.

Jaguarar søker berre selskapet til artsfrendar i paringstida. Kvar ho føder mellom to og fire ungar, som veg opp mot ein kilo ved fødselen. Dei heldt seg med mora til dei vert kjønnsmogne i toårsalderen.

• (en) jaguar i Encyclopedia of Life 
• (en) jaguar i Global Biodiversity Information Facility 
• (en) jaguar hos Fossilworks 
• (en) jaguar hos ITIS 
• (en) jaguar hos NCBI 
• (en) Kategori:Panthera onca – bilete, video eller lyd på Wiki Commons 
• (en) Panthera onca – galleri av bilete, video eller lyd på Wiki Commons 
• Panthera onca – detaljert informasjon på Wikispecies