Gud Signe Maten På Vårt Bord

I Norsk salmebok 2013 står songen på nr. 764.

Støylen skreiv den første versjonen av songen i Aker i 1905, mens han var styrar for det paraktisk-teologiske seminar i Kristiania. Det er peikt på at verset i denne utforminga har mange trekk til felles med verset «Velsign vårt hus, velsign vårt bord», skrive av Jørgen Victor Bloch i 1847, og at det verset kan ligge til grunn for salmen:

Støylen omarbeidde teksten fleire gonger. I Lesebok for folkeskulen av Nordahl Rolfsen, lyder dei to siste linene «Gud signe oss på sjø og land, og verje oss med veldug hand!». I si Songbok for sundagsskule og uppbyggjingsmøte lyder sistelinene «Gud signe med di allmagtshand / vaar kjære heim, vaart folk og land!»

I Landstads reviderte salmebok (1924) og Nynorsk salmebok (1925) står songen slik (i førsteutgåva av Nynorsk salmebok rett nok med «aa» for «å». I tillegg er det tatt inn eit takkevers til å synge etter måltidet, det er skrive av Johannes Barstad (1906).

I salmebøkene er det vist til tonen «O, Herre Krist, dig til oss vend», ein tone frå Gocksheim 1628 / Görlitz 1648. Varianten som vart bruka i salmebøkene frå 1920-talet har jamne firedelsnotar, mens salmen i Norsk salmebok har vekslar mellom to- og firedels noteverdi. Versemålet høver òg på melodien til «Gjer døri høg», tonen som vert bruka til «I Jesu navn går vi til bords», og denne tonen er mange stader i Noreg vanleg også til denne songen.

• Terje Aarset: «Gud signe maten» i Stille Stunder nr 3/2010