דער שווארצער ים איז אינלענדישער ים צווישן דרום-מזרח אייראפע און אנאטאליע וואס איז באהאפטן צום אטלאנטישן אקעאן דורכ'ן מיטלענדישן ים און דעם אַגאַישן ים און פארשידענע דורכגאסן.
דער באספארוס דורכגאס פארבינדט דעם שווארצן ים מיטן ים פון מארמארא, דערנאך פירט דער לאנגער דארדאנעלן דורכגאס צום אגאישן ים. די וואסערן זענען דער צווישנשייד צווישן מזרח אייראפע און מערב אזיע. דער שווארצער ים האט אויך א פארבינדונג מיטן ים פון אזאוו דורכן קערטשער דורכגאס.
דער שטח פונעם ים איז 436,400 קוואדראט ק"מ און זיין טיף איז ביז 2200 מעטער. 200 קוביק ק"מ זאלץ וואסער פליסן אריין אין ים פונעם באספארוס, און 320 קוביק ק"מ פרישוואסער פון די ארומיגע ראיאנען, בעיקר צענטראל און מיטל-מזרח אייראפע. דער חשב'סטער טייך וואס פליסט אין ים אריין איז דער דוניי. אנדערע הויפט טייכן וואס פליסן אריין אין שווארצן ים זענען די דניעפער, דרום בוג, נעסטער, דאן און ריאני.
די לענדער אויפן ברעג פון שווארצן ים זענען טערקיי, רומעניע, בולגאריע, אוקראינע, רוסלאנד, און גרוזיע. דער קרים האלבאינזל איז אן אויטאנאמישע רעפובליק אין אוקראינע, אבער ער האט פלאט-איינארדנונגען אונטער רוסישן קאנטראל אין סעוואסטאפאל.
חשובע שטעט אויפן בארטן זענען: קאנסטאנצא (באפעלקערונג 401,613), מאנגאליע (41,153), בורגאס (229,250), ווארנע (357,752) , אדעס (1,001,000), סעוואסטאפאל (379,200), יאלטא (80,552), קערטש (158,165), נאוואראסיאיסק (281,400), סאטשי (328,809), סוכומי (43,700), פאטי (47,149), באטומי (121,806), טראבזון (275,137), סאמסון (439,000) און זאנגולדאק (104,276)..
מוסטער:Coor title d
This article uses material from the Wikipedia ייִדיש article שווארצער ים, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). דער אינהאַלט איז פֿאַראַן אונטער CC BY-SA 4.0 ווען נישט באוויזן אנדערש. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ייִדיש (DUHOCTRUNGQUOC.VN) is an independent company and has no affiliation with Wiki Foundation.