I Afrôdita, ao amin' ny fivavahana grika taloha, no andriamanibavin' ny fitiavana amin' ny heviny malalaka.
Atao hoe Ἀφροδίτη / Aphrodítē izy amin' ny teny grika taloha. Ny fetiny lehibe indrindra, atao hoe ny Afrôdisia (Ἀφροδίσια / Aphrodísia), dia nankalazaina isan-taona tamin' ny tapaky ny fahavaratra. Tany Lakônia i Afrôdita dia nivavahana amin' ny maha andriamanibavy mpiady azy.
Ao amin' ny fedrà grika, i Afrôdita dia nanambady an' i Hefaistôsy (Ἥφαιστος / Hếphaistos), andriamanitry ny afo sy ny toeram-fanefena ary ny asa metaly. Angano maro koa no mitantara ny zava-niainany niaraka tamin' ny mpifankatia aminy maro, anisan' izany i Aresy (Ἄρης / Árēs), i Diônisôsy (Διώνυσος / Diṓnusos) ary i Hermesy (Ἑρμῆς / Hermễs). Miaraka amin' i Atena (Ἀθηνᾶ / Athēnâ) sy i Hera (Ἥρη / Hêrê), i Afrôdite dia iray amin' ny andriamanibavy telo izay niady ka niteraka ny fiandohan' ny Ady tao Trôia izay nitanany anjara toerana lehibe. Tatỳ aoriana dia nampitovin' ny Rômana amin' i Afrôdita i Venosy (Venus) ao amin' ny fedrà rômana.
I Afrôdita dia aseho amin' ny zavakanto tandrefana ho mariky ny hatsaran-tarehin' ny vehivavy ary miseho amin' ny asa kanto maro izy nanomboka tamin' ny Renaissance ka hatramin' izao.
This article uses material from the Wikipedia Malagasy article Afrôdita, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.