De Noordlandflagg is en inoffitschelle Flagg för Plattdüütsch Land un Spraak.
De Flagg is maakt as en Skandinaavsche Krüüz. De Klören vun de Flagg schöllt en typisch Plattdüütsch Landschop in't Vörjohr simboleren: Mit (vun buten na binnen) gröön för de Wischen un Feller, geel för Raps un Blamen, blau för de See un de wiete Heven.
De Flagg kümmt ut de alternative Heimatbewegung vun de laten 1980e Johren. De Flagg hett hör Wutteln bi de olle Flagg vun't Land Ollnborg, de ook en Krüüzflagg was. De Flagg is autonoom, dat bedüüt, dor is keen änkel Parti achter un de stait neet för en bestemmt politisch Direktschoon. Een vun de dore Strieder för de Noordlandflagg as överregional Plattdüütsch Symbool is de Schriever Snorre Björkson, de meest alltiet bi sien Theaterwark un sien Lesen en Noordlandflagg hissen lett.
Wat tegen de Noordlandflagg snackt is, dat ene annere Minnerheet de Vepsen, en finnougrisch Volk in Russland, al siet 1992 de sülve Flaage bruukt.. De Noordlandflagg het twors ehren Orsprung in de laten 1980e Johren un is so villicht en lütt beten öller as de vepsische Flagg, man de Unnerschhed is de vepsische Flagg warrt, anners as de Noordlandflagg, auk offitschell bruukt.
This article uses material from the Wikipedia Plattdüütsch article Noordlandflagg, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.