Eurovision Song Contest 2006

Eurovision Song Contest, var den 51. gongen Eurovision Song Contest vart arrangert. Tevlinga vart halden i Olymbiakό Kleistό Gymnastírio i Aten i Hellas. Semifinalen fann stad 18. mai 2006 og finalen fann stad 20. mai 2006. Finland vann tevlinga med songen «Hard Rock Hallelujah», framført på engelsk av Lordi. «Hard Rock Halleluja» vart den fyrste rockesongen som vann tevlinga, sidan Eurovision ofte vert assosiert med pop og schlager. Det var fyrste gongen Finland vann etter å ha delteke i 45 år. Programleiarane var den greske songaren Sákis Rouvás, som representerte Hellas i 2004 og 2009, og den gresk-amerikanske programleiaren og skodespelaren María Menoúnos. I semifinalen song Rouvás og Menoúnos «Love Shine A Light», vinnarsongen til Katrina and the Waves frå 1998. Rouvás framførte òg ein engelsk versjon av hans greske hit «S'ékho erotefthí» kalla «I'm In Love With You». Élena Paparízou som vann Eurovision Song Contest 2005 i Kiev i Ukraina framførte vinnarsongen «My Number One» samt «Mambo!». Ein offisiell CD og DVD vart gjeve ut og ein ny introduksjon var ein offisiell fanbok gjeve ut frå dette året, og kvart år for å kome med detaljert informasjon frå kvart land.

Eurovision Song Contest 2006
Feel The Rhythm
Offisiell tittel 51. Eurovision Song Contest
Dato
Semifinalen	18. mai 2006
Finalen	20. mai 2006
Vertskap
Stad Olymbiakό Kleistό Gymnastírio i Aten i Hellas
Programleiar(ar) Sákis Rouvás og María Menoúnos
Kringkastar(ar) Ellinikí Radiofonía Tileórasi
Varigskap
Opningsnummer
Semifinalen	«Love Shine A Light» av Sákis Rouvás og María Menoúnos
Finalen	«The Mermaid Song» av Foteini Darra og «My Number One» av Élena Paparízou
Pausenummer
Semifinalen	«I'm In Love With You» av Sákis Rouvás
Finalen	«Mambo!» av Élena Paparízou
Bidrag
Røystesystem Kvart land gav 1–8, 10 og 12 poeng til deira ti favorittsongar.
Antal bidrag 37 land. 24 i finalen. 23 i semifinalen.
Debuterte Armenia
Trekte seg Austerrike Ungarn Serbia og Montenegro
Kart
ESC 2006 Map.svg
██ Land som deltok i tevlinga ██ Land som ikkje kvalifiserte seg til finalen ██ Land som ikkje deltok i tevlinga
Røysting
Vinnar Finland med «Hard Rock Halleluja» av Lordi
Eurovision Song Contest
Kiev 2005 Helsingfors 2007

Song nummer 1 000 i tevlinga, «Every Song Is a Cry for Love», vart framført av Brian Kennedy for Irland i semifinalen. Armenia deltok i tevlinga for fyrste gong.

Visuelt design

Den offisielle logoen var lik den som vart nytta i 2004 og 2005, men flagget i hjartet vart bytta ut med det greske flagget. Logoen vart sett saman av den offisielle logoen samt ein del laga av designbyrået Karamela. Ifylgje Ellinikí Radiofonía Tileórasi (ERT) var den «inspirert av vinden og sjøen, den gylne sol og gløden av sand». Etter at Istanbul hadde vald mottoet «Under The Same Sky» og Kiev hadde vald «Awakening» vart mottoet i 2006 «Fel The Rhythm». Dette vart òg nytta som grunnlag for postkorta som vart syna før kvar framføring, som understreka den historiske tydinga til Hellas samt at landet er eit stort moderne turistmål.

