Kalimantan Selatan (disingkek Kalsel) adolah salah satu provinsi nan ado di Indonesia nan talatak di pulau Kalimantan.
Ibu kota provinsi Kalimantan Selatan adolah Kota Banjarbaru sajak tanggal 16 Maret 2022 manggantikan Kota Banjarmasin. Provinsi iko marupokan rumah etnis Banjar dan mamiliki laweh 38.744,00 km² jo populasi ditahun 2020 bajumlah 4.087.894 jiwa, dan wilayah administrasi tabagi manjadi 11 kabupaten dan 2 kota.
Kalimantan Selatan | |||
---|---|---|---|
Provinsi di Indonesia | |||
Transkripsi bahaso Banjar | |||
• Jawi | کاليمانتان سلاتن | ||
Dari kida ka suok, ateh ke baruah: Ngalau Karst di Nateh, Tari Radap Rahayu, Pasa Tarapuang Banjarmasin, Taman Cahaya Bumi Selamat Martapura, Monumen Ketupat Kandangan, Jambatan Barito dan Monumen Tanjung Puri Tabalong | |||
| |||
Semboyan: Waja sampai kaputing (Banjar) Taruih sumangek dan kuek sarupo baja dari mulo sampai akia | |||
Peta lokasi Kalimantan Selatan | |||
Nagara | Indonesia | ||
Ibu kota | Kota Banjarbaru | ||
Kota gadang lainnyo | Kota Banjarmasin | ||
Jumlah satuan pamarintahan | Daftar Kabupaten: 11 Kota: 2 Kecamatan: 156 Kelurahan: 144 Desa: 1.867 | ||
Pamarintahan | |||
• Gubernur | Sahbirin Noor | ||
• Wakia Gubernur | Muhidin | ||
• Sekretaris Daerah | Roy Rizali Anwar | ||
• Ketua DPRD | Supian HK | ||
Laweh | |||
• Total | 38.744,00 km2 (14,959,14 sq mi) | ||
Panduduak (2021) | |||
• Total | 4.119.824 | ||
• Kapadatan | 105,51/km2 (273,3/sq mi) | ||
Demografi | |||
• Etnis | Etnis asali Kalimantan Selatan Etnis pandatang Jawa 14,60%Bugis 2,83% Madura 1,48% Mandar 1,11% Tionghoa 0,69% Bali 0,39% Melayu 0,38% Batak 0,36% Lain-lain 1,75% | ||
• Agamo | Islam 97,02% Kristen 1,87% — Protestan 1,33% — Katolik 0,54% Hindu 0,58% Buddha 0,30% Lainnya 0,23% | ||
• Bahaso | |||
• IPM | ▲ 71,84 (2022) tinggi | ||
Kode pos | 70xxx-72xxx | ||
Kode area telepon | Daftar 0511 - Banjarbaru, Banjarmasin, Martapura, Marabahan 0512 - Pelaihari | ||
ISO 3166 | ID-KS | ||
Plat kandaraan | DA | ||
Dasa hukum pandirian | Undang-Undang Republik Indonesia Nomor 8 Tahun 2022 | ||
DAU | Rp 1.215.803.040.000,- (2020) | ||
Lagu daerah | |||
Rumah tradisional | Rumah Bubungan Tinggi | ||
Sanjato tradisional |
| ||
Flora | Kasturi | ||
Fauna | Bekantan | ||
Situs web | kalselprov.go.id |
DPRD Kalimantan Selatan jo surat keputusan No. 2 Tahun 1989 tanggal 31 Mei 1989 manatapkan 14 Agustus 1950 sabagai Hari Jadi Provinsi Kalimantan Selatan. Tanggal 14 Agustus 1950 malalui Peraturan Pemerintah RIS No. 21 Tahun 1950, marupokan tanggal dibantuaknyo Provinsi Kalimantan, salapeh pembubaran Republik Indonesia Serikat (RIS), jo gubernur Dokter Moerjani.
Sacaro historis wilayah Kalimantan Selatan mulo-mulo dibantuak marupokan wilayah Karesidenan Kalimantan Selatan (jo Residen Mohammad Hanafiah) di dalam Provinsi Kalimantan itu surang. Panduduak Kalimantan Selatan bajumlah 3.589.731 jiwa (2010).
