Օրանգուտան

՞ Օրանգուտան
Օրանգուտան Բեռլինի կենդանաբանական այգում
Գիտական դասակարգում
Թագավորություն Կենդանիներ Տիպ Քորդավորներ Դաս Կաթնասուններ Ցեղ Պանտերա Տեսակ Օրանգուտան
Լատիներեն անվանում
Pongo
Արեալ
Պատկերներ Վիքիպահեստում ITIS 183803 NCBI 9689

Օրանգուտան (լատին․՝ Pongo, մալայերեն orang-utan – անտառային մարդ), խոշոր մարդանման կապիկ։Ունի 2 ենթատեսակ։

• Կալիմանտանյան օրանգուտան (P․ p․ pygmaeus)
• Սումատրայան օրանգուտան (P․p, abelii)

Սեռական երկձևությունը լավ է արտահայտված։ Կալիմանտան կղզու օրանգուտանի արուի զանգվածը մինչև 189 կգ է, էգերինը 81 կգ։ Առանձին անհատներ ունեն մինչև 200–250 կգ զանգված։ Սումատրա կղզու օրանգուտանի ներկայացուցիչներն ավելի փոքր են։

Մազածածկը կոշտ է, կարմրաշիկավուն, երկար, հատկապես ուսերին և ձեռքերի վերին մասում։ Դեմքը մերկ է, լայն, ականջները՝ փոքր։ Գանգը բարձր է, ուղեղի ծավալը 400–500 սմ³։

Պոչ և նստատեղային կոշտուկներ չունեն։ Ձեռքերը շատ երկար են (բացված վիճակում մինչև 3մ), ափը լայն Է, երկար, ետ զարգացած մեծ մատով։ Ոտքերը համեմատաբար կարճ են, ոտնաթաթը նեղ՝ երկար մատներով, կառչող։

Ապրում են ճահճոտ անտառներում, ծառերի վրա։ Գետնի վրա քայլում են 4 վերջույթներով։ Լինում են ոչ մեծ խմբերով, գիշերելու համար բներ են պատրաստում։ Սնվում են պտուղներով, թռչունների ձվերով։

Սեռահասուն են դառնում 10–12 տարեկանում։ հղիությունը 275 օր է, ծնում են 1 ձագ (1200–1600 գ), որը մինչև 3–4 տարի սնվում է մոր կաթով։ Ազատության մեջ ապրում են մինչև 30 տարի։ Որպես հազվադեպ անհետացող կենդանի գրանցված են բնության և բնական պաշարների պահպանության միջազգային միության Կարմիր գրքում։

•  
  Օրանգուտան ռուսական գազանանոցում։ Անգույն նկար
•  
  Օրանգուտան ռուսական գազանանոցում։ Անգույն նկար
•  
  Օրանգուտան

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։

Վիքիցեղերն ունի նյութեր, որոնք վերաբերում են «Օրանգուտան» հոդվածին։

Վիքիպահեստն ունի նյութեր, որոնք վերաբերում են «Օրանգուտան» հոդվածին։