Լևոմեկոլ (լատին․՝ Laevomecolum, միջազգային անվանումը Սինտոմիցին+մեթիլուրացիլ), արտաքին օգտագործման համար նախատեսված սպիտակ քսուք։ Մշակվել է Խարկովի դեղագործական համալսարանում (ներկայիս՝ Ազգային դեղագործական համալսարան) 1970-ական թվականների վերջերին։ Քսուքը չի պարունակում օժանդակ (ձևավորող) նյութեր, այդ իսկ պատճառով բոլոր բաղադրիչները մասնակցում են բուժիչ էֆեկտի ձևավորմանը։
Լևոմեկոլը իրենից ներկայացնում է կոմբինացված միացություն արտաքին օգտագործման համար։ Այն ունի հակաբորբոքային ազդեցություն։ Քսուքը մաշկի մեջ է ներծծվում՝ չվնասելով կենսաբանական թաղանթը և խթանելով ռեգեներացման գործընթացները։ Թարախային և նեկրոզային վիճակներում դեղորայքի հակաբակտերիալ ազդեցությունը պահպանվում է։
Քսուքի օգտագործման ցուցումներին են դասվում վնասվածքային գործընթացի առաջին (թարախա-ներկոզային) փուլի թարախային վերքերը (ներառյալ միկրոֆլորայի ինֆեկցիոն վերքերը)։ Հակացուցումը գերզգայունությունն է։
Անհրաժեշտ է ստերիլ թանզիֆե անձեռոցիկների վրա քսուք քսել և դնել վերքի վրա։ Ինչպես նաև հնարավոր է այն թարախային խոռոչ լցնել կատետրով ներարկիչի օգնությամբ (դեղորայքը նախապես տաքացնելով մինչև 35-36 С°)։ Վիրակապը իրականացնում են ամեն օր մինչը վերքի լիարժեք մաքրումը։ Կողմնակի ազդեցությանն են դասվում ալերգիկ ռեակցիաները (մաշկի դուրս տալ)։
Լևոմեկոլի օգտագործումից առաջ անհրաժեշտ է խորհրդակցել բժշկի հետ։
This article uses material from the Wikipedia Հայերեն article Լևոմեկոլ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.