Austerrike I Eurovision Song Contest

Austerrike har vunne Eurovision Song Contest to gongar, fyrst i 1966 med Udo Jürgens og sist i 2014 med Conchita Wurst. Austerrike har også hamna på sisteplass åtte gongar, der fire av dei endte med null poeng. Saman med Noreg er Austerrike det landet som har fått null poeng flest gongar i Eurovision Song Contest.

Austerrike
Offisielt	Austerrike
Österreichischer Rundfunk
Uttakingar
Nasjonalt	17
Internt	37
Deltaking
Debutår	1957
Deltakingar	54
Beste resultat
Semifinalen	1 (2014)
Finalen	1 (1966 og 2014)
Verste resultat
Semifinalen	Sist (2012)
Finalen	Sist (1957, 1961, 1962, 1979, 1984, 1988 og 1991)
Poeng
Semifinalane	984
Finalane	2 246
Totalt	3 230

Det er den austerrikske allmennkringkastaren Österreichischer Rundfunk (ORF) som har ansvaret for å velje Austerrike sitt bidrag til Eurovision Song Contest. Debuten kom allereie i den andre utgåva av Eurovision Song Contest, i 1957, då Austerrike enda på sisteplass i sitt aller fyrste forsøk i tevlinga. Sidan har ei rekkje nye sisteplassar fulgt, inkludert fire gongar der dei ikkje har fått noko poeng. I 2015 vart Austerrike den fyrste vertsnasjonen i Eurovision Song Contest som fekk null poeng.

Trass sisteplassane har Austerrike også åtte topp fem-plasseringar, inkludert to sigrar. Den fyrste kom i Luxembourg i 1966, då Udo Jürgens, på sitt tredje forsøk på rad, vann med songen «Merci, Chérie». Etter den fyrste sigeren til Austerrike, skulle det gå heile 48 år før landet fekk sin andre siger, då Conchita Wurst vann med songen «Rise Like a Phoenix» i 2014. I 2018 leia Austerrike finalen etter juryavrøystinga, men enda på tredjeplass totalt etter å ha hamna 13.-plass blant folket. Utanom dei to sigrane er tredjeplassen den beste plasseringa til Austerrike.

Fleire fråvær

Sidan debuten har Austerrike av ulike årsaker heldt seg utanfor tevlinga ei rekkje gongar. I 1969 trekte Austerrike seg fordi Eurovision Song Contest skulle haldast i det Franco-styrte Spania, og i 1970 i protest mot at fire land delte sigeren året før. Også Norden og Portugal trekte seg frå finalen i 1970 av same grunn. I åra 1973-1975 var Austerrike, av uvisse årsaker, heller ikkje med i tevlinga.

I 1998 og 2001 måtte Austerrike stå over Eurovision Song Contest på grunn av dårlege resultat åra før. I 2006 og åra 2008 til 2010 deltok ikkje Austerrike, i protest mot det nye røystesystemet i Eurovision Song Contest og innføringa av to semifinalar og korleis landa ville bli fordelte i dei semifinalane. Austerrike kom tilbake i 2011 då nabolandet Tyskland arrangerte tevlinga, og har delteke kvart år sidan.

•  
  Liane Augustin i Hilversum i 1958.
•  
  Eleonore Schwarz i Luxembourg by i 1962.
•  
  Udo Jürgens i Napoli i 1965.
•  
  Udo Jürgens, vinnar av Eurovision Song Contest i 1966, saman med France Gall.
•  
  Waterloo & Robinson i Den Haag i 1976.
•  
  Blue Danube i Den Haag i 1980.
•  
  Tie Break i Istanbul i 2004.
•  
  Eric Papilaya i Helsingfors i 2017.
•  
  Natália Kelly i Malmö i 2013.
•  
  Conchita Wurst, vinnar av Eurovision Song Contest i 2014.
•  
  The Makemakes i Wien i 2015.
•  
  Zoë synger «Loin d'ici» i Stockholm i 2016.
•  
  Nathan Trent i Kyiv i 2017.
•  
  Cesár Sampson i Lisboa i 2018.
•  
  Pænda i Tel Aviv i 2019.

Finalane

Austerrike har gjeve flest poeng til Nr. Land Poeng 1   Storbritannia 189 2   Sverige 177 3   Irland 172 4   Frankrike 162 5   Sveits 161

Austerrike har fått flest poeng frå Nr. Land Poeng 1   Storbritannia 126 2   Belgia 121 3   Irland 103 4   Sverige 100 5   Tyskland 97

• Den offisielle nettsida til Eurovision Song Contest
• Austerrike i Eurovision Song Contest