Ուդայպուր

Բնակավայր
Ուդայպուր
անգլ.՝ Udaipur
Երկիր	Կաղապար:Դրոշավորում/Հնդկաստան, Բրիտանական Հնդկաստան
Մակերես	37 կմ²
ԲԾՄ	600±1 մետր
Բնակչություն	451 100 մարդ
Ժամային գոտի	UTC+5:30
Հեռախոսային կոդ	0294
Փոստային դասիչ	313001
Ավտոմոբիլային կոդ	RJ-27
Պաշտոնական կայք	udaipurmc.org​(անգլ.)
Ուդայպուր Վիքիպահեստում

Ուդայպուրը ներկայումս մրցում է Ջայպուրի և Ջոթպուրի հետ, Արևմտյան Հնդկաստանի հիմնական զբոսաշրջային գլխավոր կենտրոն համարվելու համար։ Քաղաքը լիքն է լճերի ափերին տեղակայված գեղատեսիլ պալատներով, որոնցով Ուդայպուրը վաղուց էր հայտնի։

Ուդայպուրի ամենահայտնի հուշարձաններից են ռաջաների պալատի համալիրը (XVI-XVIII դարեր), Սպիտակ մարմարով կառուցված լճային պալատը և Ջագ Մանդիր պալատը, որտեղ Շահ Ջահանը թաքնվել է իր հոր՝ Ջահանգիրի բարկությունից։

Ուդայպուր քաղաքն ունի տաք և չափավոր ցամաքային կլիմա։ Լինելով Ռաջաստանի անապատային տարածքներում՝ Ուդայպուրի կլիման և եղանակը սովորաբար տաք են։ Ամառային սեզոնը տևում է մարտի կեսերից մինչև հունիս և ջերմաստիճանը բարձրանում է 23 °C (73 °F) մինչև 44 °C (111 °F): Մուսոնային անձրևները սկսվում են հուլիս ամսին, որոնք ուղեկցվում են ամպրոպներով։ Իր կանաչ տարածքներով և լճերով քաղաքը երկրի տեսարժան վայրերից մեկն է։ Ձմեռը տևում է հոկտեմբերից մինչև մարտ ամիսը։ Խոնավությունը, որը գերակշռում է մուսոնների ժամանակ, ձմռան գալուն պես նվազում է։ Քաղաքում նկատվում են հաճելի արևոտ օրեր և հաճելի զով գիշերներ՝ ջերմաստիճանը տատանվում է 5 °C-ից (41 °F)-30 °C (86 °F) միջև։

Ուդայպուրի մուսոնային ձմեռային եղանակն առավել գրավիչ ժամանակաշրջանն է զբոսաշրջության համար։ Զբոսաշրջիկներն այցելում են սեպտեմբերի կեսից մինչև մարտի վերջ կամ ապրիլի սկիզբ։ Նույնիսկ հունվարին՝ ամենացուրտ ամսին, օրերը պայծառ են, արևոտ և տաք, առավելագույն ջերմաստիճանը՝ շուրջ 28.3 °C (82.9 °F):

Ջերմաստիճանի և տեղումների տարեկան միջին ցուցանիշները Ուդայպուր
Ամիս	հունվ	փետ	մարտ	ապր	մայ	հուն	հուլ	օգոս	սեպ	հոկ	նոյ	դեկ	տարին
միջին առավելագույնը (°C)	24,3	27,0	32,6	37,3	39,7	37,3	32,0	30,2	32,3	33,4	29,4	25,5	31,7
միջին ջերմաստիճանը (°C)	24,2	26,9	32,8	37,4	39,8	37,3	33,9	30,3	32,6	33,3	29,3	25,5	31,8
միջին նվազագույնը (°C)	7,0	9,3	14,6	20,2	25,0	26,1	24,5	23,2	21,4	16,9	11,8	7,8	17,3
տեղումների քանակը (մմ)	3,5	2,0	1,2	6,6	18,2	92,7	188,8	205,1	96,2	19,1	17,2	3,6	654,3
Աղբյուր՝ [1]

• Ուդայպուրը հիշատակվում է Կիպլինգի «Ջունգլիների գիրք» ստեղծագործության մեջ, որպես պանտերա Բագիրայի ծննդավայր։
• «Հնդկական գերեզման» (1938) գերմանական ֆիլմի և «Բենգալյան վագր» (1959) ֆիլմի նկարահանումներն ու գործողությունները տեղի են ունեցել Ուդայպուր քաղաքում։
• Ուդայպուրում նկարահանվել է Ջեյմս Բոնդ սերիալի «Ութոտնուկ» ֆիլմի սյուժեի հնդկական մասը. Խանի պալատի տեսարանները նկարահանվել են Մոնսոնյան պալատում, Լճային պալատը նկարահանվել է որպես «Ութոտնուկ»-ի տուն։