Heerenveen (vestfrisisk It Hearrenfean) er ein kommune i provinsen Friesland i Nederland med kring 50 000 ibuarar (2021), og med eit flatemål på 187,8 km².
Knapt 30 000 menneske bur i sjølve byen Heerenveen, resten held hus i 15 landsbyar.
Heerenveen | |||
kommune | |||
Rådhuset i Heerenveen | |||
| |||
Land | Nederland | ||
---|---|---|---|
Areal | 140,16 km² | ||
Folketal | 50 650 (1. januar 2021) | ||
Heerenveen 52°57′57″N 6°03′01″E / 52.9658°N 6.0503°E | |||
Wiki Commons: Heerenveen (municipality) | |||
Byen Heerenveen vart grunnlagd i 1551. Han har særleg vokse mykje etter andre verdskrigen, og er i dag ein av dei største i Friesland. Byen er særleg kjend for skeisehallen Thialf, der det sidan 1970 er vorte arrangert over 40 ulike internasjonale meisterskap i lengdeløp på skeiser. Også den lokale fotballklubben SC Heerenveen har markert seg med sine nasjonale prestasjonar. Sykkelfabrikanten Batavus, med om lag 700 tilsette, har ei over hundreårig historie og eksporterer over halvparten av den årlege produksjonen.
Økonomen Wim Duisenberg og skeiseløpararane Falko Zandstra og Sven Kramer er frå Heerenveen.
Ei rad norske fotballspelarar har gjort teneste i SC Heerenveen, mellom dei Børre Meinseth, Thomas Holm, Daniel Berg Hestad, Christian Grindheim, Tarik Elyounussi og Martin Ødegaard.
This article uses material from the Wikipedia Nynorsk article Heerenveen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.