Ֆերմիում: քիմիական տարր

Արհեստականորեն ստացված ռադիոակտիվ տարր է, պատկանում է ակտինիդների շարքին։ f տարր է։ Ստացվել են 244—258 զանգվածի թվերով 15 ռադիոակտիվ իզոտոպները։ Առաջինը հայտնաբերվել է 1952 թվականին ամերիկացի ֆիզիկոսներ Ա․ Գիորսոի, Ս․ Թոմպսոնի և Զ․ Հիգինսի կողմից։ Անվանվել է ի պատիվ Էնրիկո Ֆերմիի։ Կշռելի քանակներով չի ստացվել։ Քիմիական հատկություններով նման է եռարժեք ակտինոիդներին, միացություններում ցուցաբերում է +3, երբեմն նաև +2 օքսիդացման աստիճաններ։ Ֆերմիումի իզոտոպներն ստացվում են Th-ը, Ս-ը կամ Pu-ը նեոնի, թթվածնի կամ ածխածնի արագացված միջուկներով ռմբակոծելիս, նաև cf-ը միջուկային ռեակտորում նեյտրոններով ճառագայթելիս։ Ֆերմիումի ստացված հետքային քանակությունները խառնուրդներից անջատում են սորբման և լուծահանման եղանակներով։

• Պարբերական աղյուսակ

Սա գիտության Քիմիա բնագավառի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։