Գուգլ (անգլ.՝ Google), ամերիկյան տեխնոլոգիական ընկերություն, որը մասնագիտացված է համացանցին առնչվող ծառայությունների և արտադրանքների բնագավառում, որոնց թվում են համացանցային գովազդի տեխնոլոգիաներ, որոնողական համակարգ, ամպային ծառայություններ, համակարգչային ծրագրերև սարքեր։ Շահույթի մեծ մասը ստանում է AdWords ծառայությունից (համացանցային գովազի ծառայություն, որը ցուցադրում է գովազդը որոնման արդյունքի ցանկին մոտ)։
Գուգլը հիմնադրվել է 1996 թվականին Սերգեյ Բրինի և Լարի Փեյջի կողմից Կալիֆորնիայի Սթենֆորդի համալսարանում սովորելու տարիներին։ Միասին տնօրինում են բաժնետոմսերի մոտավորապես 14 տոկոսը և արտոնյալ բաժնետոմսերի միջոցով կառավարում են 56 տոկոս բաժնետոմսերի քվեարկությունը։ Գուգլը որպես մասնավոր ընկերություն գրանցել են 1998 թվականի սեպտեմբերի 4-ին։ 2004 թվականի օգոստոսի 19-ին տեղ է ունեցել ունեցած Բաժնետոմսերի առաջնային տեղաբաշխում (IPO), և գուգլի գլխամասը (Googleplex կեղծանվամբ) տեղափոխվել է Կալիֆորնիայի Մաունթին Վյու քաղաք։
Ընկերության սրընթաց աճը սկսվեց հիմնական որոնողական համակարիգից բացի (Google Search) այլ արտադրանքների շարք արտադրումից սկսած։ Այն առաջարկում է ծառայություններ նախատեսված՝ աշխատանքի և արտադրողականության (Google Docs, Sheets and Slides), էլեկտրոնային փոստի (Gmail), ժամանակացույցի և ժամանակի կառավարման (Google Calendar), ամպային ծառայության (Google Drive), սոցիալական կայքի (Google+), ակնթարթային տեսազանգերի և հաղորդագրությունների (Google Allo/Duo/Hangouts), թարգմանության (Google Translate), քարտեզային և քայլ առ քայլ նավիգացիայի (Google Maps), վիդեոտարածման (YouTube), նշումներ կատարելու (Google Keep), նկարներ կազմակերպման և խմբագրման (Google Photos/Snapseed) և ինտերնետ դիտարկչի (Google Chrome) համար։ 2010-2015 թվականներին Գուգլը համագործակցել է էլեկտրոնիկա արտադրող խոշոր ձեռնակությունների հետ՝ Nexus սարքերը արտադրելու ընթացքում։ 2016 թվականի հոկտեմբերին սկսել է արտադրել բազմաթիվ համակարգչային սարքեր (Google Pixel, Home, Wifi և Daydream View),։ 2012 թվականին օպտիկամանրաթելային ենթակառուցվածքներ են տեղադրվել Կանզաս քաղաքում՝ Google Fiber լայնաշերտ ծառայության հեշտացման համար։ 2016 թվականին ընկերությունը նախաձեռնեց Google Station նախաձեռնությունը՝ «բարձորակ, ապահով և հեշտ հասանելի Wi-Fi տրամադրելու համար, ինչը արդեն հաջողությամբ սկսվել և հաջողակ էր դարձել Հնդկաստանում։
Գնահատվում է, որ Գուգլը ամբողջ աշխարհում օգտագործում է ավելի քան մեկ միլիոն տվյալների կենտրոններ (2007 թվականի տվյալներով)։ Այն օրական մշակում է ավելի քան մեկ միլիարդ որոնման հարցում և օգտատերերի կողմից գեներացված մոտավորապես 24 պետաբայտ տվյալ (2009 թվականի տվյալներով)։ 2013 թվականին դեկտեմբերին Alexa կայքի տվյալներով google.com կայքը աշխարհի ամենահաճախվող կայքն է։ Տարբեր լեզուներով Գուգլի այլ կայքեր նույնպես տեղ են գտել առաջին հարյուր կայքերի ցանկում, ինչպես նաև Գուգլին պատխանող YouTube–ը և Blogger–ը։
Չորս տարի շարունակ անընդմեջ համարվել է աշխարհի երկրորդ ամենաարժեքավոր ապրանքանիշը, 2016 թվականին արժեքը կազմել է $133 միլիարդ։ Սկզբնապես Գուգլի նպատակն էր «կառավարել աշխարհի տեղեկատվությունը և դարձնել այն ավելի հասանելի և օգտակար» իսկ ոչ պաշտոնական կարգախոսը՝ «Don't be evil»։
This article uses material from the Wikipedia Հայերեն article Գուգլ (ընկերություն), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.