شتوة

شّتوة كاتجي قبل من رّبيع، ؤ قبل منها كيجي لخريف. شّتوة كاتبدا ف 22 دجنبر ف نّص شّمالي د لأرض (21 يونيو ف نّص لجانوبي د لأرض)، ؤ هوّا أبرد فترة ف لعام ف جميع لمناطق د لأرض منغير لمناطق سّتيوائية. كاتكون فيه أقصر مدة ديال نّهار، ؤ أطول مدة ديال لّيل، ؤ كيبقا نّهار كيطوال ؤ لّيل كيقصار كل يوم حتا كيوصل فصل رّبيع ف 20 ؤلا 21 مارس ف نّص شّمالي د لأرض (22 ؤلا 23 شتنبر ف نّص لجانوبي د لأرض). فاش كاتكون شّتوة ف نّص شّمالي ؤلا لجانوبي د لأرض، كيكون صّيف ف نّص لاخور.

ف تّقافة لفارسية، كيحتافلو ب أقصر نهار ف لعام لي كيجي ف 20، 21 ؤلا 22 دجنبر، ف حتيفال قديم سميتو يالضا، ؤ لي ف لأصل كان حتيفال ب لميلاد ديال ميثرا، رّب ديال شّعا ؤ شّمش ف دّيانة زّاراديشتية، حيت من داك ليوم كيبدا نّهار يطوال، ؤ كيمتّل لغلب ديال ضّو علا ضّلام.