Կառլես Պուչդեմոն: կատալոնացի լրագրող և քաղաքական գործիչ
Կառլես Պուչդեմոն ի Կազամաժո (կատ.՝ Carles Puigdemont i Casamajó; դեկտեմբերի 29, 1962(1962-12-29), Ամեր), կատալոնացի լրագրող և քաղաքական գործիչ, Կատալոնիայի ներկայիս (130-րդ) նախագահը։ Անդամակցում է Կատալոնական Եվրոպական դեմոկրատական կուսակցությանը (PDeCAT):
| Կառլես Պուչդեմոն | |
 | |
| Կուսակցություն՝ | Junts per Catalunya? |
|---|---|
| Մասնագիտություն՝ | քաղաքական ակտիվիստ, լրագրող և քաղաքական գործիչ |
| Դավանանք | քրիստոնեական աթեիզմ |
| Ծննդյան օր | դեկտեմբերի 29, 1962 (61 տարեկան) |
| Ծննդավայր | Ամեր |
| Քաղաքացիություն |  Իսպանիա |
| Հայր | Շավյեր Պուչդեմոն Օլիվերաս |
| Մայր | Նուրիա Կասամաժո |
| Ամուսին | Մարչելա Տոպոր |
| Կայք՝ | carlespuigdemont.cat |
| Ինքնագիր |  |
Ծնվել է Ամերում։ Լրագրողական կարիերան սկսել է հայրենի քաղաքում՝ աշխատելով տեղի մի քանի թերթերում։ Արդյունքում, դարձել է Կատալոնիայի նորությունների գործակալության տնօրեն, ինչպես նաև անգլալեզու «Catalonia Today» շաբաթաթերթի գլխավոր խմբագիր։ 1983 թվականից հանդիսանում է «Կոնվերգենցիա և Միություն» քաղաքական միավորման ակտիվիստ։ 2006 թվականին սկսել է իր քաղաքական կարիերան՝ «Կոնվերգենցիա և Միություն» (CiU) կուսակցությունից ընտրվելով Կատալոնիայի խորհրդարանի անդամ։
2011 թվականին ընտրվել է Ժիրոնայի քաղաքապետ։ 4 տարի անց դարձել է «Կատալոնիայի անկախացման օգտին հանդես եկող մունիցիպալիտետների ասոցիացիայի» նախագահ։
2016 թվականի հունվարի 10-ին դարձել է Կատալոնիայի կառավարության ղեկավար՝ այդ պաշտոնում փոխարինելով Արթուր Մեսային։ Իշխանափոխությունը հնարավոր է դարձել «Միասին «Այո»» և «Ազգային միասնության թեկնածություն» կուսակցության ձեռքբերած համաձայնության հիման վրա։ Հունվարի 14-ին ներկայացրել է Կատալոնիայի նոր կառավարությունը։
Տիրապետում է կատալոներենի, իսպաներենի, անգլերենի, ֆրանսերենի և ռումիներենի։
Ծանոթագրություններ
Արտաքին հղումներ
 | Վիքիպահեստն ունի նյութեր, որոնք վերաբերում են «Կառլես Պուչդեմոն» հոդվածին։ |
This article uses material from the Wikipedia Հայերեն article Կառլես Պուչդեմոն, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.