Þingvellir: Þjóðgarður

Þjóðgarður var stofnaður árið 1928 og nær hann yfir Þingvelli og nánasta umhverfi þeirra. Í Öxará er Öxarárfoss, þar sem áin steypist ofan í Almannagjá. Rennur áin síðan eftir gjánni og svo út úr henni og niður á vellina. Almannagjá er sprunga við vestanverða sigdældina á milli úthafsflekanna tveggja sem Ísland liggur á.

Þingvellir eru einn af mikilvægustu stöðunum í íslenskri sögu. Alþingi var stofnað á Þingvöllum árið 930 og kom þar saman árlega allt fram til ársins 1798. Það var árið 999 eða 1000 sem lögsögumaðurinn Þorgeir Ljósvetningagoði lagðist undir feld og lýsti Íslendinga í kjölfarið kristna.

Það var einnig á Þingvöllum sem Íslendingar lýstu yfir sjálfstæði þann 17. júní 1944. Þangað hafa margir íslenskir listamenn sótt innblástur sinn, til dæmis Jóhannes Kjarval.

Skammt frá Þingvallakirkju er svokallaður þjóðargrafreitur, þar sem Jónas Hallgrímsson og Einar Benediktsson eru grafnir.

Wiki Commons er með margmiðlunarefni sem tengist Þingvellir.

• Þingvallanefnd
• Fornleifarannsóknir á Þingvöllum
• Silfra

• Thingvellir.is
• Lög um friðun Þingvalla; af Alþingi.is
• Dagstund á Þingvöllum; grein í Þjóðviljanum 1974
• Þjóðkirkjan og þjóðgarðurinn; grein í Morgunblaðinu 2001

 

Wiki Commons er með margmiðlunarefni sem tengist Þingvöllum.