Խատուտիկ աղավնի(լատին․՝ Columba guinea), աֆրիկյան աղավնիների տեսակին պատկանող թռչուն։ Որպես դեկորատիվ թռչուն խատուտիկ աղավնին բուծվել է Մեծ Բրիտանիայում 1885 թվականին։
Խատուտիկ աղավնի | |
Խատուտիկ աղավնի | |
Դասակարգում | |
Ենթատիպ | Ողնաշարավորներ (Vertebrata) |
Դաս | Թռչուններ (Aves) |
Ենթադաս | Տիպիկ թռչուններ (Neognathae) |
Վերնակարգ | Columbimorphae |
Կարգ | Columbiformes |
Ընտանիք | Աղավնազգիներ (Columbidae) |
Ցեղ | Աղավնիներ (Columba) |
Տեսակ | Խատուտիկ աղավնի (C. guinea) |
Միջազգային անվանում | |
Columba guinea | |
Կարգավիճակ | |
Հատուկ պահպանության կարգավիճակ՝ Քիչ մտահոգող տեսակ |
Խատուտիկ աղավնին մոտ 41 սմ երկարություն ունի, փետուրը հիմնականում մոխրագույն է։ Մարմնի քաշը` 250-ից 350 գ։
Խատուտիկ աղավնին ունի կարմիր-շագանակագույն գույնի փետուրներ՝ եռանկյունաձև սպիտակ բծերով։ Պարանոցի վրա կա կարմիր-շագանակագույն փետուրների լայն օղակ՝ մոխրագույն գագաթներով և կանաչավուն փայլով։ Պոչի փետուրները, ինչպես նաև կրծքավանդակը և փորը մոխրագույն են։ Կտուցը սև է, գրեթե սպիտակ մոմով։ Ծիածանաթաղանթները դեղին են, արտաքին օղակը՝ նարնջագույնից մինչև կարմիր։ Աչքերի շուրջ մաշկը անփետուր և կարմիր է։
Խատուտիկ աղավնին ապրում է Աֆրիկայի անտառներում և սավաննաներում։ Արեալը տարածվում է Սենեգալից մինչև Սոմալի, իսկ այնուհետև հարավից մինչև Արևելաֆրիկյան Ռիֆթի հովիտ։ Հարավային Աֆրիկայի տարածքներից հիմնականում բնակվում է Զիմբաբվեում, Բոտսվանայում, Նամիբիայում և Հարավային Աֆրիկայում։
Խատուտիկ աղավնին սնվում է բույսերի սերմերով, ինչպես նաև հացահատիկով և գետնանուշով։ Սնուցումը տեղի է ունենում հիմնականում գետնին, սակայն թռչունը պտուղները կտցահարում է նաև ծառից։ Եթովպիայի լեռներում թռչունները ազգակից են Եթովպական աղավնիներին։
Բուծման ժամանակահատվածը տևում է մոտ 15 օր։ Էգը երկու ձու է դնում բնում, որը գտնվում է ժայռերի ծերպերում, ծառերի վրա կամ տների պատերին։ Ձագերը մնում են բնի մեջ 20-ից 23 օր։
Վիքիցեղերն ունի նյութեր, որոնք վերաբերում են «Խատուտիկ աղավնի» հոդվածին։ |
Վիքիպահեստն ունի նյութեր, որոնք վերաբերում են «Խատուտիկ աղավնի» հոդվածին։ |
This article uses material from the Wikipedia Հայերեն article Խատուտիկ աղավնի, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.