Hiems: Unum e quattuor temporibus anni
Hiems (-mis, f.) est unum e quattuor temporibus anni, spatium temporis inter autumnum et ver, i.
e. illorum trium mensium inter solstitium et aequinoctium.
De hieme naturali
Hiems tempus frigidissimum anni est, quamobrem hieme saepe ningit. Dies solstitii hiemalis a brevitate bruma (< brevima 'brevissima') vocatur.
Nonnulla animalia, velut ursi et talpae, hieme dormire solent.
De hieme apud poetas
Interdum tempestates vehementiores apud poetas hiemes appellantur. Confer enim Claudianum, qui in praefatione libri de raptu Proserpinae primi de Iasone, Aesonis filio, duce Argonautarum, "iam vagus" scripsit "irrumpit pelagus caelumque secutus / Aegaeas hiemes Ioniumque domat."
Saepius autem hiems a poetis metaphorice ad senectutem vel ad finem vitae refertur. Horatius enim in libri primi carmine vicesimo quinto Lydiam meretricem querentem fecit "laeta quod pubes hedera virenti / gaudeat pulla magis atque myrto, / aridas frondes hiemis sodali / dedicet Euro."
Astronomia
In astronomia incipit hiems die solstitii hiemis:
- in Hemisphaerio Septentrionali die 21 aut 22 Decembris
- in Hemisphaerio Australi die 21 Iunii
Sententia
|
Bibliographia
- Rosenthal, Norman E. 1998. Winter Blues. Novi Eboraci: The Guilford Press. ISBN 1-57230-395-6.
 | Vicimedia Communia plura habent quae ad hiemem spectant. |
This article uses material from the Wikipedia Latina article Hiems, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.