Fermii (Fm — fermium latinan kelel) om 100nz' himine element himižiden elementoiden periodižes tabludes, aktinoidoiden gruppaspäi (koumanz' grupp, seičemenz' period).
100 | 2 8 30 32 18 8 2 |
Fm 257,0951 | |
Fermii |
Ei ole fermijad londuses. Se om ratud transplutonine element.
Kaik fermii tehtas atomreaktoriš ani penikaižin verdoin.
Fermii om radiotoksine. Muiktuzmärad himižiš reakcijoiš oma +3 i +2.
Amerikaine Al'bert Giorso-himik da hänen kollegad avaižiba fermijan 255-izotopad vn 1952 tal'vkus Kalifornijan universitetas (Berkli) ezmäižen vezinikbomban poukahtusen jäl'giš (angl.: Ivy Mike test) Maršallan sariden Enivetok-atollal. Element om nimitadud Enriko Fermi-fizikantedomehen muštoks.
Fermii om radioaktivine hobedakaz metall. Kristalline segluz om kubine tahkonkeskustoittud (endustuz).
Atommass — 257,0951. Ninevuz (normaližiš arvoimižiš) — 9,7 g/sm³ (lugustusen mödhe). Suladandlämuz — 1800 K (1527 C°, ezimeletaden).
Tetas 20 ratud izotopad 241..260 atommassanke i kaks' izomärad (250m i 251m). Kaikiš hätkemb om 257Fm-izotop 100,5 päiväd pol'čihodamižen pordonke.
Elementan izotopad čihotas erazvuiččin: kätas kalifornijaks α-čihodamižen kal't päpaloin vai südäituk jagase spontanižikš, einšteinii sädase β-čihodamižen kal't penembas lugumäras.
Kävutadas fermijad südäitukfizikas metoks samha jüžmakombid himižid elementoid.
Fermii Vikiaitas |
This article uses material from the Wikipedia Vepsän article Fermii, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.