Nordland er ein norsk fylkeskommune.
Fylket er inndelt i distrikta Helgeland, Salten, Ofoten, Lofoten og Vesterålen. Administrasjonssenteret ligg i Bodø.
Nordland fylke | |||
fylke | |||
| |||
Land | Noreg | ||
---|---|---|---|
Del av | Nord-Noreg | ||
Adm.senter | Bodø | ||
Areal | 38 460 km² | ||
- land | 36 194 km² | ||
- vatn | 2 266 km² | ||
Folketal | 243 081 (1. januar 2024) | ||
Folketettleik | 7 / km² | ||
Målform | nøytral | ||
Statsforvaltar | Hill-Marta Solberg | ||
Fylkesordførar | Sonja Alice Steen (Ap) | ||
- Fylkesrådsleiar | Tomas Norvoll (Ap) | ||
Fylkesnummer | 18 | ||
Nordland fylke 66°50′00″N 14°40′00″E / 66.833333333333°N 14.666666666667°E | |||
Wiki Commons: Nordland | |||
Nettstad: www.nfk.no | |||
Nordland grensar til Troms fylke i nord, til Trøndelag fylke i sør, og til dei svenske fylka Norrbottens län og Vesterbottens län i høvesvis nordaust og søraust.
Fylket er parlamentarisk styrt. Fylkesrådet er leia av Tomas Norvoll frå Arbeidarpartiet, medan Sonja Alice Steen frå Ap er fylkesordførar.
Folketala i oversynet under er frå SSB per 1. januar 2024.
Nr. | Namn | Adm.senter | Folkemengd | Flatevidd (km²) | Målform | Distrikt |
---|---|---|---|---|---|---|
1804 | Bodø | Bodø | 53 712 | 1 393 | nøytral | Salten |
1806 | Narvik | Narvik | 21 580 | 2 023 | Ofoten | |
1811 | Bindal | Terråk | 1 399 | 1 265 | bokmål | Helgeland |
1812 | Sømna | Vik | 1 976 | 194 | ||
1813 | Brønnøy | Brønnøysund | 7 826 | 1 041 | nøytral | |
1815 | Vega | Gladstad | 1 208 | 163 | bokmål | |
1816 | Vevelstad | Vevelstad | 480 | 539 | ||
1818 | Herøy | Sivalen | 1 842 | 65 | ||
1820 | Alstahaug | Sandnessjøen | 7 421 | 187 | nøytral | |
1822 | Leirfjord | Leland | 2 352 | 465 | ||
1824 | Vefsn | Mosjøen | 13 469 | 1 929 | ||
1825 | Grane | Trofors | 1 447 | 2 010 | ||
1826 | Hattfjelldal | Hattfjelldal | 1 284 | 2 684 | ||
1827 | Dønna | Solfjellsjøen | 1 427 | 194 | bokmål | |
1828 | Nesna | Nesna | 1 808 | 183 | ||
1832 | Hemnes | Korgen | 4 485 | 1 589 | nøytral | |
1833 | Rana | Mo i Rana | 25 994 | 4 461 | ||
1834 | Lurøy | Lurøy | 1 886 | 265 | bokmål | |
1835 | Træna | Husøya i Træna | 442 | 16 | ||
1836 | Rødøy | Vågaholmen | 1 139 | 711 | nøytral | |
1837 | Meløy | Ørnes | 6 180 | 874 | bokmål | |
1838 | Gildeskål | Inndyr | 1 958 | 662 | nøytral | Salten |
1839 | Beiarn | Moldjord | 1 062 | 1 222 | bokmål | |
1840 | Saltdal | Rognan | 4 880 | 2 215 | ||
1841 | Fauske | Fauske | 9 827 | 1 210 | ||
1845 | Sørfold | Straumen | 1 858 | 1 636 | ||
1848 | Steigen | Leinesfjord | 2 672 | 1 007 | ||
1851 | Lødingen | Lødingen | 2 060 | 525 | Ofoten | |
1853 | Evenes | Bogen | 1 330 | 252 | ||
1856 | Røst | Røstlandet | 460 | 10 | Lofoten | |
1857 | Værøy | Sørland | 683 | 18 | ||
1859 | Flakstad | Ramberg | 1 229 | 178 | nøytral | |
1860 | Vestvågøy | Leknes | 11 619 | 423 | ||
1865 | Vågan | Svolvær | 9 793 | 478 | ||
1866 | Hadsel | Stokmarknes | 8 236 | 566 | bokmål | Vesterålen |
1867 | Bø | Bø i Vesterålen | 2 634 | 247 | nøytral | |
1868 | Øksnes | Myre | 4 569 | 319 | ||
1870 | Sortland | Sortland | 10 618 | 722 | ||
1871 | Andøy | Andenes | 4 553 | 656 | ||
1874 | Moskenes | Reine | 954 | 119 | Lofoten | |
1875 | Hamarøy | Oppeid | 2 729 | 1 031 | Salten | |
18 | Nordland | Bodø | 243 081 | 38 460 | nøytral | Nordland |
Trass i at Nordland har ei stor utstrekning frå nord til sør, er klimaet langs kysten forholdsvis einsarta nord til Lofoten og Vesterålen, som i mange situasjonar markerer eit vêrskilje. Fylket ligg særskild utsett til for lågtrykk som vert danna i Island- og Jan Mayen-området og går raskt mot aust.
Den vanlegaste vindretninga er hovudsakleg frå sørvest, men det er store variasjonar. Kald utfallsvind frå søraust og aust, særskild sterk ved fjordmunningane, er vanleg om vinteren og kan nå kuling styrke, og ein sjeldan gong storm, når eit kraftig lågtrykk kjem frå vest. I roleg sommarvêr bles det gjerne frå nord eller nordvest ved kysten og innover dei større fjordane. Det er liten kuling eller meir kring 10 % av tida, medan det er storm under 1 % av året.
Nærleiken til havet gjer at februar som regel er den kaldaste månaden. Middeltemperaturen er kring 0 °C på kysten og øygruppene. Ingen andre stader på same breiddegrader har eit så mildt vinterklima som Lofoten. Dei skjerma innlandsområda nær svenskegrensa er kaldast i januar med temperaturar kring –5 til –10 °C. Middeltemperaturen for juli varierer mellom 11 °C ytst i Lofoten til 14–15 °C i indre strøk.
Årsnedbøren varierer med terrenget frå 600-700 mm på dei ytste øyane til over 2000 mm i kystnære fjellområde. I Lofoten og Vesterålen kan ein særskild sjå store skilnader i nedbørsveridane over korte distansar, noko som hovudsakleg kjem av at sjølv moderate høgder kan utløyse og forsterke byenedbør. I dalstrøka lengst aust er årsnedbøren kring 500–750 mm. Her kjem det mest nedbør om sommaren, medan kysten får mest nedbør på hausten.
Det er 45 representantar i fylkestinget.
Partifordeling etter valet i 2015:
Parti: | Representantar: |
---|---|
Arbeidarpartiet | 17 |
Høgre | 9 |
Framstegspartiet | 5 |
Senterpartiet | 5 |
Sosialistisk Venstreparti | 2 |
Raudt | 2 |
Venstre | 2 |
Kristeleg Folkeparti | 2 |
Miljøpartiet dei grøne | 1 |
This article uses material from the Wikipedia Nynorsk article Nordland fylke, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.