Ֆրանկո Արմանի (իսպ.՝ Franco Armani, հոկտեմբերի 16, 1986(1986-10-16), Casilda, Սանտա Ֆե նահանգ), արգենտինացի պրոֆեսիոնալ ֆուտբոլիստ։ Ներկայումս հանդես է գալիս Ռիվեր Փլեյթի և Արգենտինայի ազգային հավաքականի կազմում։ Խաղում է դարպասապահի դիրքում։
Արմանին մամլո ասուլիսի ժամանակ 2018 թվականին | |||
Անձնական տվյալներ | |||
Քաղաքացիությունը | Արգենտինա | ||
Ծննդյան ամսաթիվ | հոկտեմբերի 16, 1986[…] (37 տարեկան) | ||
Ծննդավայր | Casilda, Սանտա Ֆե նահանգ | ||
Հասակ | 189 սմ | ||
Քաշ | 85 կգ | ||
Դիրք | դարպասապահ | ||
Ակումբային տեղեկություններ | |||
Ներկա ակումբ | Ռիվեր Փլեյթ | ||
Համար | 1 | ||
| |||
Մասնագիտական կարիերա* | |||
Տարի | Ակումբ | Խաղ (գոլ) | |
2006-2008 | Ֆերո Կարիլ Օեստե | 45 | (0) |
2008-2010 | Դեպորտիվո Մերլո | 39 | (0) |
2010-2018 | Ատլետիկո Նասիոնալ | 135 | (0) |
2018-ներկա | Ռիվեր Փլեյթ | 14 | (0) |
Ազգային հավաքական‡ | |||
2018-ներկա | Արգենտինա | 2 | (0) |
| |||
* Մասնագիտական կարիերայում ընդգրկված են միայն առաջնության խաղերը և գոլերը |
Պրոֆեսիոնալ ֆուտբոլիստի կարիերան Արմանին սկսել է Ֆերո Կարիլ Օեստեում։ 2008 թվականին նա միացավ Արգենտինայի երկրորդ դիվիզիոնում հանդես եկող Դեպորտիվո Մերլոյին։ Դեպորտիվոյի կազմում նա անցկացրեց 39 հանդիպում առաջնությունում։
2010 թվականի ամռանը Արմանին միացավ կոլումբիական Ատլետիկո Նասիոնալին։ Իր դեբյուտը նշեց նոյեմբերի 7-ին՝ Լա Էկիդադի դեմ խաղում։ Իր առաջին հանդիպումը միջազգային առաջնություններում անցկացրեց 2013 թվականի հուլիսի 30-ին՝ պերուական Այակուչոյի դեմ Հարավամերիկյան գավաթի խաղում։ 2013 թվականին նա դարձավ Ատլետիկոյի հիմնական դարպասապահը։ 2014 թվականին Արմանին Կոլումբիայի առաջնությունում ռեկորդ սահմանեց՝ 1046 րոպե շարունակ իր դարպասը պահելով անառիկ։ 2016 թվականի Լիբերտադորեսի գավաթի խաղարկությունում անցկացրած 14 խաղերում արգենտինացին բաց թողեց ընդամենը 6 գնդակ՝ օգնելով իր թիմին նվաճել գավաթը։ 2016 թվականի դեկտեմբերին նա մասնակցեց աշխարհի ակումբային առաջնությանը, սակայն Ատլետիկոն զբաղեցրեց միայն 3-րդ հորիզոնականը։ Ատլետիկո Նասիոնալի կազմում Արմանին անցկացրեց 248 հանդիպում՝ 6 անգամ հաղթելով Կոլումբիայի առաջնությունը, 3 անգամ՝ Կոլումբիայի գավաթը և 2 անգամ՝ Կոլումբիայի սուպերգավաթը։
