Ábendingarfornöfn (skammstafað sem áfn.) eru fornöfn (áður fyrr nefnt vísifornafn) sem „benda á“ aðra hluti eða fyrirbæri en þaðan er kemur nafnið.
Í íslensku eru aðeins þrjú orð sem flokkast sem ábendingarfornöfn en það eru fornöfnin sá, þessi og hinn.
Hitt beygist eins og greinirinn nema í nefnifalli og þolfalli í hvorugkyni þar sem ábendingarfornafnið er hitt en greinirinn hið.
Sá og þessi beygjast þannig:
kk. | kvk. | hk. | |
---|---|---|---|
nf. et. | sá | sú | það |
þf. et. | þann | þá | það |
þgf. et. | þeim | þeirri | því |
ef. et. | þess | þeirrar | þess |
nf. ft. | þeir | þær | þau |
þf. ft. | þá | þær | þau |
þgf. ft. | þeim | þeim | þeim |
ef. ft. | þeirra | þeirra | þeirra |
Hinn | kk. | kvk. | hk. |
---|---|---|---|
nf. et. | þessi | þessi | þetta |
þf. et. | þennan | þessa | þetta |
þgf. et. | þessum | þessari | þessu |
ef. et. | þessa | þessarar | þessa |
nf. ft. | þessir | þessar | þessi |
þf. ft. | þessa | þessar | þessi |
þgf. ft. | þessum | þessum | þessum |
ef. ft. | þessara | þessara | þessara |
Eins og greinir tengja hliðstæð ábendingarfornöfn nafnorðið sem þau standa með við þekktar persónur, hluti eða hugmyndir; þessi maður er ágætis náungi, hinn maðurinn er óþokki.
Sérstæð ábendingarfornöfn jafngilda fornafni og nafnorði; sá er góður.
Óákveðin ábendingarfornöfn eru orðin slíkur, sjálfur, samur (sami), þvílíkur og beygjast þau sem sterk lýsingarorð.
This article uses material from the Wikipedia Íslenska article Ábendingarfornafn, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Efnið er aðgengilegt undir CC BY-SA 4.0 nema annað komi fram. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Íslenska (DUHOCTRUNGQUOC.VN) is an independent company and has no affiliation with Wiki Foundation.