Kalimantan Selatan mampunyoi gala sabagai Bumi Lambung Mangkurat. Lambung Mangkurat, marupokan palafalan Banjar untuak kato Lambu (Lembu) Mangkurat, rajo kaduo dari Karajaan Negara Dipa (sabalun barubah manjadi Kasultanan Banjar).[rujuakan?] Lambung Mangkurat manggantikan ayahnyo Ampu Jatmaka atau Mpu / Empu Jatmika ang Maharaja di Candi, nan marupokan paniago kayo nan juo parantau dari Keling, Kediri nan juo pandiri dari Karajaan Negara Dipa pado mulo abaik ka-14 atau antaro 1380 -- 1387.
Kawasan Kalimantan Selatan pado maso saisuak marupokan bagian dari 3 karajaan gadang nan panah sacaro baturuik-turuik mamiliki wilayah di daerah iko, yakni Karajaan Negara Dipa, dilanjuikkan dek Karajaan Negara Daha dan dilanjuikkan dek Kasultanan Banjar. Salapeh Proklamasi Kamardekaan Indonesia, Kalimantan dijadikan provinsi surang jo gubernur partamo Gubernur Ir. Pangeran Muhammad Noor nan manjabaik sampai dibueknyo Pajanjian Linggarjati.
Sijarah pamarintahan di Kalimantan Selatan juo dironoi jo tabantuaknyo organisasi Angkatan Laut Republik Indonesia (ALRI) Divisi IV di Mojokerto, Jawa Timur nan mampasatukan kakuatan dan pajuang asa Kalimantan nan ado di Jawa. Jo ditandotanganinyo Pajanjian Linggarjati manyababkan Kalimantan tapisah dari Republik Indonesia. Dalam kaadaan iko pamimpin ALRI IV maambiak langkah untuak kadaulatan Kalimantan sabagai bagian wilayah Indonesia, malalui suatu proklamasi nan ditandotangani dek Gubernur ALRI Hasan Basry di Kandangan 17 Mei 1949 nan isinyo manyatokan baso rakyat Indonesia di Kalimantan Selatan mamaklumkan badirinyo pamarintahan Gubernur tantara ALRI nan malingkuangi sadoalah wilayah Kalimantan Selatan (dan tangah). Wilayah itu dinyatokan sabagai bagian dari wilayah RI sasuai Proklamasi kemerdekaaan 17 Agustus 1945. Upayo nan dilakukan dianggap sabagai upayo tandiangan ateh dibantuaknyo Dewan Banjar dek Ulando"
Ado naskah sumber nan bakaitan jo Undang-Undang Republik Indonesia Nomor 8 Tahun 2022 di Wikisource |
Manyusua baliaknyo Indonesia ka bantuak nagara kasatuan, kahidupan pamarintahan di daerah juo mangalamai panataaan. Provinsi Kalimantan pado maso itu tadiri ateh 3 (tigo) karesidenan yaitu Karesidenan Kalimantan Barat, Karesidenan Kalimantan Selatan dan Karesidenan Kalimantan Timur. Provinsi Kalimantan, kudian dipacah manjadi 3 provinsi, antaronyo Kalimantan Barat, Timur jo Selatan nan dituangkan dalam UU No. 25 Tahun 1956. Manuruik UU No. 21 Tahun 1957, sabagian gadang daerah sabalah barat dan utara wilayah Kalimantan Selatan dijadikan Provinsi Kalimantan Tengah. Samantaro UU No. 27 Tahun 1959 mamisahkan bagian utara dari daerah Kabupaten Kotabaru dan memasukkan wilayah itu ka dalam wilayah Provinsi Kalimantan Timur. Sajak itu Provinsi Kalimantan Selatan indak lai mangalami parubahan wilayah, dan tatap cando adonyo. Adopun UU No.25 Tahun 1956 nan marupokan dasar pambantuakan Provinsi Kalimantan Selatan kudian dikajangi jo UU No. 10 Tahun 1957 dan UU No. 27 Tahun 1959 dan tarakhia UU No. 8 Tahun 2022.
Sacaro geografis, Kalimantan Selatan ado di bagian tenggara Pulau Kalimantan, mamiliki kawasan dataran randah di bagian barat dan pantai timur, sarato dataran tinggi nan dibantuak dek Pagunuangan Meratus di tangah.
