Fylkeskommune er eit politisk styringsorgan på regionalt nivå i Noreg.
Fylkeskommunane er ei folkevald styresmakt innanfor eit geografisk område som vert kalla fylke. Dei har kvart sitt fylkesting, som er eit styringsorgan som innbyggjarane i fylket røyster inn representantar for ein fireårsperiode under særskilde fylkestingsval som vert avvikla samstundes med kommunevala.
Fylkeskommunen sin administrasjon vert utgjord av fylkesting, fylkesutval, fylkesordførar og ein fylkeskommunal administrasjon. Fylkestinget vert altså vald av innbyggjarane i fylket. Før 1975 vart fylkestinget samansett av ordførarane i dei ulike kommunane, eller ein annan av kommunestyrerepresentantane etter val som gjekk føre seg i kommunestyra. I 1977 innførte ein direkte fylkesskatt som skulle dekka utgiftene til eit fylke; tidlegare hadde fylkeskommunen fått pengane sine frå kommunane.
Statsforvaltaren (tidlegare fylkesmannen) har styrings- og kontrolloppgåver i fylket på vegner av regjeringa, men er ikkje ein del av fylkeskommunen, men er beinveges underlagd regjeringa.
Jan Mayen og Svalbard høyrer ikkje til noko fylke og utgjer heller ikkje eit. Jan Mayen er underlagt statsforvaltaren i Nordland, medan Sysselmeisteren på Svalbard er administrativt underlagt Justisdepartementet.
Bouvetøya, Peter I Øy og Dronning Maud Land vert rekna som biland.
Amta skifta i 1919 namn til fylke. Representantane til Amtsformannskapet (seinare fylkestinget) vart heilt fram til 1964 valde av og blant representantane i kommunestyra i alle landkommunane i fylket. Ein representant frå kvar kommune vart vald.
Frå 1964 kom også bykommunane med i skipnaden. Kommunane måtte dekkje dei utgiftene fylkestinget vedtok gjennom repartisjonsskatten. I 1976 gjekk fylkeskommunen over frå å vere sekundærkommune til å verta primærkommune på line med kommunane. Det vart direkte val til fylkestinget, direkte skatt og eigen administrasjon. Fylkesrådmannsfunksjonen vart skild ut frå fylkesmannsembetet.
Stortinget vedtok Lov om kommuner og fylkeskommuner i 1961, og frå 1964 velde kommunestyra inn representantar til fylkestinga etter innbyggjartal. Direkte val til fylkesting vart vedteke av Stortinget i 1974. Det vart i 1975 for fyrste gong skipa til direkte val til fylkesting.
Fram til 2002 var dei offentlege sjukehusa styrte og finansierte av fylkeskommunane, men sjukehusreforma av 2002 skilde sjukehusa ut av fylkeskommunane, og det vart danna fem helseføretak. I dag er det fire helseføretak.
I 2020 hadde ein regionreforma som ende med at tal fylkeskommuner vart reduserte frå 19 til 11.
I 2022 søkte Vestfold og Telemark, Viken, og Troms og Finnmark å splitta opp fylka etter stor misnøye blant innbyggjarane og nokre politiske parti, med Senterpartiet i spissen. Desse fylka vart oppløyste frå 1. januar 2024.
Nummer | Namn | Adm. senter | Folketal | Areal | Tal komm. | Kart | Målform |
---|---|---|---|---|---|---|---|
03 | Oslo | Oslo | 717 710 | 454,12 | 1 | nøytral | |
11 | Rogaland | Stavanger | 499 417 | 9 377,10 | 23 | nøytral | |
15 | Møre og Romsdal | Molde | 270 624 | 14 355,62 | 26 | nynorsk | |
18 | Nordland | Bodø | 243 081 | 38 154,62 | 41 | nøytral | |
31 | Østfold | Sarpsborg | 312 152 | 4 004,2 | 12 | nøytral | |
32 | Akershus | Oslo | 728 803 | 5 894,47 | 21 | nøytral | |
33 | Buskerud | Drammen | 269 819 | 14 693,87 | 18 | nøytral | |
34 | Innlandet | Hamar | 376 304 | 52 072,44 | 46 | nøytral | |
39 | Vestfold | Tønsberg | 256 432 | 2 167,65 | 6 | nøytral | |
40 | Telemark | Skien | 177 093 | 15 298,16 | 17 | nøytral | |
42 | Agder | Kristiansand | 319 850 | 16 434,12 | 25 | nøytral | |
46 | Vestland | Bergen | 651 299 | 33 870,99 | 43 | nynorsk | |
50 | Trøndelag | Steinkjer | 482 956 | 42 201,59 | 38 | nøytral | |
55 | Troms | Troms | 169 610 | 25 862,99 | 21 | nøytral | |
56 | Finnmark | Vadsø | 75 053 | 48 631,09 | 18 | nøytral |
Nummer | Namn | Adm. senter | Areal | Tal komm. | Kart | Målform | Opphøyrte | Vart ein del av | Merknad |
---|---|---|---|---|---|---|---|---|---|
01 | Østfold | Sarpsborg | 4 182,19 | 18 | bokmål | 2020 | Viken | Attoppretta 1. januar 2024 | |
02 | Akershus | Oslo | 4 918,05 | 22 | nøytral | 2020 | Viken | Attoppretta 1. januar 2024 | |
04 | Hedmark | Hamar | 27 399,61 | 22 | nøytral | 2020 | Innlandet | ||
05 | Oppland | Lillehammer | 25 189,61 | 26 | nøytral | 2020 | Innlandet | ||
06 | Buskerud | Drammen | 14 910,76 | 21 | nøytral | 2020 | Viken | Attoppretta 1. januar 2024 | |
07 | Vestfold | Tønsberg | 2 224,36 | 14 | bokmål | 2020 | Vestfold og Telemark | Attoppretta 1. januar 2024 | |
08 | Telemark | Skien | 15 299,22 | 18 | nøytral | 2020 | Vestfold og Telemark | Attoppretta 1. januar 2024 | |
09 | Aust-Agder | Arendal | 9 158,16 | 15 | nøytral | 2020 | Agder | ||
10 | Vest-Agder | Kristiansand | 7 276,38 | 15 | nøytral | 2020 | Agder | ||
12 | Hordaland | Bergen | 15 440,03 | 33 | nynorsk | 2020 | Vestland | ||
13 | Bergen | Bergen | 1 | 1972 | Vestland | ||||
14 | Sogn og Fjordane | Hermansverk/Leikanger | 18 622,73 | 26 | nynorsk | 2020 | Vestland | ||
16 | Sør-Trøndelag | Trondheim | 18 855,75 | 25 | nøytral | 2018 | Trøndelag | ||
17 | Nord-Trøndelag | Steinkjer | 22 414,73 | 23 | nøytral | 2018 | Trøndelag | ||
19 | Troms | Tromsø | 25 869,69 | 24 | nøytral | 2020 | Troms og Finnmark | Attoppretta 1. januar 2024 | |
20 | Finnmark | Vadsø | 48 615,91 | 19 | nøytral | 2020 | Troms og Finnmark | Attoppretta 1. januar 2024 | |
30 | Viken | Oslo, Drammen, Sarpsborg | 24 596 | 51 | nøytral | 2023 | Akershus, Buskerud, Østfold | ||
38 | Vestfold og Telemark | Skien | 17 465,92 | 23 | nøytral | 2023 | Vestfold, Telemark | ||
54 | Troms og Finnmark | Tromsø | 74 829,68 | 39 | nøytral | 2023 | Troms, Finnmark |
This article uses material from the Wikipedia Nynorsk article Fylkeskommune, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.