Sago
Sago marupoan tumbuahan nan tumbuah sacaro lia, biasonyo banyak tumbuah di rimbo, parak, ladang atau ditapi jalan.
Tumbuahan sago tamasuak kadalam kaluarga poloang-poloangan. Batang sago baukuran ketek dan marambek pado inang maliliak-liak ka arah kiri. Warna bungo sago bawarna ungu mudo nan manyarupoi kupu-kupu pado tandan bungo dan buahnyo bawarna sirah. Buah sago biasonyo dijadian sabagai hiasan sajo, dikaranokan buahnyo nan manganduang racun. Misalnyo, dijadiaan untuak mambuek kaluang, galang, mato boneka atau hiasan lainnyo. Walaupun manganduang racun tumbuahan sago tatok dicari sabagai bahan ubek tradisional. Adopun manfaat dari tanaman sago iyolah dapek dijadian untuak ubek batuak, untuak ubek amandel, untuak ubek sariawan, untuak ubek sakik radang mato, untuak ubek sakik jantuang, untuak ubek paneh dalam,untuak sakik hipertensi dan lain sabagainyo.
.JPG)
Tumbuahan sago tumbuah baiak pado daearah dataran randah sampai katinggian 1000 meter di ateh permukaan lauik. Kini, tumbuahan sago agak sulik dicari, dikaranokan tumbuahan sago nan manganduang racun abrin sahinggo indak dapek di manfaatkan untuak pambibitan. Minimnyo pengetahuan masyarakaik pado zaman kini manganai manfaat sago dan kabanyakan urang labiah mamiliah untuak barubek ka dokter dibandiangkan maminum ubek tradisional.
Papatah
"Nan kuriak iyolah kundi nan merah iyolah sago, nan baiak iyolah budi nan indah iyolah baso"
Rujuakan
This article uses material from the Wikipedia Minangkabau article Sago, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.