Kalimantan Selatan tadiri ateh duo ciri geografi utamo, yakni dataran randah jo dataran tinggi. Kawasan dataran randah kabanyakan barupo lahan gambut inggo rawo-rawo sainggo kayo jo sumber kaanekaragaman hayati binatang aia tawa. Kawasan dataran tinggi sabagian masih marupokan utan tropis alami dan dilinduangi dek pamarintah.
Kehutanan: Hutan Tetap (139.315 ha), Hutan Produksi (1.325.024 ha), Hutan Lindung (139.315 ha), Hutan Konvensi (348.919 ha) Perkebunan: Perkebunan Negara (229.541 ha) Bahan Galian: batu baro, minyak, pasia kwarsa, biji basi, dll
Provinsi Kalimantan Selatan dipimpin dek saurang gubernur nan dipiliah dalam pamiliahan sacaro lansuang basamo jo wakilnyo untuak maso jabatan 5 tahun. Gubernur salain sabagai pamarintah daerah juo batugas sabagai pawakilan atau papanjangan tangan pamarintah pusek di wilayah provinsi nan kawenangannyo diatua dalam Undang-undang nomor 32 Tahun 2004 dan Peraturan pemerintah nomor 19 tahun 2010.
Samantaro ubuangan pamarintah provinsi jo pamarintah kabupaten jo kota bukan subordinat, tiok pamarintahan daerah tasabuik mangatua jo manguruih surang urusan pamarintahan manuruik asas otonomi dan tugas pambantuan. Sajak tanggal 14 Agustus 2011, aktivitas pamarintahan Kalimantan Selatan bapindah dari Kota Banjarmasin ka Kota Banjarbaru.
Barikuik adolah daftar urang nan panah manjabaik Gubernur Kalimantan Selatan. Antaro taun 1945 dan 1957 gubernur mangapaloi Provinsi Kalimantan. Salanjuiknyo taun 1957 provinsi Kalimantan diwarisi dek Provinsi Kalimantan Selatan nan tatap baribu kota di Banjarmasin sampai taun 2022.
DPRD Kalimantan Selatan baranggotakan 55 urang nan dipiliah malalui pamiliahan umum satiok limo taun sakali. Pimpinan DPRD Kalimantan Selatan tadiri dari 1 Ketua dan 3 Wakil Ketua nan barasa dari partai politik pamiliak jumlah kurisi dan suaro tabanyak. Anggota DPRD Kalimantan Selatan nan sadang manjabaik kini adolah hasia Pemilu 2019 nan balewakan pado 9 September 2019 dek Ketua Pengadilan Tinggi Banjarmasin, Yohanes Ether Binti, di Ruang Paripurna Gedung DPRD Provinsi Kalimantan Selatan. Komposisi anggota DPRD Kalimantan Selatan maso 2019-2024 tadiri dari 10 partai politik dimano Partai Golkar adolah partai politik pamiliak kurisi paliang banyak yaitu 12 kurisi.
No. | Kabupaten/kota | Ibu kota | Bupati/wali kota | Laweh wilayah (km2) | Jumlah panduduak (2020) | Kecamatan | Kelurahan/desa | Lambang | Peta lokasi |
---|---|---|---|---|---|---|---|---|---|
1 | Kabupaten Balangan | Paringin | Abdul Hadi | 1.878,30 | 130.355 | 8 | 3/154 | ||
2 | Kabupaten Banjar | Martapura | Saidi Mansyur | 4.668,00 | 565.635 | 20 | 13/277 | ||
3 | Kabupaten Barito Kuala | Marabahan | Mujiyat (Pj.) | 2.996,46 | 313.021 | 17 | 6/195 | ||
4 | Kabupaten Hulu Sungai Selatan | Kandangan | Achmad Fikry | 1.804,94 | 228.006 | 11 | 4/144 | ||
5 | Kabupaten Hulu Sungai Tengah | Barabai | Aulia Oktafiandi | 1.472,00 | 258.721 | 11 | 8/161 | ||
6 | Kabupaten Hulu Sungai Utara | Amuntai | Raden Suria Fadliansyah (Pj.) | 892,70 | 226.727 | 10 | 5/214 | ||
7 | Kabupaten Kotabaru | Kotabaru | Sayed Jafar Alaydrus | 9.482,73 | 325.622 | 21 | 4/198 | ||
8 | Kabupaten Tabalong | Tanjung | Anang Syakhfiani | 3.766,97 | 253.305 | 12 | 10/121 | ||
9 | Kabupaten Tanah Bumbu | Batulicin | Zairullah Azhar | 5.006,96 | 322.646 | 10 | 5/144 | ||
10 | Kabupaten Tanah Laut | Pelaihari | Sukamta | 3.631,35 | 348.966 | 11 | 5/130 | ||
11 | Kabupaten Tapin | Rantau | Arifin Arpan | 2.700,82 | 189.475 | 12 | 9/126 | ||
12 | Kota Banjarbaru | - | Aditya Mufti Ariffin | 371,00 | 253.442 | 5 | 20/- | ||
13 | Kota Banjarmasin | - | Ibnu Sina | 72,00 | 657.663 | 5 | 52/- |
Provinsi Kalimantan Selatan tadiri dari 11 kabupaten, 2 kota, 153 kecamatan, 144 kelurahan dan 1.864 desa. Pado taun 2017, jumlah panduduaknyo dipakirokan mancapai 3.930.251 jiwa jo total laweh wilayah 38.744,23 km².
