Eurovision Song Contest 1969

Konkurransen vart halden i Teatro Real i Madrid i Spania. Finalen fann stad laurdag 29. mars. Frankrike vann konkurransen med den franske songen «Un Jour, Un Enfant», framført av Frida Boccara. Nederland vann konkurransen med den nederlandske songen «De Troubadour», framført av Lenny Kuhr. Spania vann konkurransen med den spanske songen «Vivo Cantando», framført av Salomé. Storbritannia vann konkurransen med songen «Boom Bang-a-Bang», framført av Lulu på engelsk.

Eurovision Song Contest 1969
Dato
Vertskap
Stad Teatro Real Madrid i Spania
Programleiar(ar) Laurita Valenzuela
Varigskap
Opningsnummer
Pausenummer
Bidrag
Kart
Røysting
Eurovision Song Contest
1968 1970

Det var fyrste gong fleire land kom på 1. plass med same poengsum, då Frankrike, Nederland, Spania og Storbritannia alle hadde fått 18 poeng kvar etter avstemminga. På denne tida var det ingen reglar som skilte landa ved stemmelikskap, og alle fire vart difor utropt til vinnarar. Etter dagens reglar ville Frankrike ha vunne, av di det var flest ulike land som røysta på Frankrike.

Austerrike nekta å delta i ein konkurranse som vart halden i eit diktatorstyrt land (Spania var på denne tida kontrollert av Francisco Franco). Den kjende kunstnaren Salvador Dalí var ansvarleg for designet til publisitetsmaterialet i forkant av konkurransen så vel som metallskulpturen som vart brukt på scena.

Liechtenstein hadde ymta frampå om å delta i konkurransen dette året - og hadde til og med vald ut songen «Un beau matin», men fekk ikkje delta fordi landet ikkje hadde nokon TV-stasjon som var medlem av EBU.

Finale

• Frankrike vann konkurransen for fjerde gong.
• Nederland vann konkurransen for tredje gong.
• Spania vann konkurransen for andre gong.
• Storbritannia vann konkurransen for andre gong.
• Frankrike, Nederland, Spania og Storbritannia kom på ein firedelt 1. plass.
• Irland og Belgia kom på ein delt 7. plass
• Sverige og Vest-Tyskland kom på ein delt 9. plass.
• Jugoslavia og Italia kom på ein delt 13. plass.
• Kirsti Sparboe, som representerte Noreg med songen Oj, oj, oj, så glad jeg skal bli enda på sisteplass med eitt poeng.

Nr.	Land	Artist	Song	Språk	Plass	Poeng
1.	Jugoslavia	Ivan & 3M	«Pozdrav svijetu»	Serbokroatisk	13	5
2.	Luxembourg	Romuald Figuier	«Catherine»	Fransk	11	7
3.	Spania	Salomé	«Vivo cantando»	Spansk	1	18
4.	Monaco	Jean Jacques	«Maman, Maman»	Fransk	6	11
5.	Irland	Muriel Day	«The Wages of Love»	Engelsk	7	10
6.	Italia	Iva Zanicchi	«Due grosse lacrime bianche»	Italiensk	13	5
7.	Storbritannia	Lulu	«Boom Bang-a-Bang»	Engelsk	1	18
8.	Nederland	Lenny Kuhr	«De troubadour»	Nederlandsk	1	18
9.	Sverige	Tommy Körberg	«Judy, min vän»	Svensk	9	8
10.	Belgia	Louis Neefs	«Jennifer Jennings»	Nederlandsk	7	10
11.	Sveits	Paola Del Medico	«Bonjour, Bonjour»	Tysk	5	13
12.	Noreg	Kirsti Sparboe	«Oj, oj, oj, så glad jeg skal bli»	Norsk	16	1
13.	Vest-Tyskland	Siw Malmkvist	«Primaballerina»	Tysk	9	8
14.	Frankrike	Frida Boccara	«Un jour, un enfant»	Fransk	1	18
15.	Portugal	Simone de Oliveira	«Desfolhada portuguesa»	Portugisisk	15	4
16.	Finland	Jarkko ja Laura	«Kuin silloin ennen»	Finsk	12	6

• Den offisielle nettsida til Eurovision Song Contest