Իտալիայի Դրոշ: ազգային դրոշ
Իտալիայի դրոշը իրենից ներկայացնում է կանաչ, սպիտակ և կարմիր գույներով (ձախից աջ), հավասարաչափ ուղղահայաց շերտեր ունեցող ուղղանկյուն պաստառ։ Լայնքի և երկայնքի հարաբերությունը հավասար է 2։3։ Որոշ աղբյուրների համաձայն, դրոշի սպիտակն ու կանաչը Միլանի ոստիկանության համազգեստի գույներն են, որոնց հետո ավելացվեց կարմիր գույնը։
| Իտալիայի դրոշ | |
|---|---|
 | |
| Տեսակ | ազգային դրոշ |
| Իրավասության տարածք | Իտալիա |
| Օգտագործում |  |
| Նշան | 🇮🇹 |
| Հարաբերություն | 2:3 |
| Ընդունված է | հունվար 1 1948 |
| Գույներ | կանաչ, սպիտակ և կարմիր |
| Պատկերված է | դաշտ |
Պատմություն
Իտալիայի դրոշը նախագծել է Նապոլեոնը, որը նման էր Ֆրանսիայի հեղափոխության դրոշին։ Հիմքում ընկած են Միլանի գերբի գույները՝ սպիտակ և կարմիր, ինչպես նաև կանաչ՝ տեղական ոստիկանության համազգեստի գույնը։ Որպես Ցիսպադանական հանրապետության դրոշ հաստատվել է 1797 թվականի դեկտեմբերի 9–ին։ Հետագայում նույն գույներն օգտագործվել են նաև Իտալիայի նապոլեոնյան թագավորության դրոշում։ Սակայն դրոշները երկու դեպքում էլ տարբերվում էին Ֆրանսիայի դրոշից։ Առաջին դեպքում դրանք հորիզոնական շերտեր էին, իսկ երկրորդը՝ կարմիր պաստառ էր սպիտակ շեղանկյունով՝ վրան կանաչ ուղղանկյուն (ուղղանկյան վրա ոսկեգույն նապոլեոնյան արծիվ)։
1830 թվականից հետո դրոշը ֆրանսիական «եռագույնի» նման է, բայց կանաչ շերտը փոխարինվեց հեղափոխական շարժման կապույտով, որոնք պայքարում էին հանուն միասնական Իտալիայի ազատության։ Հենց այս դրոշով էլ տեղի ունեցավ Իտալիայի միավորումը Սարդինական թագավորության միապետի գլխավորությամբ․ թագավորը հաստատեց այն որպես պետական դրոշ 1848 թվականին։ Սպիտակ շերտագծի վրա զետեղվեց Սավոյական դինաստիայի գերբը։ Միավորված Իտալական թագավորությունում (1861—1946) օգտագործվում էր Սարդինյան թագավորության 1848 թվականի նախկին դրոշը։ 1946 թվականին դրոշից հեռացվեց Սավոյական գերբը։
2005 թվականի հուլիսի 6-ին Իտալիայի խորհրդարանը օրենք ընդունեց՝ համաձայն որի Իտալիայում ազգային դրոշի անարգման համար կտուգանվեին 1000-ից մինչև 1500 եվրոյով։
Չափ և գույներ
2003 թվականին կառավարությունը որոշեց իտալական դրոշի ճշգրիտ գույները, սակայն ընտրված երանգները բուռն քննարկումներ արժանացան և հետագայում փոփոխվեցին։ Վերջնական տեսքը հաստատվեց 2006 թվականին։
| Գունային սխեմա | Կանաչ | Սպիտակ | Կարմիր |
|---|---|---|---|
| Pantone | Fern Green | Bright White | Flame Scarlet |
| CMYK | 100-0-100-45 | 0-0-0-0 | 0-100-100-0 |
| RGB | 0-146-70 | 241-242-241 | 206-43-55 |
| HTML | #009246 | #F1F2F1 | #CE2B37 |
Դրոշի կողմերի հարաբերությունը 2։3 է, շերտերը հավասար լայնության են։
Ծանոթագրություններ
Արտաքին հղումներ
- «La Bandiera degli italiani dal sito del Quirinale». Վերցված է 23 giugno 2010-ին.
- «Lo stendardo presidenziale dal sito del Quirinale». Վերցված է 23 giugno 2010-ին.
- «La Bandiera dal sito del Governo Italiano - Dipartimento per il Cerimoniale dello Stato». Արխիվացված է օրիգինալից 2013 թ․ սեպտեմբերի 14-ին. Վերցված է 23 giugno 2010-ին.
- Museo del Tricolore Արխիվացված 2010-06-09 Wayback Machine
- Storia minima della bandiera italiana dal sito del C.I.S.V. - Centro italiano studi vessillologici
- Bandiera di bompresso del Regno d'Italia, 1879-1946 dal sito del C.I.S.V. - Centro italiano studi vessillologici
- Italia dal sito Bandiere Passato e Presente di Roberto Breschi
- Cronologia degli avvenimenti che furono alle origini del tricolore della bandiera nazionale italiana Արխիվացված 2016-03-02 Wayback Machine
- Trascrizione del verbale sulla nascita della bandiera italiana - settembre 1794 Արխիվացված 2016-03-02 Wayback Machine
- Il significato dei tre colori della nostra Bandiera Nazionale Արխիվացված 2018-08-01 Wayback Machine
- Costituzione della Repubblica di Bologna (Approvata il 4 dicembre 1796) + Lo stemma del Comune di Bologna Արխիվացված 2016-03-25 Wayback Machine
This article uses material from the Wikipedia Հայերեն article Իտալիայի դրոշ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.