Google

Ei beiriant chwilio yw'r mwyaf o ran maint a phoblogrwydd ar y we, a cheir fersiynau ar gyfer y rhan fwyaf o wledydd y byd, mewn dros gant o ieithoedd. Mae'n defnyddio amryw o ffactorau er mwyn asesu pwysigrwydd gwefan.

Google

Math	busnes
Math o fusnes	cwmni cyfyngedig (UDA)
Diwydiant	y diwydiant meddalwedd, Technoleg gwybodaeth, Rhyngrwyd, Porwr gwe
Sefydlwyd	4 Medi 1998
Sefydlydd	Sergey Brin, Larry Page
Pencadlys
Pobl allweddol	Larry Page (Prif Weithredwr)
Cynnyrch	Google Pay
Perchnogion	Larry Page (0.00274), Sergey Brin (0.00269), Eric Schmidt (0.00055)
Nifer a gyflogir	139,995 (31 Mawrth 2021)
Is gwmni/au	Boston Dynamics
Lle ffurfio	Menlo Park, California
Gwefan	https://about.google/, https://www.google.com/, https://blog.google/

Mae'r enw "Google" yn chwarae ar y gair "googol", sef 10¹⁰⁰ (1 wedi'i ddilyn gan gant o seroau). Mae Google wedi dod yn enwog am ei ddiwylliant corfforaethol a'i gynnyrch newydd a datblygedig, ac wedi cael effaith enfawr ar ddiwylliant ar-lein. Mae'r ferf Saesneg "google" wedi dod i olygu "i chwilio'r we am wybodaeth", ac mae "googlo" neu "gwglo" wedi ymddangos ar rai gwefannau Cymraeg fel cyfieithiad e.e. "Wyt ti wedi gwglo'r gair 'roced'?".

Lawsnsiwyd Google yn Awst 1996 fel 'BackRub' gan Larry Page a Sergey Brin tra oeddent yn fyfyrwyr yn Stanford, UDA. Dechreuodd BackRub ar weinydd (server) preifat Page i ddechrau.

Yn 1998 symudodd y cwmni i garej Susan Wojkicki a chael ei hail-enwi'n Google fel cwmni corfforedig. Dechreuodd y cwmni gyda buddsoddiad o $100,000 gan gyd-sylfaenydd Sun Microsystems, Andy Bechtolsheim.

Un o fentrau diweddaraf Google yw buddsoddiad sylweddol, gyda In-Q-Tel (arf buddsoddi'r CIA) ac Amazon, yn y cwmni newydd Recorded Future, prosiect hel gwybodaeth arlein yn fyw trwy chwilio'n drwyadl degau o filoedd o wefannau, blogiau a chyfrifon Twitter gan gysylltu'r wybodaeth ar unwaith i greu darlun o bwy sy'n gwneud be a phwy sy'n cysylltu gyda phwy ar y rhyngrwyd.

• Gmail
• Google Watch
• Scroogle
• Effaith Google