محمد بن عبد لكريم لخطابي (تولد ف 12 يناير 1882 ف أجدير، مات ف 6 فبراير 1963 ف لقاهرة ف مصر)، و لي معروف بسميت مولاي موحند، ولا عبد الكريم، كان قائد سياسي وعسكري د لمقاومة ف لمنطقة د الريف ضد لإستعمار صبليوني و لفرانساوي ل لمغريب.
محمد بن عبد الكريم الخطابي | ||
معلومات عامة | ||
زيادة | 12 يناير 1882 أجدير (لمغريب) | |
لموت | 6 فبراير 1963 (81 عام) لقاهرة | |
طريقة دلموت | موتة طبيعية | |
لجنسية | لمغريب | |
لحرفة | قاضي شرعي، سياسي، صحافي، مقاوم، كاتب، رئيس و موطرجيم | |
لّوغات لي كيعرف | عربية، طاليانية، لفرانساوية، صبليونية، نڭليزية، تاريفيت و لوغات أمازيغية | |
لكاريير ديال الشخص | ||
شارك ف | ||
لفاميلة | ||
لواليد | عبدلكريم لخطابي | |
خوت | Mhamed Abd el-Krim | |
معلومات خرى | ||
دين | إسلام | |
لعسكر | ||
لڭراد | قائد عام | |
لحروب | معركة أنوال و حرب الريف (1920 - 1927) |
تولد ف وسط عائيلة ديال لأعيان، باه عبدلكريم لخطابي كان خدام قاضي.
لخطابي معروف بلي كان تيخدًم تقنية د حرب لعصابات، لي خلاتو يربح بزاف د لمعارك، منها لمعركة د أنوال، لي ماتو فيها كتر من 10.000 عسكري صبليوني. من 1921 ل 1926، أسس الخطابي جمهورية د ريف، و كان هو رئيس ديالها. ف 1926، تحبسات هاد لجمهورية من بعد ماتحالف سلطان مولاي يوسف مع فرانسا وصبانيا وخدًمو لأسلحة لكيماوية باش يقضيو على لمقاومة فريف.
من مورا ما ستسلم لخطابي، نفاتو فرانسا لجزيرة لاريينيون، اللي ݣلس فيها 22 عام، حتى مشا ل مصر و خدا فيها اللجوء ف 1948، وبقا ساكن ف لقاهرة حتا مات وتدفن فيها ف 1963.
لخطط ديال لخطابي ف حرب لعصابات أترات على بزاف د لقادة لي غايجيو من موراه وتعلمو منو بحال تشي ݣيڤارا و هو شي مين و ماو تسي طونڭ. لخطابي كان هو أول مغربي بان ف الصفحة اللولا ديال مجلة "تايم" لميريكانية، ف غشت 1925.
تقدر تزيد شوف بزاف د تّصاور و لمعلومات ديال Abd el-Krim ف ويكيميديا كومنز. |
This article uses material from the Wikipedia داريجة article محمد بن عبد الكريم الخطابي, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.