Þingvellir

 

Hier is al üm 930, also to’n Enn’ vun de Landnahme dör de Wikingers ut Norwegen, de traditschonell gesettgeevend Versammeln Alþing afhollen wurrn. Se harr domols gesettgeevend as ok Gerichtsfunkschoon. Dat is somit een vun de oldeste Parlamente up de Eer (nah Grekenland in de Antike). 1798 hebbt de Däänen dat Parlament uplööst.

An disse histoorsch Oort is an 17. Juni 1944 de Republik Iesland utropen wurrn un man hett dor ok 1994 de Fieftig-Johr-Fier makt.

Þingvellir liggt in de Süüdwesten vun Iesland un is siet 1928 en Natschonalpark.

Dat liggt inmidden vun en Riftzoon (Gravenbrookzoon) un drum herüm liggt veer aktiv Vulkansysteme, dorünner de Hengill, an dat Süüdufer vun de See Þingvallavatn. De Stroom Öxará floot dör de Natschonalpaark un formt an de Slucht Almannagjá en ankiekensweerten Waterfall, de Öxarárfoss. Dor hier un in de Nahberskopp sück ok noch de tektonischen Platten bewegen, gifft dat dor Eerdbeeven, imposant Felsspalten un Reeten. Besünners to nömmen is dorbi de Almannagjá (Allmänner-Slucht). Vulkanismus gifft dat dor ok. Dat kann ok woll mal wesen, dat dat Water in de Bäke anfangen deiht to dampen.

 

• De Oort hörrt tosommen mit de Waterfall Gullfoss un den Geysiren vun de Haukadalur to de bekanntst Attrakschoonen vun Iesland, de so nömmt Gülden Kreis.
• 2004 is de Natschonalpark dör de UNESCO in de List vun dat Weltkulturarv upnommen wurrn.

Informationen

• Offiziell Websteed (ieslandsch, engelsch)
• Plattentektonik un Vulkanismus in Þingvellir
• De old Parlamentsstää im Þingvellir
• Schätze-der-welt

Fotos un Biller

• Foto
• Þingvellir Foto