Røysting

For å spare tid i finalen fekk ein berre røyste i ti minutt og då poenga vart lest opp vart dei sju fyrste poenga syna på skjermen i staden for. Talspersonane las berre opp poenga 8, 10 og 12. Sjølv om ein fekk ned tida under vart det framleis fleire problem under røystgjevinga. Då Nederland skulle gje poeng gjekk Menoúnos av scena og bak til green room. På grunn av problem med mikrofona fekk ikkje Rouvás kontakt med ho. Det var òg problem med lasting av resultattavlar av di dei hang seg opp og programleiarane og talspersonane byrja å prate før dei vart syna på skjermen. Den nederlandske talspersonen Paul de Leeuw laga òg problem då han gav mobilnummeret sitt til Rouvás og nytta meir tid då han las opp dei fyrste sju poenga. Khonstantínos Khristofórou, som representerte Kypros i 1996, 2002 og 2005, helsa frå «Nikosia, den siste delte hovudstaden i Europa». Då Kypros las opp poenga syna sendinga at poenga kom frå Sveits. Røystinga vart òg kritisert av di ein berre las opp dei tre poeng i staden for alle ti. For fyrste gong vart Makedonia presentert som «Former Yugoslav Republic of Macedonia» i staden for med forkortinga «FYR Macedonia» eller «F.Y.R. Macedonia». Etter 2006 har Makedonia berre vorte presentert som «F.Y.R. Macedonia».

Semifinalen

I semifinalen deltok 23 land: Dei ti dårlegaste plasserte landa frå finalen i 2005 og tolv av landa som ikkje kvalifiserte seg frå semifinalen i 2005. I tillegg deltok debutantlandet Armenia.

Nr.	Land	Artist	Song	Omsetjing	Språk	Plass	Poeng
01	Armenia	André	«Without Your Love»	Utan kjærleiken din	Engelsk	6	150
02	Bulgaria	Mariana Popova	«Let Me Cry»	La meg gråte	Engelsk	17	36
03	Slovenia	Anžej Dežan	«Mr Nobody»	Eit null	Engelsk	16	49
04	Andorra	Jennifer Serrano	«Sense tu»	Utan deg	Katalansk	23	8
05	Kviterussland	Palina Smolava	«Mum»	«Mamma»	Engelsk	22	10
06	Albania	Luiz Ejlli	«Zjarr e ftohtë»	Brann og kaldt	Albansk	14	58
07	Belgia	Kate Ryan	«Je t'adore»	Eg forgudar deg	Engelsk	12	69
08	Irland	Brian Kennedy	«Every Song Is a Cry for Love»	Kvar song er eit rop om kjærleik	Engelsk	9	79
09	Kypros	Annét Artáni	«Why Angels Cry»	Kvifor englar græt	Engelsk	15	57
10	Monaco	Séverine Ferrer	«La Coco-Dance»	Coco-dansen	Fransk, tahitisk	21	14
11	Makedonia	Elena Risteska	«Ninanajna»	–	Engelsk, makedonsk	10	76
12	Polen	Ich Troje med Real McCoy	«Follow My Heart»	Følg hjartet mitt	Engelsk, polsk, tysk, russisk, spansk	11	70
13	Russland	Dima Bilan	«Never Let You Go»	Let deg aldri gå	Engelsk	3	217
14	Tyrkia	Sibel Tüzün	«Süperstar»	Superstjerne	Tyrkisk, engelsk	8	91
15	Ukraina	Tina Karol	«Show Me Your Love»	Vis meg kjærleiken din	Engelsk	7	146
16	Finland	Lordi	«Hard Rock Hallelujah»	Hardrock-halleluja	Engelsk	1	292
17	Nederland	Treble	«Amambanda»	–	Engelsk, kunstig språk	20	22
18	Litauen	LT United	«We Are the Winners»	Me er vinnarane	Engelsk, fransk	5	162
19	Portugal	Nonstop	«Coisas de nada»	Meiningslause ting	Engelsk, portugisisk	19	26
20	Sverige	Carola	«Invincible»	Uovervinneleg	Engelsk	4	170
21	Estland	Sandra Oxenryd	«Through My Window»	Gjennom vindauget mitt	Engelsk	18	28
22	Bosnia-Hercegovina	Hari Mata Hari	«Lejla»	Layla	Bosnisk	2	229
23	Island	Silvía Night	«Congratulations»	Gratulerer	Engelsk	13	62

