ଆଲୋଚନା ସଭା

ଇନ୍‌ଫୋବକ୍ସରେ ଯେମିତି ଅଛି, ତାହା ଠିକ୍ ଲାଗୁଛି । କିନ୍ତୁ ନାଁ ଆଗରୁ ଲେଖିବା ମୋତେ ଠିକ୍ ଲାଗୁନାହିଁ । ହଁ କିଛି ଜଣଙ୍କ କ୍ଷେତ୍ରରେ ଏହା ଅଲଗା ହୋଇଥାଏ, ତାକୁ ସିଧାସଳଖ ବୋଲ୍ଡରେ ଲେଖିଲେ ବି ଚଳିବ । ଯେମିତି ଇଂରାଜୀ ଉଇକିପିଡ଼ିଆରେ Isaac Newtonଙ୍କ ପ୍ରସଙ୍ଗ ଏହିଭଳି ଲେଖାଯାଇଛି । ଯଦିଓ ସାନ କରିକି ଲେଖିଲେ, ସଭିଙ୍କ କ୍ଷେତ୍ରରେ ବ୍ୟବହାର ହୋଇପାରିବ, କିନ୍ତୁ ସବୁ ପ୍ରସଙ୍ଗରେ କ'ଣ ଲେଖାଯାଇପାରିବ କି?

ଯଦି ନିର୍ମଳ ଚନ୍ଦ୍ର ରାଉତଙ୍କର ପ୍ରସଙ୍ଗ ବିଷୟରେ ଆଲୋଚନା କରିବା, ସେ ତାଙ୍କ ନାମକୁ ନାଟ୍ୟଶ୍ରୀ ନିର୍ମଳ ରାଉତ ବୋଲି ସବୁଠି ଲେଖନ୍ତି, ଯେଉଁଠି ଏହି ଉପାଧିଟି ତାଙ୍କୁ ଜାନକୀ ପଟ୍ଟନାୟକ ଦେଇଥିଲେ ବୋଲି ସେ କୁହନ୍ତି, ହେଲେ ଅନ୍‌ଲାଇନ୍‌ରେ ସେମିତି କିଛି ତଥ୍ୟ ନାହିଁ । ତା' ଛଡ଼ା ତାଙ୍କୁ ଯେଉଁ ମଞ୍ଚରେ ନିମନ୍ତ୍ରଣ ହୁଏ, ସବୁଠି ଏହି ଉପାଧି ସହିତ ନାମ ଲେଖାଯାଏ । ହେଲେ ଏହି ପ୍ରସଙ୍ଗରେ ଉପାଧି ରହିବା ଯୁକ୍ତିଯୁକ୍ତ ଲାଗୁନାହିଁ ।

ଭଲ କଥାଟେ ଉଠେଇଲ । ପ୍ରଥମ ଉଦାହରଣରେ ଆଇଜାକ ନିଉଟନଙ୍କ ସାର ଉପାଧି ଏକ ଅତି ବ୍ୟାପକ ଭାବେ ଜଣା ଉପାଧି । ତେଣୁ ଓଡ଼ିଶା/ଭାରତର ବ୍ୟକ୍ତିତ୍ୱଙ୍କ ପାଇଁ ପ୍ରଯୁଯ୍ୟ ସମାନ ଧରଣର ଉପାଧି ପାଇଁ କେବଳ ଉପାଧି ରହିବ । ମୋର ଯେତେ ଦୂର ମନେପଡ଼ୁଛି ଏ ବାବଦରେ ପ୍ରତୀକ ଯୁକ୍ତିକରିଥିଲା । ମୁଁ ଆରମ୍ଭରୁ ଉପାଧି ସପକ୍ଷରେ ନଥିଲି କିନ୍ତୁ ଅନେକ ବ୍ୟକ୍ତିତ୍ୱଙ୍କ ଉପାଧି ଏତେ ଅଧିକ ଜଣାଶୁଣା (ଯେମିତି କୁଳବୃଦ୍ଧ, ଉତ୍କଳଭାରତୀ, ଉତ୍କଳମଣି, ଉତ୍କଳଘଣ୍ଟି ଆଦି) ଯେ ନ ଲେଖିଲେ ଅପୂରା ଅପୂରା ଲାଗିପାରେ ଅନେକ ପାଠକଙ୍କୁ । ତେବେ ସବୁ ଉପାଧି ରହିବ ନାହିଁ । ତମେ ନିର୍ମଳ ଚନ୍ଦ୍ର ରାଉତଙ୍କ ଉଦାହରଣ ଯେଉଁ ଦେଲ ସେ ଭଳି କ୍ଷେତ୍ରରେ ରହିବ ନାହିଁ । ଉପାଧିଟି ଅତି ଜଣାଶୁଣା ହୋଇଥିଲେ ଅନେକ ସ୍ଥାନରେ ଲିପିବଦ୍ଧ ମଧ୍ୟ ହୋଇଥିବ । ସେସବୁ ଆମେ ଦେଇପାରିବା । ଉପାଧିକି ବୋଲ୍ଡ କରି ଲେଖିବା ବାବଦରେ ମୁଁ ଅବଗତ । କେବଳ ନାଁଠୁ ଭିନ୍ନ କରି ଲେଖିବା ଉଦ୍ଦେଶ୍ୟରେ ପ୍ରସ୍ତାବଟି । ବାକିମାନେ କଣ ଭାବୁଛନ୍ତି ଅପେକ୍ଷାରେ ରହିଲି ।

ଅବଶ୍ୟ ମୋତେ ବି ବେଳେବେଳେ ସେଇଆ ଲାଗେ, ଖାଲି ଗୋପବନ୍ଧୁ ଦାସ ଲେଖିଲେ ଭଲ ଶୁଭୁନି, କାରଣ ଅଭ୍ୟାସ ନାହିଁ । କିନ୍ତୁ ଆଜି ଏମିତି ଗୋଟେ ପ୍ରସଙ୍ଗ ଜଣାନାହିଁ କେମିତି ମୋତେ ସର୍ଟସ୍ ଦେଖେଇଲା, ଯେଉଁଥିରେ ଉଇକିପିଡ଼ିଆରେ କାହିକିଁ ଛତ୍ରପତି ଶିବାଜୀ ମହାରାଜ ବୋଲି ଲେଖା ହୋଇନି ବୋଲି ଜଣେ କହୁଥିଲେ, ସତରେ ଖାଲି ଶିବାଜୀ ବୋଲି ରହିଛି । ହେଲେ ଆମେ କେତେକଙ୍କ କ୍ଷେତ୍ରରେ ରହିଲେ ଭଲ ହେବ । ହେଲେ କାହାର ରହିବ, ତା'ର ମାନଦଣ୍ଡ ବି ଆମକୁ ଆଗ ନିର୍ଦ୍ଧାରଣ କରିବାକୁ ହେବ ।