Gandang

Gandang ko sarupo jo gandang - gandang pado umumnyo, caro mamainkannyo pun samo, yaitu dipukul. Hanyo sajo, teknik memukul nyo yang agak beda dari gandang kabanyakan. Di minang, gandang ko digunokan bagantuang pado rantak lagu nan ka di mainkan. Salah satu kesenian gandang nan terkenal yaitu gandang tasa di kabupaten Padang Pariaman.

Gandang ko ado bamacam-macam, contoh nyo gandang tambua nan tabuek dari kayu babantuak lonjong, tapiannyo bulek sudah tu permukaan nyo di lakek an kulik binatang. Ado lo namonyo gandang tasa, bantuaknyo mirip satangah bola dan hanyo ado ciek permukaan kulik. Caro mamainkan gandang tambua yaitu disandang dek pemain gandang di bahu dengan posisi tagak manggunoan duo buah pemukul dari kayu. Untuak gandang tasa, kayu pemukul nyo biasonyo lebih panjang, aluih, dan lentur.