Finalen

• Finalen vart kringkasta 20. mai 2006 frå Olymbiakό Kleistό Gymnastírio i Aten.
• Frankrike, Spania, Storbritannia og Tyskland, kalla dei fire store, og vertslandet Hellas var direktekvalifisert til finalen.
• Dei ti beste landa i finalen i Eurovision Song Contest 2005 og dei ti beste frå semifinalen i Eurovison Song Contest 2006 kvalifiserte seg til finalen. Totalt deltok 24 land i finalen.
• Serbia og Montenegro trekte seg frå tevlinga og vart bytta ut med Kroatia. Landet fekk røyste i finalen, men det var berre mogleg å røyste i Serbia. Under poengutdelinga sa Jovana Janković, som las opp poenga frå Serbia og Montenegrino, «som de veit så har me ingen song til dykk i år, men eg lovar at me vil gje dykk den beste neste år». Året etter vann Serbia telvinga og Janković fekk vere programleiar då tevlinga vart halden i Beograd i 2008.

Nr.	Land	Artist	Song	Omsetjing	Språk	Plass	Poeng
01	Sveits	six4one	«If We All Give a Little»	Om vi alle gjev litt	Engelsk	17	30
02	Moldova	Arsenium med Natalia Gordienko	«Loca»	Sprø jente	Engelsk	20	22
03	Israel	Eddie Butler	«Together We Are One»	Saman er vi éin	Hebraisk, engelsk	23	4
04	Latvia	Cosmos	«I Hear Your Heart»	Eg høyrer hjartet ditt	Engelsk	16	30
05	Noreg	Christine Guldbrandsen	«Alvedansen»	–	Norsk	14	36
06	Spania	Las Ketchup	«Un Blodymary»	En Bloody Mary	Spansk	21	18
07	Malta	Fabrizio Faniello	«I Do»	Eg gjer	Engelsk	24	1
08	Tyskland	Texas Lightning	«No No Never»	Nei, nei, aldri	Engelsk	15	36
09	Danmark	Sidsel Ben Semmane	«Twist of Love»	Twist av kjærleik	Engelsk	18	26
10	Russland	Dima Bilan	«Never Let You Go»	Let deg aldri gå	Engelsk	2	248
11	Makedonia	Elena Risteska	«Ninanajna»	–	Engelsk, makedonsk	12	56
12	Romania	Mihai Trăistariu	«Tornerò»	Eg kjem tilbake	Engelsk, italiensk	4	172
13	Bosnia-Hercegovina	Hari Mata Hari	«Lejla»	Layla	Bosnisk	3	229
14	Litauen	LT United	«We Are the Winners»	Me er vinnarane	Engelsk	6	162
15	Storbritannia	Daz Sampson	«Teenage Life»	Tenåringsliv	Engelsk	19	25
16	Hellas	Ánna Víssi	«Everything»	Alt	Engelsk	9	128
17	Finland	Lordi	«Hard Rock Hallelujah»	Hardrock-halleluja	Engelsk	1	292
18	Ukraina	Tina Karol	«Show Me Your Love»	Vis meg kjærleiken din	Engelsk	7	145
19	Frankrike	Virginie Pouchain	«Il était temps»	Det var tid	Fransk	22	5
20	Kroatia	Severina	«Moja štikla»	Mine stiletthælar	Kroatisk	13	56
21	Irland	Brian Kennedy	«Every Song Is a Cry for Love»	Kvar song er eit rop om kjærleik	Engelsk	10	93
22	Sverige	Carola	«Invincible»	Uovervinneleg	Engelsk	5	170
23	Tyrkia	Sibel Tüzün	«Süperstar»	Superstjerne	Tyrkisk, engelsk	11	91
24	Armenia	André	«Without Your Love»	Uten kjærleiken din	Engelsk	8	129

• Junior Eurovision Song Contest 2006
• OGAE Second Chance Contest 2006