Spurnarfornafn: Undirflokkur fornafna
Spurnarfornöfn (skammstafað sem sfn.) eru í íslensku fornöfnin hver, hvor, hvaða og hvílíkur.
Hvað var upphaflega sérstakt fornafn en hefur runnið saman við hver og er nú aðeins notað sérstætt.
Hver er notað um einn af fleiri en tveimur (t.d. hver stelpnanna fór út?) og beygist þannig:
| Karlkyn | Kvenkyn | Hvorugkyn | ||||
|---|---|---|---|---|---|---|
| Eintala | Fleirtala | Eintala | Fleirtala | Eintala | Fleirtala | |
| nefnifall | hver | hverjir | hver | hverjar | hvert eða hvað | hver |
| þolfall | hvern | hverja | hverja | hverjar | hvert eða hvað | hver |
| þágufall | hverjum | hverjum | hverri | hverjum | hverju | hverjum |
| eignarfall | hvers | hverra | hverrar | hverra | hvers | hverra |
Hvor beygist eins og eignarfornafnið vor en hvaða hefur sömu mynd í öllum kynjum og föllum og báðum tölum. Það notað um annan af tveimur; t.d. hvor strákanna skrópaði? Hvílíkur beygist eins og sterkt lýsingarorð (ríkur). Það er oftast notað í upphrópunum; t.d. hvílík vitleysa!
Hver og hvor geta einnig verið óákveðin fornöfn en þá má setja sérhver í stað hver og hvor um sig fyrir hvor; t.d. hver (sérhver) er sjálfum sér næstur, hann gaf hvorum drengjanna (hvorum um sig) snoppung.
Sjá einnig
- Þótt hvor sé spurnarfornafn þá teljast hvor tveggja, annar hvor og hvor og nokkur til óákveðinna fornafna.
Heimildir
- Þórunn Blöndal (1985). Almenn málfræði. Mál og menning.
Tilvísanir
This article uses material from the Wikipedia Íslenska article Spurnarfornafn, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Efnið er aðgengilegt undir CC BY-SA 4.0 nema annað komi fram. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Íslenska (DUHOCTRUNGQUOC.VN) is an independent company and has no affiliation with Wiki Foundation.