Sakik kapalo nan sacaro medis disabuik cephalagia atau dilafalan cephalgia adolah suatu kondisi dimano ado raso sakik di dalam banak kapalo: kadang sakik di balakang lihia atau pungguang bagian ateh, disabuik juo jo sakik kapalo.
Panyakik ko tamasuak dalam keluhan panyakik nan acok dikaluihan.
Sakik kapalo | |
---|---|
Klasifikasi dan sumber eksternal | |
Seorang wanita yang menderita sakit kepala | |
ICD-10 | G43.-G44., R51. |
ICD-9 | 339, 784.0 |
DiseasesDB | 19825 |
MedlinePlus | 003024 |
eMedicine | neuro/517 neuro/70 |
Patient UK | Sakik kapalo |
MeSH | D006261 |
Sakik kapalo adolah masalah universal, dengan prevalensi hampia 99%, dan marupokan alasan paliang umum untuak rujuikan neurologis. Sakik Kapalo bisa memiliki makna klinis saketek tapi mungkin juo manjadi patando adonyo panyakik nan maancam badan. Raso sakik di kapalo dimusababkan dek traksi/panarikan, papindahan, paradangan, spasme dari pambuluh darah, atau distensi dari struktur di kapalo atau lihia nan sensitif ka raso nyeri
Salah ciek jenis sakik kapalo nan juo banyak dikeluhkan iolah sakik kapalo sabalah atau migrain. Serangan sakik kapalo migrain taraso labiah manyeso nan takadang datang tibo-tibo. Penderita migrain akan marasokan nyeri nan badanyuik sarupo ditumbuak jo dielo-elo nan biasonyo disaratoi jo gangguan saluran cerna sarupo mual dan muntah. Penderitanyo pun condong manjadi labiah sansitif ka cahayo, bunyi, dan baun. Hal iko tantu sungguah manggaduah dan bisa mahambek sagalo aktifitas si penderita.
Kato migrain barasa dari bahaso Yunani yaitu hemicraia (hemi = satangah, cranium = tangkurak kapalo). Serangan sakik kapalo migrain dapek tajadi babarapo kali satahun sampai babarapo kali saminggu, dengan lamo seranggan biasonyo 1-2 jam. Migrain atau sakik kapalo sabalah sabananyo alum diketahui sacaro pasti panyababnyo. Namun, dipakiroan jenis sakik kapalo ko disababkan karano adonyo hiperaktivitas impuls listrik utak nan maningkatkan aliran darah di utak sahinggo tajadi pelebaran pambuluh darah utak sarato proses inflamasi (luko radang). Ado juo sakik kapalo tipe ketegangan (tension type headache, atau TTH) cirinyo iolah kaduo sisi kapalo saroman dirameh dengan kancang, tetapi indak disaratoi jo gejala nan lain (indak mual, muntah, sensitif cahayo, dan lainnyo).
Sakik kapalo sabagian gadang basifaik primer yaitu tanpa ado panyakik nan mandasarinyo sarupo migrain, cluster, dan tension type headache. Meskipun demikian ado juo sakik kapalo nan di musababkan dek sabuah proses nan mandasari panyakik atau kondisi nan biaso disabuik sakik kapalo sekunder, dimaa kondisi ko harus manjadi fokus awal dalam evaluasi diagnostik sakik kapalo. Manifestasi dari panyakik sistemik nan mandasari dapek mambantu dalam diagnosis etiologi sakik kapalo nan harus salalu dicari. karano jikok sampai talambek akibaiknyo bisa fatal.
Barikuik babarapo hal nan paralu dicaliak dari sakik kapalo nan manjadi patando sakik kapalo sekunder.
This article uses material from the Wikipedia Minangkabau article Sakik kapalo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.