2018 թվականի հունվարի 11-ին Արմանին 3 տարվա պայմանագիր կնքեց Ռիվեր Փլեյթի հետ։ Իր դեբյուտը նշեց փետրվարի 4-ին՝ Օլիմպոյի դեմ խաղում։ Մարտի 14-ին՝ Արգենտինայի սուպերգավաթի Բոկա Խունիորսի դեմ խաղում Արմանին պահեց իր դարպասը անառիկ՝ ճանաչվելով հանդիպման լավագույն ֆուտբոլիստ և օգնելով Ռիվեր Փլեյթին հաղթել գավաթը։ Լավագույն ֆուտբոլիստի մրցանակը հովանավորում էր Բուրգեր Քինգը և նա թագադրվեց խաղադաշտում։ 2018 թվականի մայիսին Արմանին երկարաձգեց իր պայմանագիրը ակումբի հետ ևս 1 տարով։
Ատլետիկո Նասիոնալի կազմում խաղալու տարիներին Արմանին ամուսնացավ կոլումբիացու հետ և դիմեց Կոլումբիայի քաղաքացիության համար։ Կոլումբիացիները ցանկանում էին, որ Արմանին հանդես գա Կոլումբիայի ազգային հավաքականի կազմում, սակայն նախընտրեց վերադառնալ Արգենտինա՝ Արգենտինայի հավաքականի կազմում հանդես գալու հնարավորություն ստանալու համար։
2018 թվականի հունիսին Արմանին ընդգրկվեց Արգենտինայի՝ աշխարհի առաջնության համար վերջնական կազմում։ Իր դեբյուտը ազգային հավաքականի կազմում նշեց հունիսի 26-ին՝ խմբային փուլի վերջին՝ Նիգերիայի դեմ խաղում՝ հանդիպման մեկնարկային կազմում փոխարինելով Վիլլի Կաբալյերոյին։ Հունիսի 30-ին նա խաղադաշտ դուրս եկավ 1/8 եզրափակչի Ֆրանսիայի դեմ խաղում, սակայն Արգենտինան պարտվեց 4-3 հաշվով և դուրս մնաց առաջնությունից։
2018 թվականի հուլիսի 3-ի դրությամբ
Ակումբ | Մրցաշրջան | Առաջնություն | Գավաթ | Մայրցամաքային | Այլ | Ընդհանուր | |||||
---|---|---|---|---|---|---|---|---|---|---|---|
Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
Ատլետիկո Նասիոնալ | 2010 | 2 | 0 | 0 | 0 | — | 2 | 0 | |||
2011 | 8 | 0 | 16 | 0 | 0 | 0 | 0 | 0 | 24 | 0 | |
2012 | 3 | 0 | 8 | 0 | 0 | 0 | 1 | 0 | 12 | 0 | |
2013 | 14 | 0 | 6 | 0 | 8 | 0 | 0 | 0 | 28 | 0 | |
2014 | 21 | 0 | 3 | 0 | 19 | 0 | 1 | 0 | 44 | 0 | |
2015 | 29 | 0 | 2 | 0 | 3 | 0 | 2 | 0 | 36 | 0 | |
2016 | 20 | 0 | 4 | 0 | 24 | 0 | 4 | 0 | 52 | 0 | |
2017 | 38 | 0 | 4 | 0 | 8 | 0 | 0 | 0 | 50 | 0 | |
Ընդհանուր | 135 | 0 | 43 | 0 | 62 | 0 | 8 | 0 | 248 | 0 | |
Ռիվեր Փլեյթ | 2017–18 | 14 | 0 | 1 | 0 | 6 | 0 | 0 | 0 | 21 | 0 |
Կարիերայի ընդհանուր | 149 | 0 | 44 | 0 | 68 | 0 | 8 | 0 | 269 | 0 |
2018 թվականի հուլիսի 3-ի դրությամբ
Արգենտինա | ||
---|---|---|
Տարի | Խաղեր | Գոլեր |
2018 | 2 | 0 |
Ընդհանուր | 2 | 0 |
Ատլետիկո Նասիոնալ
Ռիվեր Փլեյթ
Վիքիպահեստն ունի նյութեր, որոնք վերաբերում են «Ֆրանկո Արմանի» հոդվածին։ |
This article uses material from the Wikipedia Հայերեն article Ֆրանկո Արմանի, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.