Эмбриология
Эмбриология — түйүлдүктүн өөрчүшү жөнүндөгү илим.
Демек Эмбриология аталык жана энелик жыныс клеткалары уруктангандан баштап, органдар калыптанып бүткөнгө чейин изилдейт. Аталык жана энелик жыныс клеткалары жатын түтүгүндө кошулуп уруктанган жумуртка клетка жатын түтүгү аркылуу бир жумача жылып, жатынга жетет. Ал жатын капталына жабышып, өөрчүй баштайт. Эмбриологиянын жетишкендиктери түрдүү тубаса кемтиктердин пайда болушун түшүнүүгө мүмкүндүк берди. Түйүлдүк түрдүү таасирлерге өтө сезгич келип, органдар, дене бөлүктөр калыптанууда ар кандай бузулууларга учурашы ыктымал. Түйүлдүктө кемтиктердин калыптануусу зыяндуу агенттердин кайсы убакта таасир этишине, анын мөөнөтүнө жараша болот.
Өөрчүү кемтигин алдын алуу үчүн кош бойлуу аялдарды түрдүү жагымсыз таасирлерден коргоо зарыл.
Колдонулган адабият
- Кыргыз Совет Энциклопедиясынын Башкы редакциясы. «Ден соолук» Медициналык энциклопедия. - Ф.:1991, ISBN 5-89750-008-8
This article uses material from the Wikipedia Кыргызча article Эмбриология, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башкача белгиленбесе, мазмун CC BY-SA 4.0 лицензиясына ылайык жеткиликтүү. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Кыргызча (DUHOCTRUNGQUOC.VN) is an independent company and has no affiliation with Wiki Foundation.