Hyse eller kolje er ein fisk i torskefamilien.
Hyse | |
Hyse | |
Status | |
Status i verda: Sårbar Status i Noreg: Livskraftig | |
Systematikk | |
Underrekkje: | Virveldyr Vertebrata |
Megaklasse: | Beinfiskar Osteichthyes |
Overklasse: | Strålefinnefiskar Actinopterygii |
Orden: | Torskefisk Gadiformes |
Familie: | Torskefamilien Gadidae |
Underfamilie: | †Gadinae |
Slekt: | Melanogrammus |
Art: | Hyse M. aeglefinus |
Vitskapleg namn | |
Melanogrammus aeglefinus |
Han er lett kjenneleg på den svarte flekken under den fremste ryggfinnen.
Hysa, som er ein av dei viktigaste matfiskane våre, er ein botnfisk som i hovudsak et rogn, små blekksprutar og ymse botndyr. Hyser, særleg yngre, er byttedyr for mellom anna torsk, grønlandssel og vågekval.
Det er fleire bestandar av hyse i norske farvatn. Den nordaustarktisk hysa er den største. Ho kan bli kring ein meter lang, med ei vekt på kring 14 kg. Ein reknar at all hyse langs norskekysten nord for Stad, i Barentshavet og på vestsida av Svalbard tilhøyrer denne bestanden
Hysa gyt på djupt vatn. Hovudgyteområdet er på vestsiden av Tromsøflaket. Gytinga foregår om våren. Ho vert kjønnsmoda når ho er 4–7 år gammal og omlag 40–60 cm lang.
I 2022 var det lov å fiske 178 532 tonn av nordaustarktisk hyse.
I hysebestanden vi finn i Nordsjøen, Skagerrak og vest av Skottland er fiskane mindre, berre opp til 60 cm og 4 kg. Dei gyt sentralt i Nordsjøen i mars – mai. Dei siste 50 åra har denne hysebestanden trekt nordover i Nordsjøen. Hyse vert hovudsakeleg fanga med botntrål, og i mindre grad og med snurrevad.
Av hyse i Nordsjøen, Skagerrak og vest av Skottland kunne det i 2022 fiskast 52 691 tonn.
This article uses material from the Wikipedia Nynorsk article Hyse, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.