Իտալացի Աղջկա Երգը
«Իտալացի աղջկա երգը», հայազգի անվանի գրող և բանաստեղծ Միքայել Նալբանդյանի գրական ստեղծագործությունը, որը գրվել է 1859 թվականին Գերմանիայի Մայնի Ֆրանկֆուրտ քաղաքում։
| Իտալացի աղջկա երգը | |
|---|---|
| Ժանր | քնարապատմողական |
| Հեղինակ | Միքայել Նալբանդյան |
| Բնագիր լեզու | հայերեն |
| Գրվել է | 1859 |
| Հրատարակվել է | 19-րդ դար |
| Վիքիդարան | Իտալացի աղջկա երգը |
Ստեղծագործությունը երկխոսության միջոցով ներկայացնում է ավստրիական կործանարար լծից ազատվելու ուղղությամբ Ջուզեպպե Գարիբալդիի մղած ազգային-ազատագրական պատերազմը։ Բանաստեղծությունը Իտալիայի օրինակով վեր է հանում հայ ժողովրդի առջև ծառացած խնդիրները՝ հորդորելով միահամուռ ուժերով ընդդիմանալ գերությանն ու պայքարել հանուն ազատության և անկախության։
1991 թվականին ԽՍՀՄ-ից Հայաստանի անկախանալուց հետո «Իտալացի աղջկա երգը» ստեղծագործության հիման վրա գրվել է Հայաստանի անկախ Հանրապետության օրհներգը՝ վերանվանվելով «Մեր հայրենիք»։
Վերլուծություն
Միքայել Նալբանդյանի ստեղծագործությունը ներկայացնում է Ավստրիական կայսրության դեմ Իտալիայի մղած ազգային-ազատագրական պատերազմը՝ «քույր-եղբայր» երխոսության տեսքով։ Իտալացի աղջիկը ռազմաճակատ է ուղարկում սիրասուն եղբորը՝ վերջինիս հանձնելով ազատության խորհրդանիշ հանդիսացող եռագույն իտալական դրոշը։ Խոսվում է այն մասին, որ հայրենիքի համար նահատակվելը անմահություն է, ինչպես նաև իտալացի կանանց խիզախության և ազգասիրության մասին։
«Իտալացի աղջկա երգը» կոչ է հայ ժողովրդին։ Միքայել Նալբանդյանը ստեղծագործությունում Իտալիան ընտրել է որպես անկախության համար պայքարող երկրի օրինակ՝ հորդորելով հայերին ևս հետևել այդ օրինակին։
Ծանոթագրություններ
This article uses material from the Wikipedia Հայերեն article Իտալացի աղջկա երգը, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.