No. | Kode Kemendagri | Kabupaten/Kota | Laweh Wilayah (km2) | Panduduak (jiwa) | 2017 | ||
---|---|---|---|---|---|---|---|
Kecamatan | Kelurahan | Desa | |||||
1 | 63.11 | Kab. Balangan | 1.878,30 | 125.288 | 8 | 3 | 154 |
2 | 63.03 | Kab. Banjar | 4.668,00 | 542.204 | 20 | 13 | 277 |
3 | 63.04 | Kab. Barito Kuala | 2.996,46 | 309.749 | 17 | 6 | 195 |
4 | 63.06 | Kab. Hulu Sungai Selatan | 1.804,94 | 221.200 | 11 | 4 | 144 |
5 | 63.07 | Kab. Hulu Sungai Tengah | 1.472,00 | 250.782 | 11 | 8 | 161 |
6 | 63.08 | Kab. Hulu Sungai Utara | 892,70 | 221.557 | 10 | 5 | 214 |
7 | 63.02 | Kab. Kotabaru | 9.482,73 | 318.853 | 21 | 4 | 198 |
8 | 63.09 | Kab. Tabalong | 3.766,97 | 238.000 | 12 | 10 | 121 |
9 | 63.10 | Kab. Tanah Bumbu | 5.006,96 | 310.309 | 10 | 5 | 144 |
10 | 63.01 | Kab. Tanah Laut | 3.631,35 | 344.730 | 11 | 5 | 130 |
11 | 63.05 | Kab. Tapin | 2.700,82 | 178.841 | 12 | 9 | 126 |
12 | 63.72 | Kota Banjarbaru | 371,00 | 221.735 | 5 | 20 | - |
13 | 63.71 | Kota Banjarmasin | 72,00 | 647.003 | 5 | 52 | - |
TOTAL | 38.744,23 | 3.930.251 | 153 | 144 | 1864 |
Ada baragam etnis di Kalimantan Selatan, antaro lain:
Manuruik data dari Sensus Panduduak Indonesia 2010, barikuik iko komposisi etnis atau suku banso di Provinsi Kalimantan Selatan selengkapnya :
No | Suku Banso | Jumlah 2010 | % |
---|---|---|---|
1 | Banjar | 2.686.627 | 74,34% |
2 | Jawa | 524.276 | 14,51% |
3 | Bugis | 101.727 | 2,81% |
4 | Dayak | 80.708 | 2,23% |
5 | Madura | 53.002 | 1,47% |
6 | Mandar | 39.841 | 1,10% |
7 | Sunda | 24.577 | 0,68% |
8 | Sasak, NTB | 14.012 | 0,39% |
9 | Tionghoa | 13.000 | 0,36% |
10 | Batak | 12.408 | 0,34% |
11 | Bali | 11.966 | 0,33% |
12 | NTT | 6.314 | 0,18% |
13 | Makassar | 6.099 | 0,17% |
14 | Arab | 4.448 | 0,12% |
15 | Palembang | 4.434 | 0,12% |
16 | Melayu | 3.681 | 0,10% |
17 | Lampung | 2.473 | 0,07% |
18 | Betawi | 1.971 | 0,05% |
19 | Maluku | 1.731 | 0,05% |
20 | Minangkabau | 1.718 | 0,05% |
21 | Minahasa | 1.660 | 0,05% |
22 | Papua | 1.085 | 0,03% |
Suku banso lainnyo | 16.219 | 0,45% | |
Total | 3.613.992 | 100,00% |
Bahaso nan dipakai saari-ari dek urang Banjar sabagai bahaso ibu dan sabagai basantara dek masyarakaik Kalimantan Selatan umumnyo adalah bahaso Banjar nan mampunyoi duo dialek gadang, yakni dialek Banjar Kuala jo dialek Banjar Hulu. Kawasan pangecek dialek Banjar Kuala malingkuangi Kota Banjarmasin, Kabupaten Banjar, Kota Banjarbaru, Kabupaten Barito Kuala, jo Kabupaten Tanah Laut. Samantaro kawasan pangecek dialek Banjar Hulu tadiri dari Kabupaten Tapin, Kabupaten Hulu Sungai Selatan, Kabupaten Hulu Sungai Tengah, Kabupaten Hulu Sungai Utara, Kabupaten Balangan dan Kabupaten Tabalong.
