Reva Deddy Utama: Wartawan Indonesia
Reva Deddy Utama lahia di Padang, maso kaciak di Bukittinggi, tumbuah jo gadang di Jakarta.
Inyo kini manjabat sabagai Pamimpin Redaksi ANTV, Wakil Pemred tvOne, dan anggota Dewan Pers pulo. Inyo mangawali karier sabagai pamain sepakbola, namun diusia 22 tahun, inyo maninggaan kancah sepakbola dan manaruihan kuliah di Fakultas Hukum Universitas Indonesia.
| Biografi | |
|---|---|
| Lahia | 1r Mai 1959  (64 tahun (id) )Koto Padang |
| Kalompok etnis | Urang Minangkabau |
| Almamater | Universitas Indonesia |
| Kagiatan | |
| Karajo | Wartawan |
Sasudah tamaik kuliah, Reva mancubo bakarier di babagai bidang, mulai dari asisten notaris, pangacara jo dosen, sampai manjadi karyawan di babagai bank, panulih artikel, dan sempat pulo badagang mode urang Minang lainnyo.
Pado mulonyo, inyo manjadi wartawan taun 1986 karano bakenalan jo Akbar Tanjuang saurang politisi kawakan nan wakatu itu inyo mamimpin Redaksi Harian Umum Pelita. Inyo nan biaso manulih artikel dimintak dek Akbar untuak manulih analisa patandiangan sepakbola salamo Piala Dunia 1986 di Meksiko. Sajak itu inyo masuak ka dunia media.
Sabagai wartawan inyo banyak malipuik sadoalah even-even olahraga, mulai dari tingkek nasional bak cando PON hinggo kajadian internasional sarupo Sea Games, Asian Games, Olimpiade sampai ajang Piala Dunia sepakbola. Pangalaman nan paliang dikana bana adolah katiko Olimpiade Barcelona wakatu Indonesia patamo kali marabuik madali ameh malalui kamanangan Susi Susanti dan Alan Budikusuma. Bagi Reva itu adolah momen paliang pantiang untuak saurang wartawan, mambaritokan sabuah kajadian langka, basijarah, dan baskala dunia, mambuek bahagia sadoaah urang nan manarimo kaba.
Taun 1993, inyo hijrah dari wartawan manjadi jurnalis tv, jo batagaknyo ANTV, inyo sacaro otomatis manjadi broadcaster sosok nan berkecimpung dalam dunia produksi audio-vidio.
Pandidikan
Pandidikan dasa inggo manangah di Jakarta: SD No. 2, SMP 36, jo SMA Nagari 14 Jakarta.
Rujuakan
 | Iko baru laman rancangan. Bantulah Wikipedia untuak mangambangannyo. |
This article uses material from the Wikipedia Minangkabau article Reva Deddy Utama, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.