Masyarakaik Dayak di kawasan selatan Pagunuangan Meratus mangecek jo bahaso Dayak Meratus (Bahaso Bukit) nan juo tamasuak bahaso Melayik, sarupo bahaso Banjar. Samantaro urang Dayak rumpun Dusun-Maanyan-Lawangan nan mangecek jo bahaso-bahaso Barito Timur mauni kawasan utara Pagunuangan Meratus mangecek jo bahaso Dayak Maanyan Warukin, bahaso Dayak Dusun Halong, bahaso Dayak Samihin (Dusun Tumbang), bahaso Dayak Deah/Dusun Deyah, bahaso Dayak Lawangan dan bahaso Dayak Abal. Urang Dayak rumpun Biaju nan mangecek jo bahaso-bahaso Barito Barat mauni aliran Batang Barito mangecek jo bahaso Dayak Bakumpai jo bahaso Dayak Barangas. Tamasuak pulo bahaso Dayak Ngaju, bahaso nan barasa dari Kalimantan Tengah dipakai sabagai bahaso liturgi di lingkuangan sinode Gareja Kalimantan Evangelis nan bakantua pusek di Kota Banjarmasin.
Islam adolah agamo mayoritas nan dianuik sakitar 97% masyarakaik Kalimantan Selatan. Agamo Islam maagiah pangaruah kuek pado kabudayaan masyarakaik Banjar. Pakambangan Islam di tanah Banjar dimulai sairiang jo sijarah pambantukan entitas Banjar itu surang. Islam memang alah bakambang jauah sabalun batagaknyo Karajaan Banjar di Kuin Banjarmasin, meskipun dalam kondisi nan condoang lambek lantaran alun manjadi kakuatan sosial-politik. Karajaan Banjar manjadi tonggak sijarah partamo pakambangangan Islam di wilayah selatan pulau Kalimantan. Agamo lain nan dianuik masyarakaik Kalimantan Selatan, yaitu Kristen Protestan, Katolik, Hindu, Buddha, Khonghucu sarato Kaharingan nan dianuik masyarakaik di kawasan Pagunuangan Meratus.
Barikuik adolah data panduduak manuruik agamo nan dianuik taun 2021
Nomor | Agamo | Jumlah (2021) | % |
---|---|---|---|
1 | Islam | 3.981.492 | 97,02% |
2 | Kristen Protestan | 54.581 | 1,33% |
3 | Hindu (tamasuak Kaharingan) | 23.820 | 0,58% |
4 | Kristen Katolik | 22.255 | 0,54% |
5 | Buddha | 12.286 | 0,30% |
6 | Konghucu | 206 | 0,01% |
7 | Lainnyo | 9.079 | 0,22% |
Total | 4.103.719 | 100% |
No | Agamo | Tampek Ibadah | Jumlah |
---|---|---|---|
1 | Islam | Musajik | 2.609 |
Musala | 7.684 | ||
Jumlah | 10.239 | ||
2 | Kristen Protestan | Gareja Protestan | 158 |
Jumlah | 158 | ||
3 | Kristen Katolik | Gareja Katolik | 90 |
Jumlah | 90 | ||
4 | Hindu | Pura | 100 |
Jumlah | 100 | ||
5 | Buddha | Vihara | 26 |
Jumlah | 26 | ||
This article uses material from the Wikipedia Minangkabau article Kalimantan Selatan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.